Share on Social Media

மேலும் 100% இயற்கையான பொருள்களை கொண்டு நீங்களே தயார் செய்ததால் இதை நீங்கள் தயக்கமில்லாமல் உங்கள் முகத்துக்கு பயன்படுத்தலாம். இந்த ஸ்க்ரப் ஒன்றே உங்களுக்கு மாய்சுரைசர், க்ளென்சர் மற்றும் ஸ்க்ரப் என பலனுள்ள பயனை தருகிறது.

அழகு பராமரிப்பில் ஃபேஸ் ஸ்க்ரப் முக்கிய பங்கு வகிக்கிறது. இது சருமத்திலிருந்து அனைத்து அசுத்தங்களையும் வெளியேற்றி ஆரோக்கியமாக மிருதுவாகவும், இளமையாகவும் மாற்றும். வறண்ட சருமத்துக்கு வீட்டில் ஸ்க்ரப் வகைகள் என்னென்ன என்பதை பார்க்கலாம்.

காஃபி ஸ்க்ரப்

அனைத்து வகையான சருமத்தையும் புத்துயிர் பெறுவதற்கு காபி கொட்டைகள் நல்லது. வறண்ட சருமத்துக்கு அது அதிக பயன் தரக்கூடியது. வீட்டிலேயே எளிமையான முறையில் தயாரிக்கப்படும் ஃபேஸ் ஸ்க்ரப் குறித்து தான் இப்போது பார்க்க போகிறோம்.

காபி கொட்டைகளை அரைத்து பயன்படுத்தலாம். அல்லது நீங்கள் பயன்படுத்திய காபித்தூளை வடிகட்டியும் பயன்படுத்தலாம்.

இந்திய பெண்களின் முடி நீளமா அழகா இருக்கும் ரகசியம் இதுதான், நீங்களும் ட்ரை பண்ணுங்க!

தேவை

காபித்தூள் – 1 டீஸ்பூன்

தண்ணீர் – 1 டீஸ்பூன்

இரண்டையும் நன்றாக கலந்து எடுக்கவும். இதை முகத்தில் வட்ட வடிவ இயக்கத்தில் தடவி எடுக்கவும். பிறகு 10 நிமிடங்கள் வரை மசாஜ் செய்யவும். பிறகு முகத்தில் உலரவிட்டு முகத்தை கழுவி எடுக்கவும். இயற்கையாகவே உங்கள் சருமத்தில் இருக்கும் இறந்த சரும செல்களை அகற்றி புதியதாக சுத்தமாக மாற்றிவிடும்.

​சர்க்கரை உடன் க்ரீம் கலந்த ஸ்க்ரப்

samayam tamil Tamil News Spot

முதலில் முகத்தை மந்தமான நீரில் கழுவி எடுக்கவும் பிறகு முகத்தை உலர வைக்கவும்.

க்ரீம் – 1 டீஸ்பூன்

சர்க்கரை – 2 டீஸ்பூன்

இரண்டையும் நன்றாக கலந்து பேஸ்ட் பதத்துக்கு குழைத்து முகத்தில் வட்ட வடிவ இயக்கத்தில் தடவவும். முகத்தில் இருக்கும் சுருக்கங்கள் நிறைந்த கோடுகள், உலர்ந்த புள்ளிகள் மூக்கின் மேல் பக்கத்தை மறைக்கும் படி ஸ்க்ரப் செய்யவும். இதை கண்களில் தடவுவதை தவிர்க்கவும்.

இவை உலரும் போது மென்மையான துணி கொண்டு நனைத்து துணியை கொண்டு முகத்தை சுற்றி துடைக்கவும். குளிர்ந்த நீரை முகத்துக்கு தெளிப்பதன் மூலம் இந்த ஸ்க்ரப்பிங் முகத்தை புத்துணர்ச்சியாக வைத்திருக்க செய்யும். மென்மையான துணியை பயன்படுத்தி சருமத்தை உலர விடவும்.

