1601136512 pic Tamil News Spot
Share on Social Media

முட்டை

samayam tamil Tamil News Spot

அசைவ பிரியர்கள் முட்டை வேண்டாம் என்று சொல்லமாட்டார்கள். முட்டையை எப்போதாவது சாப்பிடுபவர்களும் அடிக்கடி எடுத்துகொள்வது நல்லது. முட்டை சிறந்த பயோட்டின் நிறைந்தவை கூடுதலாக புரதமும் நிறைந்திருக்கிறது. முடி வளர்ச்சியை ஊக்குவிக்கும் இரண்டு ஊட்டச்சத்துக்களை உள்ளடக்கியிருக்கிறது.

இளநரையை கருப்பாக மாற்றும் பீர்க்கங்காய், பலன் கிடைக்க இப்படி யூஸ் பண்ணுங்க!

முடியின் வேர்க்கால்கள் புரதம் நிறைந்தவை. புரதம் நிறைவாக கிடைக்கும் போது முடி உதிர்தல் பெருமளவு தடுக்கப்படுகிறது. இது ஆய்விலும் நிரூபிக்கப்பட்டுள்ளது. அதே போன்று பயோட்டின் முடி வளர்ச்சியை மேம்படுத்தும் என்றும் நிருபிக்கப்பட்டுள்ளது.

​கீரைகள்

samayam tamil Tamil News Spot

ஆரோக்கியமான உணவில் கீரைக்கு தனி இடம் உண்டு. கீரைகள் ஃபோலெட், இரும்பு வைட்டமின் ஏ மற்றும் சி சத்தை உள்ளடக்கியவை. இவை உடலுக்கு நன்மை தரும் சத்துகளும் கூட. வைட்டமின் ஏ சரும சுரப்பிகளில் ஈரப்பதத்தை தக்க வைக்க உதவுகிறது.

அன்றாடம் ஒரு கப் கீரை ( 30 கிராம் அளவு) தினசரி தேவையான வைட்டமின் ஏ சத்தில் 54% வரை அளிக்கிறது. தாவரம் மூலம் பெறக்கூடிய இரும்புச்சத்து முடி வளர்ச்சிக்கு அவசியம். இரும்புச்சத்து குறைபாடு முடி உதிர்தலை உண்டாக்கும்.

​சர்க்கரை வள்ளி கிழங்கு

samayam tamil Tamil News Spot

இனிப்பு உருளைக்கிழங்கு பீட்டா கரோட்டின் நிறைந்த சிறந்த மூலம். இது உடலில் வைட்டமின் ஏ ஆக மாற்றுகிறது. வைட்டமின் ஏ சருமத்துக்கும் முடி ஆரோக்கியத்துக்கும் உதவக்கூடியது என்று ஆராய்ச்சிகள் சொல்கிறது. முடி வளர்ச்சியை ஊக்குவிக்கும் வைட்டமின் ஏ அடர்த்தியான முடி வளர்ச்சியை ஊக்குவிக்கும். முடியின் பலவீனத்தை தடுக்க உதவும்.

நடுத்தரமான அளவுள்ள சர்க்கரை வள்ளிகிழங்கில் தினசரி தேவையான வைட்டமின் ஏ தேவைகளில் நான்கு மடங்கு அதிகமாக உள்ளது.

​நட்ஸ் வகைகள்

samayam tamil Tamil News Spot

சற்றே விலை கூடுதலாக இருந்தாலும் நட்ஸ் வகைகள் பலவிதமான ஊட்டச்சத்துகளை கொண்டிருப்பவை. சுவையும் அதிகமாக கொண்டிருப்பவை. உதாரணத்துக்கு 28 கிராம் அதாவது ஒரு அவுன்ஸ் அளவுள்ள பாதாம் தினசரி தேவையான வைட்டமின் இ அளவில் 37% கொடுக்க வல்லது. நட்ஸ் வகைகள் துத்தநாகம், வைட்டமின்கள் பி, அத்தியாவசிய கொழுப்பு அமிலங்கள் உள்ளது. இந்த ஊட்டச்சத்துகளின் குறைபாடு முடி உதிர்தலை ஊக்குவிக்க கூடியது. இவை உடல் ஆரோக்கியத்துக்கும் நன்மை பயக்க கூடியது

விதைகள்

samayam tamil Tamil News Spot

குறைந்த கலோரியும் ஏராளமான ஊட்டச்சத்துகளும் கொண்டிருப்பவை விதைகள். முடி வளர்ச்சியை ஊக்குவிக்கும் ஊட்டச்சத்துகள் பலவும் விதைகளில் நிறைந்துள்ளன. வைட்டமின் இ. துத்தநாகம், செலினியம் போன்றவை உள்ளது.

