Share on Social Media


குறைப்பிரசவத்தில் பிறந்த குழந்தைகளுக்கு தீவிர சிகிச்சை பிரிவில் கவனிப்பு தேவை. இந்த குழந்தைக்கு நீண்ட கால மன மற்றும் உடல் குறைபாடுகள் இருக்கலாம்.

​குறைப்பிரசவத்துக்கான காரணம்

குறைப்பிரசவத்துக்கான குறிப்பிட்ட காரணம் பெரும்பாலும் தெளிவாக இல்லை. சில ஆபத்து காரணிகள் குறைப்பிரசவத்தின் வாய்ப்பை அதிகரிக்கலாம்.

தாயின் எடை குறைவாக இருப்பது அதாவது 40 கிலோவுக்கு குறைவாக இருப்பது.

டீன் ஏஜ் வயதில் திருமணம் செய்வது

20 வயதுக்குள் கருவுற்று இருப்பது

தாய் வைட்டமின் குறைபாடுகளை கொண்டிருப்பது

பிறந்தவுடன் குழந்தை அழவில்லையெனில் அது ஆபத்தா? எப்போது அழ வேண்டும் ? எப்படி அழ வைப்பது?

கர்ப்பகால உயர் இரத்த அழுத்தம், கர்ப்பகால சர்க்கரை நோய், சிறுநீரகப் பாதை நோய்த்தொற்று மற்றும் சில வைரஸ் தொற்று போன்றவை குறைமாத பிரசவத்துக்கு காரணமாகும்.

முன்கூட்டிய பிரசவ ஆபத்து காரணிகள் இல்லாத கர்ப்பிணி பெண்களுக்கும் இது உண்டாகலாம். குறைமாதப் பிரசவத்துக்கு தாயே காரணமாக இருக்கலாம். சில நேரங்களில் வயிற்றில் வளரும் குழந்தையும் காரணமாக இருக்கலாம். அதனால் கர்ப்பகாலத்தில் உடலில் உண்டாகும் மாற்றங்கள் குறித்து கவனமாக இருக்க வேண்டும்.

​குறைப்பிரசம் உண்டாகப்போவதன் அறிகுறிகள்

samayam tamil Tamil News Spot

முன்கூட்டிய பிரசவத்தை தடுக்க அதன் அறிகுறிகள் குறித்து பெண்கள் தெரிந்துகொள்ள வேண்டும். ஏனெனில் ஆரம்ப அறிகுறி இருக்கும் போது செயல்பட்டால் அது வேகமான மாற்றத்தை ஏற்படுத்தும். தாமதிக்காமல் மருத்துவரை அணுகுவதன் மூலம் இதை தள்ளிபோடவும் செய்யலாம்.

முதுகுவலி பொதுவாக உங்கள் கீழ் முதுகில் இருக்கும். இது நிலையானதாக இருக்கலாம். அல்லது வந்து வந்து போகலாம். நீங்கள் நிலைகளை மாற்றினாலும் அல்லது வேறு ஏதேனும் செய்தாலும் அது எளிதாக இருக்காது.

சுருக்கங்கள் ஒவ்வொரு 10 நிமிடங்களுக்கும் அல்லது அதற்கு மேலாக வேகமாகவும் கடுமையானதாகவும் இருக்கும். அடிவயிற்றில் பிடிப்பு அல்லது மாதவிடாய் போன்ற பிடிப்புகள் இருக்கும். இது வயிற்றுப்போக்குடன் வரக்கூடிய வாயுவலி போல் இருக்கலாம்.

யோனியில் இருந்து திரவம் கசியும். குமட்டல், வாந்தி அல்லது வயிற்றுப்போக்கு போன்ற காய்ச்சல் அறிகுறிகள் தென்படும். 8 மணி நேரத்துக்கும் மேல் இருந்தால் மருத்துவரை அணுகுவது நல்லது.

இடுப்பு அல்லது யோனியில் அதிகரித்த அழுத்தம் அதிகரித்த யோனி வெளியேற்றம் இலேசான இரத்தப்போக்கு உட்பட யோனி இரத்தப்போக்கு இவற்றில் சில முதுகுவலி போன்ற கர்ப்பமாக இருப்பதற்கான சாதாரண அறிகுறிகளை தவிர வேறு கடினமாக இருக்கலாம். அதனால் அறிகுறிகளை எச்சரிக்கையுடன் கையாள வேண்டும். யாருக்கு ஆபத்து அதிகம்.

​குறைப்பிரசவத்துடன் அபாயம் கொண்டிருப்பவர்கள்

samayam tamil Tamil News Spot

முந்தைய குறைப்பிரசவம், முன்கூட்டிய பிறப்பு சமீபத்திய கர்ப்பம் அல்லது ஒன்றுக்கு மேற்பட்ட கர்ப்பங்களில் இரட்டை குழந்தைகள், சுருக்கப்பட்ட கருப்பை வாய், நஞ்சுக்கொடி சிக்கல்கள் கொண்டிருந்தால் அவர்கள் குறைப்பிரசவத்துடன் கூடிய அபாயத்தை கொண்டிருக்கலாம்.

