Share on Social Media



நீரிழிவு சிக்கல்களை தவிர்ப்பது கடினமான பணி என்று சொல்லலாம். நீரிழிவு வந்தவர்களுக்கு கண்கள் முதல் பாதங்கள் வரை உடலின் ஒவ்வொரு பகுதியையும் பாதிக்கலாம். நீரிழிவு நோயை நிர்வகிப்பதற்கான முக்கியமான பகுதியாக வழக்கமான சோதனைகள் செய்வது அவசியம். இது சிக்கல்களை வரும் முன் தடுக்க உதவும். நீரிழிவு இருப்பவர்கள் செய்ய வழக்கமாக செய்ய வேண்டிய எட்டு பரிசோதனைகள் என்னென்ன என்பதை அறிந்து கொள்வோம்.

​A1C – பரிசோதனை

இந்த முக்கிய இரத்தப்பரிசோதனையானது முந்தைய இரண்டு அல்லது மூன்று மாதங்களில் உங்கள் சராசரி இரத்த சர்க்கரை அளவை அளவிடலாம். இது உங்கள் இரத்த சர்க்கரை எவ்வளவு கட்டுப்படுத்தப்படுகிறது என்பதை மருத்துவருக்கு தெரியபடுத்தும் சோதனை ஆகும்.

IVF: செயற்கை கருத்தரிப்பு செய்து கொண்டால் புற்றுநோய் வருமா? என்ன பாதிப்புகள் ஏற்படுத்தும்?

அமெரிக்க நீரிழிவு சங்கத்தின்படி, நீங்கள் இந்த பரிசோதனையை வருடத்துக்கு இரண்டு முறை பெற வேண்டும். உங்கள் A1C பரிசோதனை முடிவுகள் முடிந்தவரை 7 க்குள் இருக்க வேண்டும். இது குறித்து உங்கள் மருத்துவரிடம் பேசுங்கள். இந்த பரிசோதனையை உங்கள் முதன்மை மருத்துவர் வாயிலாக பெறலாம்.

​இரத்த அழுத்த சோதனைகள்

samayam tamil Tamil News Spot

நீரிழிவு பிரச்சனை இருப்பவர்களுக்கு அவர்களது இரத்த அழுத்தம் ஏற்படுவதற்கான வாய்ப்புகளை அதிகரிக்கிறது. இது பக்கவாதம் மற்றும் மாரடைப்புக்கான அதிக ஆபத்தில் உங்களை வைக்கிறது. ஒவ்வொரு முறையும் உங்கள் முதன்மை மருத்துவரை பார்க்கும் போது இரத்த அழுத்தத்தை சரிபார்க்கவும்.

​கொழுப்பு சோதனை

samayam tamil Tamil News Spot

நீரிழிவு நோயாளிகளுக்கு இதய நோய் அபாயமும் அதிகரிக்கும் என்பதால் வருடாந்திர பரிசோதனையின் ஒரு பகுதியாக கொழுப்பு அளவை சரிபார்க்க இரத்த பரிசோதனை செய்வது முக்கியம். இதனால் கொழுப்பு அதிகரிக்காமல் பார்த்துகொள்ளலாம். அளவு அதிகமாக இருந்தாலும் முன்கூட்டியே பரிசோதனையின் மூலம் கண்டறிந்து சிக்கலை தடுக்கலாம்.

​கால் பாதம்

samayam tamil Tamil News Spot

அமெரிக்க பாதவியல் மருத்துவ சங்கத்தின் கூற்றூப்படி நீரிழிவு நோயாளிகளில் பாதிபேர் தங்கள் கால்களிலும் கீழ் முனைகளிலும் உணர்வை இழக்க நேரிடும். ஒவ்வொரு முறை மருத்துவரை சந்திக்கும் போதும் முழுமையான கால் பரிசோதனை பெறுவதை உறுதிப்படுத்தி கொள்ளுங்கள்.

Fruits for diabetics : சர்க்கரை நோயாளிகளுக்கு ஏற்ற 10 விதமான பழங்கள் என்னென்ன?

