Share on Social Media

டெங்கு காலத்துக்கு பிறகு மக்களின் கவனம் எல்லாம் பப்பாளி இலை மீது திரும்பியுள்ளது.பப்பாளி இலைச்சாறு டெங்கு போன்ற ஒட்டுண்ணி காய்ச்சளிக்கவும் நோய் எதிர்ப்பு சக்திக்கும் சிகிச்சையளிக்கவும் செய்கிறது என்பதை உணர்ந்து மக்கள் பப்பாளி இலை வைத்தியத்தை விரும்புகிறார்கள். இந்த பப்பாளி இலை எதற்கெல்லாம் பயன்படுத்தலாம், என்ன நன்மைகள் கொடுக்கும், எப்படி பயன்படுத்தலாம் என்பதை பார்க்கலாம்.

​பப்பாளி இலைச்சாறு என்ன இருக்கு ?

பப்பாளி செடியின் மென்மையான இளம் இலைகளை நசுக்கி அதிலிருந்து பப்பாளி இலைச்சாறு தயாரிக்கப்படுகிறது. இதை பழங்களின் சாறுடன் கலந்து குடிப்பதை காட்டிலும் தனியாக குடிப்பது தான் நல்லது.

இது சரும ஒவ்வாமை, காயங்கள், வடுக்கள், கறைகள், முடி உதிர்தல், பொடுகு மற்றும் பூஞ்சை அல்லது பாக்டீரியா தொற்றுக்கு சிகிச்சையளிக்க பயன்படுகிறது. இந்த சாறு உள்ளுக்கும் மேற்பூச்சுக்கும் கூட பயன்படுத்தப்படுகிறது.

நீண்ட காலம் நோய் நொடியில்லாம வாழ இஞ்சி, சுக்கு, கடுக்காய் மூணும் எப்படி யூஸ் பண்ணனும், தெரிஞ்சுக்கங்க!

இந்த சாற்றை அப்படியே எடுக்காமல் சம அளவு தண்ணீர் கலந்து நீர்த்து பயன்படுத்தலாம். பப்பாளி இலைச்சாற்றில் வைட்டமின் ஏ, வைட்டமின் பி, வைட்டமின் சி மற்றும் வைட்டமின் ஈ மற்றும் கால்சியம், பாஸ்பரஸ் மற்றும் இரும்பு போன்ற தாதுக்கள் உள்ளன.

இந்த இலைகளில் சபோனின்கள், டானின்கள், ஆல்கலாய்டுகள் மற்றும் ஃப்ளவனாய்டுகள் குறிப்பாக பீட்டா கரோட்டின் போன்ற பைட்டோ கெமிக்கல்கள் உள்ளன. இது இரத்தத்தை சுத்தப்படுத்த செயல்படுகின்றன. இந்த பப்பாளி இலைச்சாறு உடலுக்கு செய்யும் நன்மைகள் குறித்து பார்க்கலாம்.

​டெங்கு காய்ச்சலை குணப்படுத்துகிறது

samayam tamil Tamil News Spot

டெங்கு வைரஸ் என்பது உயிருக்கு ஆபத்தை விளைவிக்க கூடிய அளவு தீவிரமானவை. இது கொசுக்களால் பரவக்கூடிய நோய், அறிகுறிகள் காண்பிக்கவும் நேரம் எடுக்கும். அதிக காய்ச்சல், கடுமையான தலைவலி, மூட்டு வலி, தசை வலி. நடுக்கம் மற்றும் கண்வலி போன்றவற்றுடன் தீவிரமாக உடலில் இருக்கும் பிளேட்லெட் அளவை குறைக்க செய்யும்.

நாள் ஒன்றுக்கு 25 மில்லி பப்பாளி இலை சாறு தண்ணீரில் கலந்து குடிப்பது உடலில் பிளேட்லெட் அளவை அதிகரிக்க செய்யும். நோய்த்தொற்றின் தீவிரத்தை குறைக்க செய்யும். இதன் சாற்றில் பப்பேன், சைமோபபைன், கேரிகெய்ன் என அத்தியாவசியமான பயொஆக்டிவ் சேர்மங்கள் கலவை உள்ளன. இது குமட்டலுக்கு தீர்வளித்து செரிமானத்தை மேம்படுத்துகின்றன.

