Share on Social Media


ஹைலைட்ஸ்:

  • இளவயது முதல் கூந்தலுக்கு இந்த பேக் போட்டு வந்தால் இளநரையும் எட்டிப்பார்க்காது
  • கூந்தல் ஆரோக்கியமாக இருந்தால் அதன் வளர்ச்சியும் அபரிமிதமாக இருக்கும்.


கூந்தல் பிரச்சனைகள் எதுவாக இருந்தாலும் அவை இறுதியில் இளநரை பிரச்சனையில் வந்து முடிகிறது. கூந்தல் ஆரோக்கியமாக இருந்தால் அதன் வளர்ச்சியும் அபரிமிதமாக இருக்கும். அத்தகைய ஆரோக்கியமான கூந்தலுக்கு தேவை ஹேர் மாஸ்க் இதன் தயாரிப்பு முறை தான் இந்த பதிவில் பார்க்க போகிறோம்.

இளநரைக்கு காரணம் என்ன என்பதை பார்த்தோம் கூந்தலை ஆரோக்கியமாக வைத்திருந்தாலே இளநரை பிரச்சனை ஒதுங்கி இருக்கும் என்கிறார் அழகுக்கலை நிபுணர் வசுந்தரா. ஆரோக்கியமான கூந்தலுக்கு அதிக செலவில்லாமல் எளிமையான முறையில் பராமரிக்க முடியும். கூந்தலுக்கு சிறந்த ஹேர் மாஸ்க் தயாரிக்கும் முறை குறித்து இவர் தரும் குறிப்புகளை இப்போது பார்க்கலாம்.

white hair problems : வெள்ளை முடி தீவிரமாகாமல் தடுக்க 3 விஷயம் ஃபாலோ பண்ணுங்க, நிபுணர் தரும் பயனுள்ள குறிப்புகள்!

ஹேர் பேக்

கூந்தலுக்கு அனைத்து வகையிலும் வலிமை கொடுக்ககூடிய நெல்லிக்காய் ஹேர் பேக் எல்லா வகையான கூந்தலுக்கும் உதவும். நெல்லிக்காயை கொட்டை நீக்கி உலர வைத்து பொடியாக்கி கடைகளில் கிடைக்கும். அதை வாங்கி பயன்படுத்தலாம். அல்லது வீட்டிலேயே நெல்லிக்காயை கொட்டை நீக்கி துண்டுகளாக்கி பொடியாக்கி வைத்தும் பயன்படுத்தலாம்.

இரவில் இரண்டு டீஸ்பூன் வெந்தயத்தை தண்ணீரில் ஊறவைக்கவும். இந்த வெந்தயத்தை உள்ளுக்கு எடுப்பதன் மூலம் உடல் ஆரோக்கியம் மேம்படும். அவை கூந்தலிலும் பிரதிபலிக்கும். மறுநாள் காலை ஊறவைத்த வெந்தயத்துடன் நெல்லிப்பொடி சேர்த்து ( கூந்தல் நீளத்துக்கேற்ப) கற்றாழை ஜெல் சேர்த்து நன்றாக கலந்து விடுங்கள்.

இப்போது தலையில் சிறிதளவு தேங்காயெண்ணெய் சேர்த்து மென்மையாக மசாஜ் செய்யவும். கூந்தல் சிக்கில்லாமல் இருக்க வேண்டும். இப்போது கலந்து வைத்த நெல்லி வெந்தய பேஸ்ட்டை கூந்தல் முழுவதும், உச்சந்தலை, மயிர்க்கால்கள் என அனைத்து இடங்களிலும் தடவி விடவும். பிறகு 15 முதல் 20 நிமிடங்கள் வரை வைத்திருந்து கூந்தலை மென்மையாக அலசி எடுக்கவும்.

ஷாம்பு பயன்படுத்த வேண்டாம். தலையில் எண்ணெய் வைத்திருப்பதால் உங்கள் முடியில் எண்ணெய்பசை இருப்பதாக உணர்ந்தால் மைல்டான ஷாம்பு பயன்படுத்தலாம். அதிலும் வெதுவெதுப்பான நீரில் 1 டீஸ்பூன் ஷாம்பு சேர்த்து கலந்து பயன்படுத்தலாம். தேவையெனில் கண்டிஷனரும் பயன்படுத்தலாம்.
வாரம் ஒரு முறை அல்லது இரண்டு வாரம் ஒரு முறை இதை செய்து வந்தால் கூந்தலின் மயிர்க்கால்களுக்கு வேண்டிய ஊட்டச்சத்து கிடைக்கும்.

hair fall control tips : இந்த உணவுகள் உங்க முடி கொட்றதை கட்டுப்படுத்துமாம், தவிர்க்காம சாப்பிடுங்க!

கூந்தல் பொலிவாக அழகாக மாறும். முடி வளர்ச்சி வேகமாக இருக்கும். இளவயது முதல் கூந்தலுக்கு இந்த பேக் போட்டு வந்தால் இளநரையும் எட்டிப்பார்க்காது. எல்லா வகை கூந்தலுக்கும் இந்த பேக் உதவும்.

குறிப்பு: மழை மற்றும் பருவக்கால மாற்றங்களில் நெல்லிக்காய். வெந்தயம் இரண்டும் குளிர்ச்சியை உண்டாக்கலாம். படிப்படியாக பழகுங்கள். மேலும் இந்த பேஸ்ட்டை நீண்ட நேரம் இதை கூந்தலில் வைத்திருக்கவும் கூடாது.



Source link

Share on Social Media

Leave a Reply

Your email address will not be published. Required fields are marked *