Share on Social Media

ஆங்சைட்டி (பதட்டம் / பதற்றம்) என்பது ஒரு பயம் அல்லது பின்னர் வரவிருக்கும் விஷயங்களைப் பற்றிய பயம் ஆகும். மேலும், எதிர்காலத்துடன் தொடர்புடைய, நாம் உணரக் கூடிய ஒரே உணர்ச்சி இந்த பதட்டமாக தான் இருக்கும். ஒரு சில நிகழ்வுகள் நடக்கவே நடந்திருக்காது; இருப்பினும், அந்த விஷயங்களை நீங்கள் கற்பனை செய்து கொண்டிருப்பீர்கள். மேலும் பயம், திறமையின்மை ஆகியவற்றைத் தூண்டுவதன் மூலம், நீங்கள் உங்களின் எதிர்காலத்திற்கு துன்பத்தை ஏற்படுத்தலாம். அந்த வகையில் பார்த்தால், கற்பனையை நீங்கள் தவறாக பயன்படுத்தி வருகிறீர் என்று தான் அர்த்தம்.

​மனநலம்

உங்கள் அழகான மனம் ஆனது, எதிர்மறை எண்ணங்களை கற்பனை செய்யும் திறன் கொண்டதாக இருந்தால், அது நிச்சயமாக நேர்மறையான எண்ணங்களை கற்பனை செய்யும் திறன் கொண்டதாக தான் இருக்கும். அது எப்படி என்பதை பார்ப்போம் வாருங்கள்!

நீங்கள் எந்தவிதமான உணர்ச்சியையும் அனுபவிக்க, உங்களுக்கு தெரிந்தோ அல்லது தெரியாமலோ, உங்கள் மனதில் சில எண்ணங்கள் தோன்ற வேண்டும்; மற்றும் உணர்ச்சி என்பது (இந்த விஷயத்தில் ஆங்சைட்டி / பதற்றம்) அந்த சிந்தனையின் தரத்திற்கு கிடைக்கக் கூடிய பதில் தான்.

​பெருங்கவலை

samayam tamil Tamil News Spot

நம்மில் பெரும்பாலோர்,பதட்டம் என்ற ஒன்றை கண்டிப்பாக அனுபவித்து இருப்போம். ஏனென்றால், இது மிகவும் பொதுவான ஒன்று தான். குறிப்பாக, தற்போது நாம் வாழ்ந்து கொண்டிருக்கிற இந்த கணிக்க முடியாத மற்றும் நிச்சயமற்ற சமயத்தில், ஆன்சைட்டி என்பது மிகவும் பொதுவான ஒன்றாக மாறிவிட்டது. எவ்வாறாயினும், இது போன்ற சூழ்நிலையில் ஒரு வளமான மனம் மற்றும் ஒரு தனித்துவமான நோய் எதிர்ப்பு அமைப்பு பெறுவதற்கு, நாம் அமைதியாக இருப்பது மிகவும் முக்கியம்.

நமது அன்றாட கவலையை வெல்வதற்கு சில எளிய உதவிக்குறிப்புகள்:

விரும்பிய விஷயங்கள்

samayam tamil Tamil News Spot

நீங்கள் விரும்பாததை விட நீங்கள் விரும்பும் விஷயத்தில் கவனம் செலுத்துங்கள்

நீங்கள் எதை பற்றியாவது கற்பனை செய்தாலோ அல்லது எதன் மேலாவது கவனம் செலுத்தினாலோ, அது உண்மையாக நடப்பதற்கு வாய்ப்பு உள்ளது. மேலும், எதிர்மறையாக நீங்கள் சிந்திக்க இது உங்களுக்கு எவ்வாறு உதவுகிறது? என்று நீங்களே உங்களை கேட்டுக் கொள்ளுங்கள்!

