1602794607 pic Tamil News Spot
Share on Social Media

கடந்த மார்ச் மாதத்தில் இருந்து கொரோனா வைரஸ் பிரச்சனையாக இருக்கிறது. ஊரடங்கு உத்தரவு அமலில் இருந்தபோது கொரோனா வைரஸால் பாதிக்கப்பட்டவர்களின் எண்ணிக்கை குறைவாக இருந்தது. ஆனால் ஊரடங்கு தளர்த்தப்பட்ட பிறகு கொரோனாவால் பாதிக்கப்படுவோரின் எண்ணிக்கை நாளுக்கு நாள் அதிகரித்து வருகிறது.

கொரோனா வைரஸ் வேகமாக பரவி வரும் நிலையில் மக்கள் மாஸ்க் அணியாமல் தைரியமாக வெளியே செல்கிறார்கள். கொரோனா என்கிற ஒன்றே இல்லாதது போன்று சமூக விலகலை மறந்துவிட்டார்கள். இந்நிலையில் கவிப்பேரரசு வைரமுத்து நோய் எதிர்ப்பாற்றலை அதிகரிக்க என்ன செய்யலாம் என்பது குறித்து ஒரு ட்வீட் போட்டுள்ளார்.

அந்த ட்வீட்டில் வைரமுத்து கூறியிருப்பதாவது,
வெற்றிலை ஒன்று
வால்மிளகு இரண்டு
நகத்தளவு இஞ்சித் துண்டு
மூன்றையும் மென்று
அதிகாலையில்
சீரகத் தண்ணீர் அருந்துகிறேன்.

நோய் எதிர்ப்பாற்றல்
கூட்டும் வழிகளுள்
இதுவும் ஒன்று என்று நம்புகிறேன்.

அருள் கூர்ந்து நீங்களும்…
#Corona என்று தெரிவித்துள்ளார்.

நோய் எதிர்ப்பாற்றல் இருந்தால் கொரோனா பாதிப்பு ஏற்பட்டாலும் பிரச்சனை இல்லை. இந்நிலையில் தான் எளிதில் கிடைக்கும் பொருட்களை வைத்து நோய் எதிர்ப்பாற்றலை அதிகரிப்பது எப்படி என்று வைரமுத்து தெரிவித்துள்ளார்.

நோய் எதிர்ப்பாற்றல் மட்டும் இல்லை தைரியமாகவும் இருந்தால் கொரோனா பாதிப்பில் இருந்து எளிதில் குணமாகிவிடலாம் என்று விஷால் கூட முன்பு தெரிவித்தார். அவருக்கும், தந்தைக்கும் கொரோனா வைரஸ் பாதிப்பு ஏற்பட்டபோது தைரியம் தான் கை கொடுத்ததாக கூறினார் என்பது குறிப்பிடத்தக்கது.

வைரமுத்துவின் ட்வீட்டை பார்த்தவர்கள் கூறியிருப்பதாவது,

பிரபல சேனலின் விஜேவுக்கு வைரமுத்து பாலியல் தொல்லை: சின்மயி புகார்

அருமையான ட்வீட். நாங்களும் செய்து பார்க்கிறோம். ஆமாம், பிரபல தொலைக்காட்சி சேனலில் விஜேவாக வேலை செய்த பெண்ணுக்கு நீங்கள் பாலியல் தொல்லை கொடுத்ததாக பாடகி சின்மயி தெரிவித்துள்ளார். அவருக்கு நீங்கள் இன்னும் பதில் அளிக்கவே இல்லை ஐயா. அந்த விஜேவுடன் சேர்த்து 17 பெண்கள் உங்கள் மீது புகார் தெரிவித்துள்ளதாக சின்மயி கூறுகிறார் என்று தெரிவித்துள்ளனர்.

Thanks for the Source

Share on Social Media

Leave a Reply

Your email address will not be published. Required fields are marked *