Share on Social Media

சருமத்தை பராமரிக்கவும் புத்துணர்ச்சியாகவும் வைத்திருக்க நீங்கள் உங்கள் சரும பராமரிப்பில் பழங்களை அதிகமாக சேர்க்க வேண்டும். ஒவ்வொரு நாளும் ஒவ்வொரு பழங்களை பயன்படுத்துவதன் மூலம் சருமம் ஜொலிப்பதை நீங்களும் பார்க்கலாம். குறிப்பிட்ட சில வகை பழங்களை உள்ளுக்கும், வெளிக்கும் எடுப்பதன் மூலம் பெறும் நன்மைகள் குறித்து பார்க்கலாம்.

​எலுமிச்சை

வைட்டமின் சி நிறைந்த ஆக்ஸிஜனேற்றம் நிறைந்த பழம். இது உடலில் நச்சுக்களை வெளியேற்ற உதவுகிறது. சருமத்தில் கறைகளைநீக்கி பளிச்சென்று வைக்க செய்கிறது. சீரற்ற நிறமி கருமையான புள்ளிகள், முகப்பரு வடுக்கள் இருந்தால் ஒளிரும் சருமத்தை பெறுவதற்கு எலுமிச்சையை பயன்படுத்தலாம்.

உள்ளுக்கு

எலுமிச்சையை அரை டம்ளர் நீரில் 1 டீஸ்பூன் சுத்தமான தேன் கலந்து வெதுவெதுப்பான சூட்டில் காலையில் வெறும் வயிற்றில் குடிக்கவும். இது உடல் நச்சுக்களை வெளியேற்ற உதவும். உணவிலும் சாலட்டிலும் எலுமிச்சை சேருங்கள். சருமத்தை ஒளிர செய்யும்.

சுட்டெரிக்கும் சூரியனால் களையிழக்கும் முகம். இதுல ஒண்ணு ட்ரை பண்ணுங்க! பளபளன்னு இருப்பீங்க!

சரும பராமரிப்புக்கு

எலுமிச்சை சாறை பன்னீரில் கலந்து சருமத்தில் தடவி 10 நிமிடங்களுக்கு பிறகு முகத்தை கழுவலாம். உலர் சருமம் இருப்பவர்கள் தேங்காய் எண்ணெய் கலந்து பயன்படுத்தலாம். சருமத்தில் கறை இருந்தால் பாலுடன் கலந்து பயன்படுத்தலாம். குறிப்பாக கருவளையம் இருந்தால் கண்களுக்கு கீழ் தடவி எடுங்கள். எலுமிச்சை மற்றும் சர்க்கரை சேர்த்து முகத்துக்கு ஸ்க்ரப் செய்யுங்கள்.

பப்பாளி

samayam tamil Tamil News Spot

பப்பாளி வைட்டமின் ஏ, சி, பி, பாந்தோதெனிக் அமிலம் மற்றும் தாமிரம், பொட்டாசியம் மற்றும் மெக்னிசியம் போன்ற தாதுக்கள் உள்ளன. இது ஃப்ரீ ரேடிக்கல்களால் சருமத்தில் உண்டாகும் சேதத்தை தடுக்கும் பாபேன் மற்றும் சைமோபாபேன் போன்ற நொதிகள் உள்ளன.

இது பாக்டீரியா எதிர்ப்பு, பூஞ்சை காளான் மற்றும் வைரஸ் தடுப்பு பண்புகளை கொண்டுள்ளன பப்பாளி மலச்சிக்கலை தடுப்பதால் ஆரோக்கியமான சருமம் பெறலாம். மேலும் இது சருமத்தில் மருக்கள், அரிக்கும் தோலழற்சி, சோளம் மற்றும் வெட்டுகாயங்களுக்கும் சிகிச்சை அளிக்க உதவும்.

உள்ளுக்கு

ஒளிரும் சருமத்துக்கு பப்பாளியை தினமும் ஒரு கிண்ணம் வீதம் காலை அல்லது மாலை நேர சிற்றுண்டியாக எடுத்துகொள்ளுங்கள். பப்பாளி ஸ்மூத்தியாக்கியும் சாப்பிடலாம்.