​ம​லேரியா காய்ச்சலுக்கு பப்பாளி இலை

samayam tamil Tamil News Spot

2011 ஆம் ஆண்டு ஆய்வு ஒன்று பப்பாளி இலை சாறு பிளாஸ்மோடியாஸ்டேடிக் பண்புகளை கொண்டுள்ளதாக சொல்கிறது. இது உடலில் உடலில் பிளாஸ்மோடியத்தின் வளர்ச்சி விகிதத்தை குறைத்து மலேரியா காய்ச்சலை குறைக்கிறது. மறைமுகமாக கட்டுப்படுத்துகிறது.

பப்பாளி இலைச்சாறு நோய் பாதித்தவர்களுக்கு ஆக்ஸிஜனேற்ற அளவை அதிகரிக்க செய்கிறது. இதனால் மலேரியாவால் தூண்டப்படும் இரத்த சோகையை தடுக்க செய்கிறது. எனினும் மலேரியா மற்றும் சிக்கன் குனியா போன்ற காய்ச்சல்களுக்கு பப்பாளி இலைச்சாற்றின் ஆதரவு குறித்து இன்னும் ஆழமான ஆராய்ச்சியும் கூடுதல் மருத்துவ பரிசோதனைகளும் தேவை.

​வயிற்றுகோளாறுக்கு நல்லது

samayam tamil Tamil News Spot

பப்பாளியின் மென்மையான மற்றும் இளம் இலைகளை சாப்பிடுவது அதன் சாற்றை குடிப்பது விக்கம், அமில ரிஃப்ளக்ஸ் காரணமாக ஏற்படும் நெஞ்செரிச்சல், மலச்சிக்கல் மற்றும் வலி குடல் இயக்கம் போன்ற செரிமான பிரச்சனைகளை தீர்க்க முடியும்.

இதன் ஆக்ஸிஜனேற்றிகள் மற்றும் பாப்பேன், சைமோபபைன் மற்றும் அத்தியாவசிய நார்ச்சத்து சேர்மங்கள் இதில் உள்ளது. இது புரத செரிமான நொதிகளை வெளியிடுவதற்கும் பசியை அதிகரிக்கவும் உதவுகிறது. பப்பாளி இலைச்சாறு இரைப்பை புண்கள், இரைப்பை சுவர் சேதங்களை தீர்க்ககூடியது.

​கல்லீரல் அழற்சி நோய்களிலிருந்து பாதுகாக்கிறது

samayam tamil Tamil News Spot

உயர் கொழுப்பின் அளவு சிக்கலான இதய நோய்கள், உடல் பருமன் போன்றவை கல்லீரல் நோய்களுக்கு வழிவகுக்கிறது. பப்பாளி இலைச்சாறு தாவர அடிப்படையில் உடலில் கொழுப்பின் அளவை குறைக்க செய்கிறது.

கண் கோளாறை போக்கி பார்வை கூர்மையாக இருக்க உதவும் எள்ளு பூ! எப்படி பயன்படுத்துவது!

இது உடலில் இரத்தத்தை சுத்தப்படுத்தும். பப்பாளி இலைச்சாற்றில் உள்ள சில பைட்டோஸ்டெரால்கள் மோசமான கொழுப்பை குடல் உறிஞ்சுதலும், அங்கு எல்.டி.எல் என்னும் கெட்ட கொழுப்பு குவிவதையும் தடுக்கின்றன.

குறைந்த லிப்பிட் பெராக்ஸைடு கல்லீரல் சிரோசிஸ் மற்றும் மஞ்சள் காமாலை போன்ற தீவிர தூண்டப்படும் அழற்சி நோய்களிலிருந்தும் பாதுகாக்க செய்கிறது.

