Share on Social Media

ஐஸ் க்யூப் முகத்துக்கு பயன்படுத்தும் போது உங்கள் சருமம் பல பிரச்சனைகளை சரி செய்து விடும். எளிமையான முறையில் சரும சிக்கலையும் தீர்த்துவிடும் ஐஸ் க்யூப் பயன்பாடு குறித்தும் அவை தீருக்கும் சரும பிரச்சனைகள் குறித்தும் பார்க்கலாம்.

​ஐஸ் க்யூப் மசாஜ்

முகத்துக்கு ஐஸ் க்யூப் மசாஜ் செய்வதன் மூலம் முகத்தில் இரத்த ஓட்டம் தடையற்று பெறலாம். நல்ல ஐஸ் க்யூப் மசாஜ் சருமத்தின் இரத்த ஓட்டத்தை மேம்படுத்துகிறது. இரத்த ஓட்டம் சீரடைவதால் இது முகத்துக்கு இயற்கையான பளபளப்பை கொடுக்கும். மேலும் சருமத்தை புதியதாகவும் குளிர்ச்சியாகவும் வைத்திருக்க செய்யும்.

கருப்பான அக்குள் கலரை மாற்ற பேக்கிங் சோடா உதவும், ஆனா இப்படி இதனோடு தான் யூஸ் பண்ணணும்!

என்ன செய்யலாம்

முகத்தை சுத்தம் செய்து ஐஸ் க்யூப் எடுத்து முகத்தில் கீழிருந்து மேலாக வட்ட வடிவ இயக்கத்தில் மென்மையாக மசாஜ் போன்று தடவி விடவேண்டும். ஐஸ் க்யூப் கரைய கரைய வேறு ஒன்றை எடுத்து பயன்படுத்தி கொள்ளலாம். தொடர்ந்து 10 நிமிடங்கள் வரை மசாஜ் செய்தால் போதும்.

ஐஸ் க்யூப் மசாஜ் செய்வதன் மூலம் சருமம் இயற்கையில் பளபளப்பை பெறும். கோடையில் உண்டாகும் சரும சோர்வும் இருக்காது.

​சருமத்துளைகளை சுருக்கும்

samayam tamil Tamil News Spot

பொதுவாக மேக் அப் போடுவதற்கு முன்பு சருமத்துளைகளை சுருக்குவதற்கு ப்ரைமர் பயன்படுத்த வேண்டும். ப்ரைமர் இல்லாத நிலையில் ஐஸ்க்யூப் பயன்படுத்தலாம்.

என்ன செய்யலாம்

மேக் அப் செய்வதற்கு முன்பு ஐஸ் க்யூபை முகத்தில் ஒற்று நன்றாக மென்மையாக மசாஜ் போல் தேய்க்கவும். இது சருமத்துளைகள் விரிந்திருந்தால் அதை சுருக்கி காட்டும். அதே போன்று முகத்தில் இருக்கும் சிவத்தல் அல்லது வீக்கத்தையும் குறைக்க செய்யும். அதோடு சருமத்தை மென்மையாகவும் வைத்திருக்கும்.

​முடிகளை நீக்கிய பிறகு

samayam tamil Tamil News Spot

முகத்தில் இருக்கும் தேவையற்ற முடிகளை நீக்கிய பிறகு ( எந்த வைத்தியமாக இருந்தாலும்) அந்த இடத்தில் வலியும் ரிச்சலும் உணர்வீர்கள். அப்போது வலியை குறைக்க முடியை நீக்குவதற்கு முன்பு ஐஸ் க்யூப் தேய்க்கலாம். குறிப்பாக புருவ முடி சரிசெய்வதற்கு முன்பு.