சரும பராமரிப்புக்கு

பப்பாளி துண்டுகளை பிசைந்து சருமத்தில் தடவி 10 நிமிடங்கள் கழித்து முகத்தை கழுவவும். பப்பாளி உடன் எலுமிச்சை சாறு , மற்றும் மஞ்சள் தூள் சிட்டிகை கலந்து சருமம் நிறமி மற்றும் வடு இருக்கும் இடத்தில் தடவி எடுக்கவும். வறண்ட சருமத்துக்கு பாதாம் கலந்து பயன்படுத்தவும்.பப்பாளியுடன் ஆரஞ்சு தோல் பொடி, தேன் கலந்து ஸ்க்ரப் செய்ய பயன்படுத்தலாம்.

​அவகேடோ

samayam tamil Tamil News Spot

ஆரோக்கியமான கொழுப்புகள் கொண்டது. நார்ச்சத்து வைட்டமின் ஏ, ஈ, சி, கே, பி6, நியாசின், ஃஓலேட் மற்றும் பாந்தோதெனிக் அமிலம் கொண்டுள்ளது. இது ஆக்ஸிஜனேற்ற பண்புகளை கொண்டுள்ளதால் இது ஆக்ஸிஜனேற்ற சேதத்தை தடுக்க செய்கிறது. அவகேடோ ஆரோக்கியமான வயதை ஊக்குவிக்கும். இதில் இருக்கும் லுடின் மற்றும் ஜீயாக்சாந்தின் சருமத்தின் நெகிழ்ச்சிதன்மையை தக்க வைக்க உதவும்.

உள்ளுக்கு

ஒளிரும் சருமத்துக்கு காலை வேளையில் அவகேடோவை சாலட், சாண்ட்விச் போன்றவற்றில் கலக்கலாம். அவகேடோவை கீரையுடன் கலந்து ஸ்மூத்தி செய்யலாம். தயிருடன் கலந்து சாப்பிடலாம். ஸ்முத்தியாக எடுக்கலாம்.

சரும பராமரிப்புக்கு

அவகேடோவை மசித்து சருமத்தில் தடவி விடவும். 10 நிமிடங்களுக்கு பிறகு வெதுவெதுப்பான நீரில் முகத்தை கழுவி எடுக்கவும். எண்ணெய் சருமத்துக்கு அவகேடோவுடன் பன்னீர் கலந்து பயன்படுத்தவும்.

ஆரஞ்சு

samayam tamil Tamil News Spot

ஆரஞ்சு இனிப்பு இலேசான புளிப்பு சுவை கொண்டது. இது சருமத்துக்கு அதிசயங்களை செய்யக்கூடியது. வைட்டமின் சி நிறந்தவை. இது ஒரு ஆக்ஸிஜனேற்றி. இது கொலாஜன் சுரப்புக்கு உதவும்.

உள்ளுக்கு

தினசரி ஒரு ஆரஞ்சு பழத்தை சாப்பிடுங்கள். குறைந்தது அரை பழமாவது அவசியம் சாப்பிட வேண்டும். ஆரஞ்சு கொண்டு தயாரிக்கப்படும் சாறு குடிக்கலாம்.

சரும பராமரிப்புக்கு

ஆரஞ்சு சாற்றை சருமத்தில் தடவி விடவும். பிறகு 10 நிமிடங்களுக்கு பிறகு முகத்தை கழுவி எடுக்கவும். எண்ணெய் சருமமாக இருந்தால் ஆரஞ்சு சாறுடன் எலுமிச்சை சாறு, கடலை மாவு, மஞ்சள் தூள் கலக்கி எடுக்கவும். வறண்ட சருமத்துக்கு ஆரஞ்சு சாறுடன் பால், தேன், மஞ்சள் தூள் கலந்து பயன்படுத்தவும்.

​மாம்பழம்

samayam tamil Tamil News Spot

மாம்பழம் சதைப்பற்றுள்ள இனிப்பு நிறைந்த பழம். இது சருமத்தை புத்துணர்ச்சியாக வைத்திருக்க செய்கிறது. வைட்டமின் ஏ, ஈ, சி மற்றும் கே, ஃப்ளவனாய்டுகள், பாலி பினாலிக்ஸ், பீட்டா கரோட்டின் மற்றும் சாந்தோபில்ஸ் போன்றவை உள்ளது. இது சரும வீக்கத்தை தடுக்க செய்யும். சருமத்தை புத்துயிராக வைத்திருக்க செய்கின்றன.

