Share on Social Media

கூந்தல் வளர்ச்சிக்கு, கூந்தல் உதிர்வுக்கு, பொடுகுக்கு, வெடிப்புக்கு, வறட்சிக்கு என்று ஒவ்வொன்றுக்கும் தனித்தனி பொருள்களை பயன்படுத்த வேண்டும். ஆனால் மூலிகை பொருள்கள் அப்படி அல்ல. ஒரே பொருள் முடி வளர்ச்சி முதல் முடிக்கு உண்டான பிரச்சனை வரை தீர்க்க முடியும் என்றால் அது மூலிகைகள் தான் என்று சொல்லலாம். கூடுதலாக இவை முடி வெள்ளை நிறமாக மாறுவதையும் தடுக்க செய்கிறது.

​முடி பிரச்சனை

முடி உதிர்வு என்பது எல்லா வயதினருக்கும் எல்லா காலகட்டங்களிலும் நடக்கும். ஆனால் இது அளவாக இருக்க வேண்டும். இதை தவிர முடி உதிர்வு, இளநரை, சிறுவயதிலேயே முடி நரைப்பது, வழுக்கை போன்ற பிரச்சனைகள் பொதுவானதாகிவிட்டது.

இளநரைக்கு மருந்தாகும் வெந்தயக்கீரை தைலம், காய்ச்சும் முறையும் பயன்பாடும்!

தற்போது 30 வயதை எட்டுவதற்குள் முடி கருமையிலிருந்து வெண்மை நிறத்துக்கு மாறத்தொடங்கியுள்ளது. இதனால் இளவயதிலேயே கூந்தலுக்கு சாயம் போட தொடங்குகிறார்கள். ஆனால் பாரம்பரியமாக மூலிகைகளை கூந்தலுக்கு பயன்படுத்தும் போது கூந்தல் பிரச்சனை பெருமளவு தவிர்க்கப்படும்.

​முடி உதிர்வு மோசமான பாதிப்பு

samayam tamil Tamil News Spot

முடி உதிர்வு இயல்பானது. நாள் ஒன்றுக்கு குறிப்பிட்ட அளவு முடி உதிர்வது பொதுவானது. ஆனால் அதிகமான முடி உதிர்வு முடி வளர்ச்சியை பாதிக்க செய்யும்.

உங்கள் உச்சந்தலையில் அல்லது கூந்தல்களுக்கு இடையில் விரல்களை நுழைத்து மென்மையாக நீக்கும் போது கைகளில் முடி வராமல் இருந்தால் அது நிச்சயம் ஆரோக்கியமான தலைமுடி என்று சொல்லலாம்.

அதே நேரம் முடிகள் அருகருகே இருப்பவையும் சேர்ந்து விழத்தொடங்கினால் அது மோசமான முடி உதிர்வுதான். இது நாளுக்கு நாள் கடினமாக தொடங்கும். முடி அடர்த்தியாகவும், கறுப்பாகவும் வைத்திருக்க உதவும் சிறந்த ஆயுர்வேத தீர்வை தான் இப்போது பார்க்க போகிறோம்.

​முடி வளர்ச்சியை ஊக்குவிக்க செய்யும்

samayam tamil Tamil News Spot

முடி வளர்ச்சி மெதுவாக இருந்தால் அல்லது முடி வளர்ச்சி மிக மெதுவாக இருந்தால் நீங்கள் அதை விரைவுபடுத்த ஆயுர்வேத முறையை மேற்கொள்ளலாம். இதற்கு அதிமதுரபொடியை பல வழிகளில் பயன்படுத்தலாம். இவை எளிதானவை.

முடி வேகமாக வளர இந்த அதிமதுரபொடியை கூந்தலில் தடவி எடுக்கலாம். எந்த ஹேர் மாஸ்க் பயன்படுத்தினாலும், அதில் ஒரு டீஸ்பூன் அதிமதுரப்பொடியையும் கலந்து பயன்படுத்துவதன் மூலம் முடியின் வேர்க்கால்களுக்கு இரத்த ஒட்டம் அதிகரிக்க செய்யும் மேலும் இதன் வளர்ச்சியை துரிதப்படுத்தும்.