என்ன செய்யலாம்

ஐ-ப்ரோ, முகத்தில் தேவையற்ற முடியை நீக்குவதற்கு முன்பு அந்த இடத்தில் ஐஸ் க்யூப் ஒத்தடம் கொடுத்து பிறகு முடியை நீக்கும் சிகிச்சை செய்யலாம். இது அந்த இடத்தில் சிவத்தல் மற்றும் அழற்சியை குறைக்க செய்யு

பருக்களை சுருக்கும்

samayam tamil Tamil News Spot

முகத்தில் பருக்கள் வரும் போது அது பெரிதாக கூடும். சுற்றி இருக்கும் இடங்களில் சிவத்தலை உண்டாக்கும். பருவில் சமயங்களில் வலியும் அதிகமிருக்கும் இதை குறைக்க ஐஸ் க்யூப் உதவக்கூடும்.

என்ன செய்யலாம்

பருக்களின் மீது நேரடியாக ஐஸ் க்யூப் வைக்க வேண்டாம். மாறாக ஐஸ் க்யூப் மெல்லிய துணிகளில் சுற்றி வெறுமனே மூடி அதை பரு இருக்கும் இடத்தில் மென்மையாக வைத்து எடுக்கவும். 10 முதல் 15 நிமிடங்கள் வரை இதை தடவினால் இது இரத்த நாளங்களை கட்டுப்படுத்தி பருவை பெரிதாக்காமல் செய்யும். ஒவ்வொரு முறை பருக்களின் மீது வைப்பதற்கு முன்பு 3 நிமிடங்கள் இடைவெளி கடைபிடியுங்கள்.

சன்பர்ன் பிரச்சனைக்கு தீர்வு

samayam tamil Tamil News Spot

வெயில் காலத்தில் சருமத்தை பதம்பார்க்கும் சன்பர்ன் பிரச்சனைக்கு ஐஸ் க்யூப் மசாஜ் தீர்வாக இருக்கும். சன்பர்ன் பகுதியில் ஐஸ் க்யூப் மசாஜ் செய்வதன் மூலம் சருமத்தில் எரிச்சலும், அரிப்பும் நீங்கும். அங்கு கட்டிகள் தோன்றாமல் பாதுகாக்கலாம். இது வலியை எளிதாக்கும். சருமத்தை குளிர்ச்சியாக வைத்திருக்கும்.

என்ன செய்யலாம்

ஐஸ் க்யூப் எடுத்து சருமம் முழுவதும் குறிப்பாக சன்பர்ன் இருக்கும் இடங்களில் மசாஜ் போன்று தேய்க்கவும். இது சன்பர்ன் தீவிரமாவதையும் தடுக்க கூடும்.

​வீங்கிய கண்களுக்கு சிகிச்சை அளிக்கும்

samayam tamil Tamil News Spot

தினமும் காலையில் எழுந்ததும் வீங்கிய கண்களை கொண்டிருப்பவர்களுக்கு ஐஸ்க்யூப் ஒரு வரப்பிரசாதம். கண்களுக்கு கீழ் இமைகளுக்கு கீழ் வீக்கத்தை சந்தித்தால் அதற்கு பெரிதும் ஐஸ் க்யூப் உதவக்கூடும்.

வயதான தோற்றம் : சீக்கிரம் வராம இருக்க இந்த அத்தியாவசிய ஊட்டச்சத்துக்கள் உதவும்!

தினமும் 10 நிமிடங்கள் கண் பகுதியில் ஐஸ்க்யூப் பயன்படுத்துவதன் மூலம் இந்த வீக்கத்தை குறைக்கலாம். கண்களை புத்துணர்ச்சியாக வைத்திருக்கலாம்.

என்ன செய்யலாம்

கைகளை சுத்தமாக கழுவி சுத்தமான முறையில் சுத்தமான நீரில் இருந்து பெறப்பட்ட ஐஸ்க்யூப் எடுத்து கண்களுக்கு கீழ் வைத்து ஒற்றி எடுக்கலாம். அல்லது மெல்லிய துணியில் சுற்றியும் கண்களில் வைக்கலாம். தினமும் தொடர்ந்து செய்தால் கண்களுக்கு கீழ் இருக்கும் வீக்கம் காணாமல் போகும்.

Thanks for the Source

Share on Social Media

Leave a Reply

Your email address will not be published. Required fields are marked *