சிகரெட் பழக்கம் கொண்டிருப்பவர்கள், சில தொற்றுகள், அம்னோடிக் திரவம் மற்றும் கீழ் பிறப்புறுப்பு பாதை, உயர் இரத்த அழுத்தம், நீரிழிவு நோய், தன்னுடல் தாக்க நோய் மற்றும் மனசோர்வு போன்ற சில நாள்பட்ட நிலைமைகள் மன அழுத்தம் , அதிகப்படியான அம்னொடிக் திரவம், முதல் குழந்தைக்கும் இரண்டாவது குழந்தைக்கும் இடையில் 12 மாதங்களுக்கும் குறைவாக கர்ப்பம் தரிப்பது அல்லது குழந்தை பிறந்த 59 மாதங்களுக்கு மேலான இடைவெளி கொண்டிருப்பது எல்லாமே குறைப்பிரசவ அபாயத்துடன் தொடர்பு கொண்டவை.

​குறைப்பிரசவ குழந்தைகள் நிலைமைகள்

samayam tamil Tamil News Spot

குறைப்பிரசவத்தில் பிறந்த குழந்தைகள் குறைவான பிறப்பு எடை சுவாசிப்பதில் சிரமம், வளர்ச்சியடையாத உறுப்புகள் மற்றும் பார்வை பிரச்சனைகள் போன்ற உடல்நல கவலைகளை ஏற்படுத்தலாம். குறைமாதத்தில் பிறக்கும் குழந்தைகளுக்கு பெருமுளை வாதம், கற்றல் குறைபாடுகள் மற்றும் நடத்தை போன்றவற்றில் ஆபத்தும் உள்ளது.

​குறைப்பிரசவம் அபாயத்தை தடுக்க முடியுமா?

samayam tamil Tamil News Spot

உடல்நிலையில் குறைபாடுகள் இருக்கும் போது குறைப்பிரசவம் உண்டாவதை தடுக்க முடியாமல் போகலாம். ஆனால் ஆரோக்கியமான முழு கால கர்ப்பத்தை ஊக்குவிக்க நீங்கள் முயற்சிக்கலாம்.

வழக்கமான மகப்பேறு பரிசோதனைகள் உடல் நலம் மற்றும் குழந்தையின் ஆரோக்கியத்தை தொடர்ந்து கவனிக்க உதவும். முன்னதாக ஏதேனும் குடும்ப வரலாறு இருந்தால் அது குறித்து மருத்துவரிடம் ஆலோசனை செய்யலாம்.

கர்ப்ப காலத்தில் உண்டாகும் தவிர்க்க முடியாத நான்கு விதமான சரும பிரச்சனைகள் என்னென்ன?

பிரசவத்தின் முன்கூட்டிய வரலாறு அல்லது பிரசவத்தின் அறிகுறிகளை உருவாக்கினால் மருத்துவரை அணுகுங்கள். அறிகுறிகளுக்கேற்ப பிரசவத்தை தாமதிக்க மருந்துகளை பரிந்துரைப்பார்கள்.

கர்ப்பத்தின் விளைவுகள் நல்ல ஊட்டச்சத்துடன் தொடர்பு கொண்டவை. கூடுதலாக பாலி அன்சாச்சுரேட்டட் கொழுப்பு அமிலங்கள் அதிகம் உள்ள உணவுகள் அவசியம். இந்த குறைபாடு முன் கூட்டிய பிறப்புக்கான குறைந்த அபாயத்துடன் தொடர்புடையவை என்று சில ஆராய்ச்சிகள் தெரிவிக்கின்றன. கொட்டைகள், விதைகள், மீன் மற்றும் விதை எண்ணெய்களில் காணப்படுகின்றன.

பல கர்ப்பங்கள் நாள்பட்ட குறைப்பிரசவத்தின் அதிக ஆபத்தை கொண்டுள்ளன. நீரிழிவு, உயர் இரத்த அழுத்தம் மற்றும் உடல் பருமன் போன்ற சில நிபந்தனைகள் குறைப்பிரசவத்தின் அபாயத்தை அதிகரிக்கின்றன. எந்தவொரு நாள்பட்ட நிலைமைகளையும் கட்டுக்குள் வைத்திருக்க மருத்துவருடன் இணைந்து ஆலோசிப்பது அதன் படி நடப்பது குறைப்பிரசவ அபாயத்தை தடுக்க செய்யும்.



Source link

Share on Social Media

Leave a Reply

Your email address will not be published. Required fields are marked *