கால் அனிச்சைகள் கால்சஸ், நோய்த்தொற்றுகள், புண்கள் மற்றும் உணர்வு இழப்புக்காக கால்களை சரிபார்ப்பார். முதன்மை மருத்துவர் கால்களை பரிசோதிக்கலாம். அல்சர் போன்ற பிரச்சனை இருந்தால், பாதங்களில் புண் இருந்தால் முன் கூட்டியே கவனிப்பதன் மூலம் சிக்கலை தடுக்கலாம்.

​கண் பரிசோதனை

samayam tamil Tamil News Spot

கண் மருத்துவரிடம் வருடத்துக்கு ஒரு முறை கண் பரிசோதனை செய்யுங்கள். உயர் இரத்த சர்க்கரை இரத்த நாளங்களை சேதப்படுத்தியதா என்பதை பார்க்க கண்களை பரிசோதிப்பார். நீரிழிவு இருப்பவர்களுக்கு கிளைகோமா, கண்புரை மற்றும் நீரிழிவு ரெட்டினோபதியின் ஆரம்ப அறிகுறிகளை சரிபார்ப்பது பார்வையை பாதுகாக்க உதவும்.

​சிறுநீரக பரிசோதனை

samayam tamil Tamil News Spot

மைக்ரோஅல்புமின் சோதனையானது சிறுநீரில் உள்ள புரதமான அல்புமின் அளவை அளந்து சொல்லும் பரிசோதனை ஆகும். கழிவுப்பொருளான அது கிரியேட்டினின் அளவோடு ஒப்பிடப்படுகிறது.

அல்புமினுக்கும் கிரியேட்டினினுக்கும் உள்ள விகிதம் உங்கள் சிறுநீரகங்கள் சரியாக இயங்குகிறதா என்பதை மருத்துவருக்கு தெரியப்படுத்துகிறது. வருடத்துக்கு ஒரு முறை இந்த பரிசோதனையை மேற்கொள்ளுங்கள். மருத்துவரின் வழிகாட்டுதலில் இந்த பரிசோதனை செய்யலாம்.

​பல் பரிசோதனை

samayam tamil Tamil News Spot

ஈறு நோய் என்பது நீரிழிவு நோயின் குறைவான அறியப்பட்ட சிக்கலாகும். இது தீவிரமாக இருக்கும் போது உங்கள் இரத்த சர்க்கரையை கட்டுப்படுத்துவது கடினமாக இருக்கலாம். மேலும் தொற்று மற்றும் உடல்நல பிரச்சனைகளையும் உண்டாக்கலாம்.

ஒவ்வொரு ஆறு மாதங்களுக்கும் வழக்கமான சுத்தம் செய்ய உங்கள் பல் மருத்துவரை பார்க்கவும். தினசரி ஃப்ளோசிங் மற்றும் பல் துலக்குதல் போன்ற சுய பாதுகாப்பு மூலம் பல் ஆரோக்கியத்தை பராமரியுங்கள்.

​எலக்ட்ரோ கார்டியோகிராம்

samayam tamil Tamil News Spot

நீரிழிவு நோயாளிகளில் இதய நோயின் அறிகுறிகள் வழக்கத்துக்கு மாறானதாக இருப்பதாலும் அடையாளம் காண்பது கடினமாக இருக்கும் என்பதாலும் முன்கூட்டியே அதன் செயல்பாட்டை பரிசோதிப்பது பாதுகாப்பானது.

நீரிழிவு வந்து 50 வயதுக்கு மேற்பட்டவராக இருந்தால் இதய ஆரோக்கியத்தை சரிபார்க்க எலக்ட்ரோ கார்டியோகிராம் செய்வது குறித்து மருத்துவரிடம் பேசுங்கள். நீரிழிவு நோயாளிகளுக்கு மார்பு வலியை விட தாடை, மார்பு அல்லது கைகளில் உணர்வின்மை அல்லது ஒற்றைப்படை உணர்வு இருக்கலாம்.

மார்பக புற்றுநோயிலிருந்து மீண்டவர்களுக்கான உணவு முறை எப்படி இருக்க வேண்டும்?

நீரிழிவு நோயாளிகள் ஒரே மருத்துவரை தொடர்ந்து சந்திப்பதன் மூலம் வழக்கமான சோதனைகளில் முன்கூட்டியே கண்டறிந்து பல சிக்கல்கள் வராமல் தவிர்க்கலாம்.



Source link

Share on Social Media

Leave a Reply

Your email address will not be published. Required fields are marked *