உள்ளுக்கு

மாம்பழத்தை தினசரி உணவில் ஒரு கப் சேர்க்கலாம். மாம்பழ மிருதுவாக்கி குடிக்கலாம். சாலட்டில் மம்பழம் சேர்க்கலாம்.

பராமரிப்புக்கு

மாம்பழத்தை பிசைந்து சருமம் முழுவதும் தடவி எடுக்கவும்.உங்கள் சருமம் எண்ணெய்பசையாக இருந்தால் சருமத்துக்கு பன்னீர், எலுமிச்சை சேர்க்கலாம். பிறகு குளிர்ந்த நீரில் கழுவி எடுக்கலாம். வறண்ட சருமமாக இருந்தால் மாம்பழம் உடன் தயிர் தேன் போன்றவற்றை பயன்படுத்துங்கள். 10 நிமிடங்களுக்கு முகத்தை கழுவி எடுக்கவும்.

​வாழைப்பழம்

samayam tamil Tamil News Spot

வாழைப்பழம் நார்ச்சத்து, வைட்டமின்கள் ஏ, சி, கே, மற்றும் ஈ, ஃபோலேட், பொட்டாசியம், கால்சியம், பாஸ்பரஸ் மற்றும் மெக்னீசியம் போன்ற தாதுக்கள் நிறைந்துள்ளது. இது நல்ல இயற்கை மாய்சுரைசர் என்றும் சொல்லலாம். இது ஆக்ஸிஜனேற்ற மற்றும் ஆண்டி மைக்ரோபியல் பண்புகளை கொண்டுள்ளது. ஒளிரும் சருமத்தை பெற வாழைப்பழத்தை பல்வேறு வழிகளில் பயன்படுத்தலாம்.

வழுக்கை விழாமல் முடி வளர உதவும் மிளகு, எப்படி யூஸ் பண்ணனும்! ஆண்களும் ட்ரை பண்ணுங்க!

உள்ளுக்கு

காலை உணவில் ஓட்மீலில் வாழைப்பழம் சேர்க்கவும். இதை ஸ்மூத்தி வடிவிலும் எடுக்கலாம். காலை அல்லது மாலை உணவில் இதை சேர்க்கலாம். வாழைப்பழத்தை சாலட்டிலும் சேர்க்கலாம்.

பராமரிப்புக்கு

வாழைப்பழம் அல்லது வாழைப்பழத்தோலை உடல் முழுவதும் தடவி மென்மையாக மசாஜ் செய்துவந்தால் சருமத்துக்கு ஊட்டச்சத்து கிடைக்கும். வாழைப்பழத்தோலையும் பயன்படுத்தலாம்.

அன்னாசிப்பழம்

samayam tamil Tamil News Spot

நார்ச்சத்து வைட்டமின் ஏ, சி, கே மற்றும் ஃபோலேட், கால்சியம், பொட்டாசியம் மற்றும் பாஸ்பரஸ் போன்ற சத்துக்கள் நிறைந்துள்ளன. இதில் உள்ள ப்ரோமைலின் என்னும் நொதி அழற்சி எதிர்ப்பு கொண்டவை. தீப்புண் பட்டவர்களுக்கு அன்னாசிப்பழம் பயன்படுத்துவது இறந்த சரும செல்களை அகற்றி குணப்படுத்துவதை விரைவுப்படுத்தும்.

உள்ளுக்கு

தினசரி ஒரு கப் அன்னாசிப்பழம் காலை அல்லது மாலை சிற்றுண்டிக்கு பயன்படுத்துங்கள். அன்னாசி பழத்தை சாலட் கலந்து பயன்படுத்தலாம்.

பராமரிப்புக்கு

அன்னாசிப்பழச்சாற்றை 1 டீஸ்பூன் பாலுடன் கலந்து சருமத்தின் மீது தடவி எடுக்கவும். பிறகு 10 நிமிடங்கள் கழித்து முகத்தை கழுவி எடுக்கவும்.