​க்ரீன் டீ மற்றும் தேன் ஸ்க்ரப்

samayam tamil Tamil News Spot

க்ரீன் டீ உங்கள் சருமத்துக்கு வயதான எதிர்ப்பு முகவராக செயல்படுகிறது. இது முகத்தில் கறைகள் மற்றும் சுருக்கங்களை குறைக்க உதவுகிறது. மேலும் முகத்தில் இருக்கும் வடு திசுக்களை சரி செய்கிறது.

தேவை

க்ரீன் தேயிலை அடர்த்தியாக காய்ச்சியது – 1 டீஸ்பூன்

சர்க்கரை – 1 டீஸ்பூன்

தேன் – 1 டீஸ்பூன்

அனைத்தையும் நன்றாக கலக்கி எடுக்கவும். தேன் சிறந்த பாக்டீரியா எதிர்ப்பு மற்றும் ஈரப்பதமூட்டும் பண்புகளை கொண்டுள்ளது. இந்த ஸ்க்ரப்பை முகத்தில் தடவி எடுக்கவும். உலர்ந்த புள்ளிகள் இருக்கும் இடத்தில் தடவி முகம் முழுக்க தடவி எடுக்கவும். பிறகு மெல்லிய துணியை பயன்படுத்தி முகத்தை துடைத்து எடுக்கவும். பிறகு முகத்தை குளிர்ந்த நீரில் கழுவி எடுக்கவும்.

​தேங்காய் எண்ணெய் எலுமிச்சை ஸ்க்ரப்

samayam tamil Tamil News Spot

தேங்காயெண்ணெய் பாரம்பரியமான சருமத்துக்கேற்ற டானிக் ஆகும். எலுமிச்சை சருமத்தை மென்மையாக்குகிறது. எண்ணெய் சார்ந்த ஸ்க்ரப் எப்போதுமே வறண்ட சருமத்துக்கு நன்மை செய்யகூடியது

தேவை

தேங்காயெண்ணெய் – அரை கப்

அல்லது ஆலிவ் எண்ணெய், பாதாம் எண்ணெய் கலந்து பயன்படுத்தலாம்.

சர்க்கரை – 2 டீஸ்பூன்

எலுமிச்சை சாறு – 3 சொட்டுகள்

எண்ணெயில் சர்க்கரை கலந்து பயன்படுத்தவும். இந்த கலவையில் எலுமிச்சை சாறு சேர்த்து நன்றாக குழைத்து முகத்தில் வட்ட வடிவ இயக்கத்தில் மசாஜ் செய்யவும்.

இது சருமத்தின் சுத்திகரிப்பு பண்புகளை அதிகரிக்கிறது. முகத்தை கழுவி குளிர்ந்த நீரால் ஸ்ப்ரே செய்து மீண்டும் கழுவி எடுக்கவும்.

​பாதாம் எண்ணெய் ஸ்க்ரப்

samayam tamil Tamil News Spot

பாதாம் எண்ணெய் எப்போதும் சருமத்துக்கு நன்மை செய்ய கூடியது.

தேவை

பாதாம் எண்ணெய் – அரை டீஸ்பூன்

எலுமிச்சை சாறு – 2 துளி

லாவெண்டர் எண்ணெய் – 2 சொட்டு

வேறு அத்தியாவசியமான எண்ணெய் இருந்தாலும் அதை பயன்படுத்தலாம். இவை ஸ்க்ரப் செய்வதற்கு ஏற்ற பலனை அளிக்கின்றன. இதை அனைத்தையும் நன்றாக கலந்து முகத்தில் துடைத்து வட்ட வடிவ இயக்கங்களில் மசாஜ் செய்யவும். பிற்கௌ குளிர்ந்த நீரை பயன்படுத்தி முகத்தை உலரவிடவும்.

முடி கொட்டவே கூடாதா, எளிமையா கிடைக்கும் இந்த மூலிகைகள் இப்படி பயன்படுத்துங்க! ஆண்களும்!

மேற்கண்ட இந்த ஐந்து ஸ்க்ரப் வகைகளும் வறண்ட சருமத்துக்கு ஏற்ற ஸ்க்ரப் வகைகளே. இதை சரியான முறையில் பயன்படுத்தினால் பலன் நிச்சயம் கிடைக்கும்.

Thanks for the Source

Share on Social Media

Leave a Reply

Your email address will not be published. Required fields are marked *