Share on Social Media


ஹைலைட்ஸ்:

  • பாகிஸ்தானின் ராணுவ தளங்களை அமெரிக்கா பயன்படுத்த அனுமதிக்க முடியாது
  • பிரதமர் இம்ரான் கான் திட்டவட்டம்

பாகிஸ்தானின் ராணுவ தளங்களை அமெரிக்கா பயன்படுத்த அனுமதிக்க முடியாது என, அந்நாட்டு பிரதமர் இம்ரான் கான் திட்டவட்டமாக தெரிவித்துள்ளார்.

வரும் செப்டம்பர் மாதத்துக்குள், அமெரிக்க படைகள் முழுமையாக திரும்பப் பெறப்படும் என, அமெரிக்கா அறிவித்துள்ளது. இந்நிலையில், படைகள் முழுமையாக வெளியேறிய பின்னர், அமெரிக்க வீரர்களை பாகிஸ்தானில் உள்ள ராணுவ தளங்களில் நிறுத்தி, எல்லை தாண்டி, ஆப்கானிஸ்தானில் பயங்கரவாத எதிர்ப்பு நடவடிக்கைகளை மேற்கொள்ள, அமெரிக்க ராணுவம் முடிவு செய்திருப்பதாக அந்நாட்டு ஊடகங்களில் செய்தி வெளியாகின.

இந்நிலையில், அமெரிக்க வீரர்கள் பாகிஸ்தான் ராணுவ தளங்களை பயன்படுத்த அனுமதிக்க முடியாது என, பாகிஸ்தான் பிரதமர் இம்ரான் கான் திட்டவட்டமாக தெரிவித்துள்ளார்.‌

லட்சத்தீவு நிர்வாகியின் உத்தரவுகளுக்கு உயர்நீதிமன்றம் இடைக்கால தடை
இது தொடர்பாக, இஸ்லாமாபாத்தில் செய்தியாளர்களிடம் பிரதமர் இம்ரான் கான் பேசியதாவது:
ராணுவ தளங்களை வழங்குவது என்பது எளிதான ஒன்று அல்ல. நாங்கள் ஏற்கனவே அதிக விலை கொடுத்து உள்ளோம். ஆப்கானிஸ்தானில் குண்டு வீசவும், அங்கு உள்நாட்டு போரை தொடங்கவும் பாகிஸ்தானின் ராணுவ தளங்களை அமெரிக்க வீரர்கள் பயன்படுத்த ஒப்புக்கொண்டால், பாகிஸ்தான் மீண்டும் பயங்கரவாதிகளால் பழிவாங்க இலக்கு வைக்கப்படும்.

கடந்த காலத்தில் பாகிஸ்தான் இதே தவறை செய்தது. ஆனால் அந்த அனுபவத்தில் இருந்து பாடம் கற்றுக்கொண்டது. ஆப்கானிஸ்தானை வெளியிலிருந்து கட்டுப்படுத்த முடியாது என்பதை வரலாற்று நிரூபித்துள்ளது.
இவ்வாறு அவர் கூறினார்.



Source link

Share on Social Media

Leave a Reply

Your email address will not be published. Required fields are marked *