​ஆப்பிள்

samayam tamil Tamil News Spot

ஆப்பிள் வைட்டமின் ஏ, சி, பொட்டாசியம், கால்சியம் மற்றும் மெக்னீசியம் அதிகம் உள்ளன. இது ஆக்ஸிஜனேற்ற பண்புகளை கொண்டுள்ளது. ஆப்பிளை தோலோடு பயன்படுத்த வேண்டும். அது சருமத்துக்கு நன்மை தரக்கூடும்.

உள்ளுக்கு

தினமும் ஒரு ஆப்பிள் சாப்பிடுவதன் மூலம் ஆரோக்கியத்தை நிறைவாக பெறமுடியும். தினசரி சிற்றுண்டியில் ஒரு பகுதியாக நாள் ஒன்றுக்கு ஒரு ஆப்பிள் எடுத்துகொள்வது வழக்கமாக்கி கொள்ளுங்கள். ஆப்பிள் ஸ்மூத்தியாகவும் எடுக்கலாம்.

பராமரிப்புக்கு

ஆப்பிளை மசித்து சருமத்தில் தடவவும். வறண்ட சருமத்துக்கு ஆப்பிளுடன் தேன் கலந்து மசிக்கவும். இதை முகத்தில் தடவி 10 நிமிடங்களுக்கு பிறகு வெதுவெதுப்பான நீரில் கழுவி எடுக்கவும்.

திராட்சை

samayam tamil Tamil News Spot

திராட்சை ஆக்ஸிஜனேற்றத்துடன் ஏற்றப்படுகிறது. இது சரும புற்றுநோயிலிருந்து பாதுகாக்கும் ரெஸ்வெராட்ரோல் ஆக்ஸிஜனேற்றம் கொண்டுள்ளது. இது வைட்டமின் சி, கே, ஃபோலேட் மற்றும் கால்சியம், பொட்டாசியம் மற்றும் பாஸ்பரஸ் போன்ற தாதுக்களின் வளமான மூலம். கூடுதலாக திராட்சை விதை சாறு சருமத்துக்கு புத்துணர்ச்சி அளிக்க கூடும்.

உள்ளுக்கு

திராட்சை ஒரு கப் அளவு காலை அல்லது மாலை நேரத்தில் எடுக்கவும். இதை சாலட்டில் கலந்தும் பயன்படுத்தலாம்.

பராமரிப்புக்கு

திராட்சையை பிசைந்து சருமத்தில் தடவி எடுக்கவும். பிறகு 10 நிமிடங்களுக்கு பிறகு குளிர்ந்த நீரில் கழுவி எடுக்கவும்.

​முலாம் பழம்

samayam tamil Tamil News Spot

கிர்ணி பழம் என்றும் சொல்லலாம். இது வைட்டமின் ஏ, சி, கே, ஃபொலேட் மற்றும் பொட்டாசியம், மெக்னீசியம் பாஸ்பரஸ், கால்சியம் மற்றும் சோடியம் போன்ற தாதுக்கள் நிறைந்துள்ளது. சரும சிகிச்சைக்கும் இவை உதவுகிறது.

கொரியன் பியூட்டி டிப்ஸ் : பளிங்கு மாதிரி முகம் வழவழன்னு இருக்க, இதை மட்டும் ஃபாலோ பண்ணா போதும்!

உள்ளுக்கு

தினமும் ஒரு கப் முலாம் பழத்தை சேர்க்கலாம். முலாம் பழத்துடன் வெல்லம் கலந்து ஸ்மூத்தியாக்கி குடிக்கலாம்.

பராமரிப்புக்கு

முலாம் பழத்தை மசித்து சருமத்தில் தடவி 10 நிமிடங்கள் கழித்து முகத்தை கழுவி எடுக்கவும். இதனுடன் திராட்சை சாறு கலந்து முகத்தில் சேர்க்கவும். சரும நிற மாற்றம் தவிர்க்கவும் இவை உதவுகிறது.

Thanks for the Source

Share on Social Media

Leave a Reply

Your email address will not be published. Required fields are marked *