Share on Social Media


ஹைலைட்ஸ்:

  • நிலவுக்கு மனிதனை அனுப்பும் திட்டம்
  • ஒத்தி வைத்தது ‘நாசா!’

நிலவுக்கு மனிதனை அனுப்பி வைக்கும் திட்டத்தை, அமெரிக்க விண்வெளி ஆராய்ச்சி நிறுவனமான, நாசா ஒத்தி வைத்துள்ளது.

கடந்த 1969 ஆம் ஆண்டு, ஜூலை மாதம் 20 ஆம் தேதி, முதன் முதலில், மனிதனை அமெரிக்கா நிலவுக்கு அனுப்பியது. அப்போல்லோ 11 விண்கலத்தில், வீரர்கள் நீல் ஆம்ஸ்ட்ராங் மற்றும் பஸ் ஆல்ட்ரின் ஆகியோர் நிலவில் முதன்முதலில் காலடி வைத்து பெருமை சேர்த்தனர். இதைத் தொடர்ந்து, நாசா விண்வெளி மையம் பல முறை மனிதனை நிலவுக்கு அனுப்பி சோதனை நடத்தியது. இதற்கு மிக அதிகமாக செலவானதால் அதன் பின்னர் மனிதர்கள் அனுப்பப்படவில்லை.

இதற்கிடையே, அமெரிக்க அதிபராக டொனால்டு ட்ரம்ப் இருந்த போது, மீண்டும் மனிதனை நிலவுக்கு அனுப்பி ஆய்வு மேற்கொள்ளப்படும் என்று அறிவித்தார். 2024 ஆம் ஆண்டு நிலவுக்கு அனுப்பும் பணி நடைபெறும் என்றும் ட்ரம்ப் குறிப்பிட்டார்.
கொரோனா உயிரிழப்பில் புதிய உச்சம் – ஒரே நாளில் 1,239 பேர் பலி!
இதற்காக, தனியார் விண்வெளி ஆய்வு மையமான ‘ஸ்பேஸ் எக்ஸ்’ நிறுவனத்திடம் ஒப்பந்தம் செய்யப்பட்டது. இதற்காக ரூ.20 ஆயிரம் கோடி வழங்குவதாக ஒப்பந்ததில் முடிவு செய்தனர். விண்வெளி வீரர்கள் பயணம் செய்வதற்காக ஆர்டிமிஸ் லூனர் – 3 என்ற விண்வெளி ஓடத்தை ஸ்பேஸ் எக்ஸ் நிறுவனம் தயாரித்தது. ஆனால் இதன் பணிகள் தாமதமாகி உள்ளன. சட்டப் பிரச்னைகள் காரணமாக நிலவுக்கு மனிதனை அனுப்பும் பணி 2025 ஆம் ஆண்டுக்கு தள்ளி வைக்கப்பட்டுள்ளதாக, நாசா விண்வெளி மையத்தின் நிர்வாகியும், முன்னாள் விண்வெளி வீரருமான பில் நெல்சன் தெரிவித்து உள்ளார்.



Source link

Share on Social Media

Leave a Reply

Your email address will not be published. Required fields are marked *