​உடலில் நோய் எதிர்ப்பு சக்தியை அதிகரிக்கிறது

samayam tamil Tamil News Spot

பப்பாளி இலை ஆண்டி கான்சர் பண்புகளை கொண்டுள்ளது. இது புற்றுநோய் போன்ற சிக்கலான கோளாறுகளை குணப்படுத்த செய்கிறது. பப்பாளி இலைச்சாறு நோய் எதிர்ப்பு மண்டலத்தின் டி-லிம்போசைட்டுகள் பொன்ற செயல்பாட்டை அதிகரிக்கும். கீமோதெரபிகளிலிருந்து பாதுகாப்பு அளிக்கும்.

பப்பாளி இலைச்சாற்றின் பைட்டோகெமிக்கல் கலவையில் டோகோபெரோல், லைகோபீன் மற்றும் பென்சில் ஐசோதியோசய்னேட் போன்ற செயலில் உள்ள சேர்மங்கள் உள்ளன. இது புற்றுநோய்களின் செயல்பாடுகளை தடுக்கின்றன. எனினும் இந்த சேர்மம் குறித்து உறுதி செய்ய கூடுதல் ஆய்வுகள் தேவைப்படுகிறது.

​சருமத்தின் பளபளப்பை கூட்டுகிறது

samayam tamil Tamil News Spot

சருமத்துக்கு நன்மை செய்யும் சப்போனின்கள், ஃப்ளவனாய்டுகள், டானின்கள் மற்றும் ஆல்கலாய்டுகள் போன்ற ஆன்டி ஆக்ஸிடண்ட்கள் அதிக அளவு பப்பாளி இலை சாற்றில் உள்ளது. இது வைட்டமின் சி உடன் சேர்ந்து இரத்தத்தில் உள்ளஃப்ரீ ரேடிக்கல்களை வெளியேற்ற செய்கிறது.

இதனால் சருமத்தின் தோல் அமைப்பும் பளபளப்பும் தக்க வைக்கப்படுகிறது. சுருக்கங்கள், முகப்பருக்கள், சருமத்தின் நிறம் மாறுதல் மற்றும் வயதான அறிகுறிகள் குறைக்க செய்கின்றன.

பப்பாளி இலை சாறு இதன் பழக்கூழ் போன்றவற்றை சருமத்தில் பயன்படுத்தும் போது அது முகப்பரு மற்றும் முகத்தில் இருக்கும் அதிகப்படியான எண்ணெயை வெளியேற்ற செய்கிறது.

​பொடுகு நீக்குகிறது

samayam tamil Tamil News Spot

முடி பிரச்சனைகளுக்கு பப்பாளி இலை சாறு உதவக்கூடும். பப்பாளி இலையின் சாறை உச்சந்தலையில் தடவி வந்தால் அது கூந்தலில் இருக்கும் அதிகப்படியான எண்ணெய், அழுக்கு மற்றும் கசப்பை நீக்கும். இது உச்சந்தலையில் உள்ள பொடுகு மற்றும் அரிப்பு சிக்கல்களை குணப்படுத்த செய்கிறது.

மூட்டுவலியை வேகமாக குறைக்க உதவும் விளக்கெண்ணெய் பற்று, இப்படிதான் போட வேண்டும்!

பப்பாளி இலைச்சாறு உச்சந்தலையில் இருக்கும் ஈரப்பதத்தையும் எண்ணெயும் சமன் செய்கிறது. இதனால் கூந்தல் வறட்சி மற்றும் பூஞ்சை தொற்று ஏற்படுவதற்கான வாய்ப்புகளும் குறைவு. பப்பாளி இலையின் சாறை கூந்தலில் தடவி வந்தால் கூந்தல் ஆரோக்கியமாக இருக்கும். மாதம் ஒரு முறை அல்லது இரண்டு மாதத்துக்கு ஒருமுறை பயன்படுத்தலாம்.

குறிப்பு

பப்பாளி சாறு குடிக்கும் போது சிலருக்கு ஒவ்வாமை எதிர்வினைகள் உண்டாகலாம். இதன் இலைச்சாறு சக்தி வாய்ந்தது. அதனால் குடிக்க தொடங்கும் போது ஏதேனும் பக்கவிளைவுகள் வந்தால் மருத்துவரை அணுகுவது நல்லது.

Thanks for the Source

Share on Social Media

Leave a Reply

Your email address will not be published. Required fields are marked *