முடி கருப்பாவும் இல்லாம நரையாவும் இல்லாம சாம்பல் நிறத்தில் இருக்கா, இதுதான் ஏற்ற பராமரிப்பு!

ஒரு அவுன்ஸ் விதையில் தினசரி தேவையான வைட்டமின் இ சத்தில் 50% வழங்குகிறது. மேலும் இதில் பி வைட்டமின்களும் உண்டு. சூரியகாந்தி விதைகள், ஆளிவிதை, சியா விதைகளும் ஒமேகா 3 கொழுப்பு அமிலங்களை கொண்டிருக்கிறது. விதைகளை கலவையாக எடுத்துகொள்வதன் மூலம் முடி வளர்ச்சி அதிகரிக்கும். தினசரி இரண்டு டீஸ்பூன் அளவு விதைகளை எடுக்கலாம்.

​சிவப்பு குடமிளகாய்

samayam tamil Tamil News Spot

சிவப்பு குடமிளகாய் அதிக அளவு பீட்டா கரோட்டின் கொண்டிருக்கிறது. மெலிந்த முடி கொண்டிருப்பவர்கள் வைட்டமின் சி நிறைந்த உணவு, சப்ளிமெண்ட் எடுத்துகொண்ட போது குறிப்பிடத்தக்க வகையில் முடி வளர்ச்சி ஊக்குவிக்கப்பட்டதை அறிந்தார்கள். ஆரஞ்சு பழத்தை காட்டிலும் சிவப்பு குடமிளகாயில் கூடுதலாக உள்ளது.

மஞ்சள் குடமிளகாய் ஆரஞ்சு பழத்தை காட்டிலும் ஐந்தரை மடங்கு வைட்டமின் சி கொண்டிருக்கிறது. வைட்டமின் சி கொலாஜன் உற்பத்தியை மேம்படுத்துவதோடு முடி இழைகளை வலுப்படுத்தும். வலுவான ஆக்ஸிஜனேற்றியாக இருப்பதால் முடியை பலவீனத்திலிருந்து பாதுகாக்கிறது. கூடுதலாக முடி நரைப்பதும் குறைகிறது.

​பீன்ஸ்

samayam tamil Tamil News Spot

தாவர அடிப்படையிலான புரதம் இவை. முடி வளர்ச்சிக்கு உதவக்கூடியவை. பீன்ஸ் துத்தநாகம் நிறைந்தவை. முடி வளர்ச்சிக்கு பெரிதும் உதவக்கூடியவை.100 கிராம் பீன்ஸில் தினசரி துத்தநாக அளவில் 7% பெற்றுவிட முடியும்.

முடி அழகா வளரணும்னா நீங்க எதெல்லாம் சாப்பிட கூடாதுன்னும் தெரிஞ்சுக்கணும்!

இரும்பு, பயோட்டின் மற்றும் ஃபோலெட் உட்பட ஊட்டச்சத்துகளை அவை வழங்குகிறது. பீன்ஸில் இரும்பு புரதம், துத்தநாகம் மற்றும் பயோட்டின் உள்ளது. இவை அனைத்தும் முடி வளர்ச்சிக்கு உதவக்கூடியவையே.

இவை தவிர யோகர்ட், சோயா பீன், பார்லி, பருப்பு வகைகள், ஓட்ஸ், அசைவத்தில் சால்மன் மீன், சிக்கன்,கடல் உணவு, ஒல்லியான இறைச்சி போன்றவற்றை எடுத்துகொள்ளலாம்.

Thanks for the Source

Share on Social Media

Leave a Reply

Your email address will not be published. Required fields are marked *