​பதட்டம்

samayam tamil Tamil News Spot

பதட்டம் என்பது தற்காலிகமான ஒன்று என்பதை நீங்களே உங்களுக்கு நினைவூட்டுங்கள்

நீங்கள் அதிகபட்சமான உணர்ச்சியை உணரும்போது, இந்த உணர்வுகள் தற்காலிகமானவை என்பதை நீங்கள் நினைவில் கொள்ள வேண்டும். உங்களின் மனதை திசைத்திருப்ப ஒரு வழியைக் கண்டுபிடியுங்கள்; பின்னர், உங்களுக்கு மகிழ்ச்சியைத் தரக்கூடிய ஒரு செயலில் உங்களை ஈடுபடுத்துங்கள். கவலையை தவிர்த்து, வேறு எதிலும் நீங்கள் உங்கள் கவனத்தை செலுத்தலாம்.

​நல்ல முறையில் கற்பனை செய்து பாருங்கள்

samayam tamil Tamil News Spot

கண்களை மூடி இந்த பயிற்சியை செய்யுங்கள். நீங்கள் ஆர்வமுள்ள எந்தவொரு நிகழ்வையும் நல்ல முறையில் கற்பனை செய்து பார்க்கவும். அதாவது நீங்கள் செய்யக்கூடிய விஷயங்கள் அல்லது நடக்கூடிய நிகழ்வானது, நீங்கள் நினைத்தபடியே உங்களுக்கு சாதகமாக மாறும் என்று கற்பனை செய்து பாருங்கள். மேலும், மகிழ்ச்சியையும் மனநிறைவையும் உணருங்கள்; மற்றும் நீங்கள் நன்றாக உணருவதற்கு ஆழ்ந்த மூச்சு விடுங்கள். கண்களை மூடி இவ்வாறு செய்வது, காட்சிப்படுத்தலின் செயல் ஆகும்; மேலும், கற்பனை செய்வதற்கான சக்தியும் உங்களிடம் உள்ளது.

​ஆழமான சுவாசம்

samayam tamil Tamil News Spot

உங்கள் வயிற்றை விரிவுபடுத்தி ஒரு ஆழ்ந்த மூச்சை எடுத்துக் கொள்ளுங்கள். சிறிது நேரம் இடைநிறுத்தி பின்னர் மெதுவாக மூச்சை வெளியே விடவும். இதனை நான்கு முறை செய்யவும். இவ்வாறு செய்வதன் மூலம் நீங்கள் உங்களின் நரம்பு மண்டலத்தை அமைதிப்படுத்தி உள்ளீர்கள். மூளைக்கு அனுப்பப்படும் சரியான ஆக்ஸிஜனால், உடனடியாக உங்கள் மனதில் ஒரு உணர்வை கொண்டு வர முடியும். இதனால், உங்களின் கவலை குறைய இது அனுமதிக்கிறது. மேலும், இதனை நிரூபிக்க போதுமான ஆராய்ச்சி உள்ளது என்று சொல்கிறார்கள்.

​உடற்பயிற்சி

samayam tamil Tamil News Spot

உடற்பயிற்சி ஆனது பதட்டத்திற்கு ஒரு சிறந்த மருந்தாக திகழ்கிறது. எந்த வகையான உடற்பயிற்சியை நீங்கள் பின்பற்றுகிறீர்கள் என்பது முக்கியமல்ல. உங்களின் இதயம், ஒரு நல்ல விகிதத்தில் துடிக்கும் வரையில் நீங்கள் உடல் செயல்பாடுகளைச் செய்ய வேண்டும்; அதுவே முக்கியம். மேலும், நமது உடலியல் ஆனது, நம் மனநிலையை நேரடியாக பாதிக்கிறது.

மேலும், எதிர்காலத்தில் என்ன நடக்கும் என்பது நாம் யாருக்கும் தெரியாது. நம்மால் முயற்சி மட்டுமே செய்ய முடியும். மேலும், எந்த மாதிரியான சூழ்நிலைக்கும் நம்மளை முழுமையாக தயார் செய்து கொள்ள வேண்டும்; அல்லது அதனால் ஏற்படும் விளைவுகளை கட்டுப்படுத்த முயற்சிக்க வேண்டும். அதற்கு நீங்கள் திறமையானவராக இருக்க வேண்டும். மேலும், எந்தவொரு சூழ்நிலையையும் சமாளிக்க உங்களுக்கு ஒரு நல்ல வாய்ப்பு கிடைக்கும்

Thanks for the Source

Share on Social Media

Leave a Reply

Your email address will not be published. Required fields are marked *