Share on Social Media


ஹைலைட்ஸ்:

  • இசையமைப்பாளர் இனியவன் மாரடைப்பால் மரணம்
  • இனியவன் மரணத்திற்கு வைரமுத்து இரங்கல்

இசையமைப்பாளர் இனியவன் அக்டோபர் 23ம் தேதி மாரடைப்பால் மரணம் அடைந்தார். அந்த தகவல் அறிந்த கவிப்பேரரசு வைரமுத்து இரங்கல் செய்தி வெளியிட்டுள்ளார்.

அதில் அவர் கூறியிருப்பதாவது,

இசை அமைப்பாளர் இனியவன் நேற்று மாரடைப்பால் மரணம் அடைந்தார் என்ற செய்தியை அறிந்து மிகுந்த அதிர்ச்சியும் வேதனையும் அடைந்தேன். மிகச்சிறந்த இசை அமைப்பாளர். தஞ்சை மாவட்டத்துக்காரர். தேர்ந்த இயக்குனர்களிடம் இவர் கைகோர்த்திருந்தால் திரை இசையைக் கலக்கியிருப்பார்.

‘கவுரி மனோகரி’ படத்தில் கே.ஜே.ஜேசுதாசும் – எஸ்.பி.பியும் இணைந்து பாடிய “அருவி கூட ஜதியில்லாமல் சுரங்கள் பாடுது” பாடல் கேட்டால் இவர் ஆற்றல் புரியும். தலைவர் பிரபாகரனுக்குப் பிடித்த பாடல் அது என்று ஒரு ஈழ நண்பர் என்னிடம் சொன்னார். எனது ‘ஜென்மம் நிறைந்தது’ பாடலுக்கும் இசை இவரே.

ஐந்து நாட்களுக்கு முன்பு கூட பேசினோம். நல்ல உடல் நலனோடு இருந்தார். ‘ஓடங்கள்’ பட இசை அமைப்பாளர் சம்பத் செல்வத்திடம் இசை உதவியாளராக இருந்து அவர் மூலம் எனக்கு அறிமுகம் ஆனவர். நீண்ட கால நண்பர். இவரது உடல் சொந்த ஊரான தஞ்சைப் பகுதியில் அடக்கம் செய்யப்படுகிறது என்று அவர் அதில் தெரிவித்திருந்தார்.
நயன்தாரா, விக்னேஷ் சிவன் வீட்டுல விசேஷமுங்க: குவியும் வாழ்த்துக்கள்



Source link

Share on Social Media

Leave a Reply

Your email address will not be published. Required fields are marked *