நீங்கள் இதுவரை ஹேர் மாஸ்க் போடவில்லை எனில் உங்களுக்கான ஹேர் மாஸ்க் குறித்து பார்க்கலாம். இந்த வகையான ஹேர் மாஸ்க் அனைத்து விதமன கூந்தலுக்கும் ஏற்றது. இது பாதுகாப்பான ஹேர் மாஸ்க் கூட. இதை எப்படி தயாரிப்பது, எப்படி பயன்படுத்துவது என்று பார்க்கலாம்.

​ஹேர் மாஸ்க் தயாரிப்பு

samayam tamil Tamil News Spot

அதிமதுரப்பொடி – 3டீஸ்பூன் ( கூந்தலின் அளவுக்கேற்ப)

வாழைப்பழம் – நன்றாக பழுத்த பழம் பாதி அளவு

மருதாணி பொடி – 2 டீஸ்பூன்

இந்த மூன்றையும் கலந்து நன்றாக பேஸ்ட் பதத்துக்கு குழைத்து கூந்தலில் தடவி எடுக்கவும். இது கூந்தலில் 30 முதல் 40 நிமிடங்கள் வரை விட்டு ஷாம்பு கொண்டு அலசி எடுக்கவும். வாரத்தில் ஒரு மூறை மட்டுமே பயன்படுத்தினாலே போதுமானது. சிறுவர்கள் முதல் பெரியவர்கள் வரை பயன்படுத்தலாம். ஆண்களுக்கும் நல்லது.

​முடி உதிர்வுக்கு எப்படி பயன்படுத்துவது

samayam tamil Tamil News Spot

அதிமதுரம் – 2 டீஸ்பூன்

நெல்லிக்காய் பொடி – 2 டீஸ்பூன்

மருதாணி பொடி – 2 டீஸ்பூன்

கடுகு எண்ணெய் – 1 டீஸ்பூன்

அனைத்தையும் நன்றாக கலந்து பேஸ்ட் செய்து, குழைத்து சிறிய இரும்பு வாணலியில் விட்டு 8 மணி நேரம் ஊறவிடவும். பிறகு இதை கூந்தலில் தடவி ஷாம்பு கொண்டு அலசி எடுக்கவும். வாரம் ஒருமுறை இதை செய்து வந்தால் முடி உதிர்வு குறையகூடும்.

​முடி நரைக்கு எப்படி பயன்படுத்துவது

samayam tamil Tamil News Spot

அதிமதுரப்பொடி இளநரையை போக்க செய்கிறது.

கடுகு எண்ணெய் – 4 டீஸ்பூன்

அதிமதுரம் பொடி – 1 டீஸ்பூன்

நெல்லிக்காய் பொடி – 1 டீஸ்பூன்

கடுகு எண்ணெய் இலேசாக சூடாக்கவும். எண்ணெய் சூடாக இருக்கும் போது இரண்டு பொடிகளையும் கலந்து இரண்டு நிமிடங்கள் வைத்திருந்து கலவையை குளிரவைத்துமுடியின் வேர்களில் மசாஜ் செய்து விடவும்.

மசாஜ் செய்த பிறகு 30 நிமிடங்கள் கழித்து ஷாம்பு கொண்டு அலசி எடுக்காலம். வாரம் இரண்டு முறை இதை செய்து வந்தால் நரைமுடி வருவதை தடுத்து கருமை நிறம் அதிகரிப்பதை பார்க்கலாம்.

​தலைமுடி அடர்த்தியாக எப்படி பயன்படுத்துவது

samayam tamil Tamil News Spot

தேங்காயெண்னெய் – 4 டீஸ்பூன்

அதிமதுரப்பொடி – 1 டீஸ்பூன்

நெல்லிக்காய் பொடி – 1 டீஸ்பூன்

கூந்தலுக்கு காபித்தூள் தரும் நன்மைகள் இவ்ளோ இருக்கா? அவசியம் தெரிஞ்சுக்கங்க!

எண்ணெயை சூடேற்றி பொடிகளை கலந்து 2 நிமிடங்கள் வைத்திருக்கவும். பிறகு இறக்கி இளஞ்சூடாக இருக்கும் போது உச்சந்தலையில் மசாஜ் செய்து விடவும். 1 மணீ நேரம் கழித்து தலைமுடியை அலசி எடுக்கவும். வாரம் இரண்டு முறை இதை செய்யுங்கள். பலனை காண்பீர்கள்.

Thanks for the Source

Share on Social Media

Leave a Reply

Your email address will not be published. Required fields are marked *