Share on Social Media

முகப்பரு நீர்க்கட்டிகள், ஒவ்வாமை எதிர்வினைகள், சருமம் அல்லது மயிர்க்கால்களின் நோய்த்தொற்றுகள் அம்மை போன்ற வைரஸ் நோய்கள், இறுக்கமான சிகை அலங்காரங்கள், தலைக்கவசங்களின் பயன்பாடு, முடி சாயங்கள், தொடர் ஹேர் ட்ரையர்கள் என எல்லாமே உச்சந்தலையில் சீழ், ரத்தம், கொப்புளங்கள் மற்றும் புண்களை உண்டாக்க கூடும். இந்த புண்களையும் உச்சந்தலையில் உண்டாகும் வலியையும் குறைக்க உதவும் சிறந்த எண்ணெய் குறித்தும் அதன் பயன்பாடு குறித்தும் பார்க்கலாம்.

​வேப்பிலை எண்ணெய்

வேப்ப எண்ணெய் – 2 டீஸ்பூன்

நல்லெண்ணெய் – 2 டீஸ்பூன்

இரண்டையும் நன்றாக கலந்து உச்சந்தலையில் மென்மையாக மசாஜ் செய்யவும். இதை 30 முதல் 40 நிமிடங்கள் வரை விடவும். ஷாம்பு இல்லாமல் வெற்றுநீரில் அலசி எடுக்கவும்.

மூல நோய் ஆரம்ப நிலையா, இதையெல்லாம் செய்தா குணப்படுத்திடலாம்!

வேப்பிலை எண்ணெய் பயன்படுத்திய இரண்டு நாட்கள் வரை ஷாம்பு கூடாது. அதனால் இதை பயன்படுத்துவதற்கு முன் கூந்தலை சுத்தமாக ஷாம்பு கொண்டு அலசி எடுக்கவும். வாரம் ஒரு முறை இதை செய்து வந்தால் உச்சந்தலையில் இருக்கு புண், காயம் ஆறுவதோடு உச்சந்தலை வலியும் குறையக்கூடும்.

​நல்லெண்ணெய்

samayam tamil Tamil News Spot

நல்லெண்ணெய் – 4 டீஸ்பூன்

நல்லெண்ணெய் மசாஜ் என்பது கூந்தலின் வளர்ச்சிக்கு மட்டும் உதவாது. இது உச்சந்தலையில் இருக்கும் பொடுகு, பூஞ்சை தொற்றையும் தடுக்க கூடும். நல்லெண்ணெய் பாரம்பரியமாகவே எண்ணெய் குளியலுக்கு ஏற்றது.

நல்லெண்ணெயை இலேசாக சூடேற்றி மென்மையாக உச்சந்தலையை மசாஜ் செய்து விடவும். இதை 30 முதல் 60 நிமிடங்கள் வரை வைத்திருந்து உச்சந்தலையை மைல்டான ஷாம்பு கொண்டு சுத்தம் செய்யவும். வாரத்தில் இரண்டு நாட்கள் வரை இதை செய்யலாம்.

நல்லெண்ணெயில் வைட்டமின்கள் பி காம்ப்ளக்ஸ், வைட்டமின் ஈ போன்றவை உள்ளன. இது உச்சந்தலையில் புழக்கத்தை ஊக்குவிக்கின்றன. இது அழற்சி எதிர்ப்பு பண்புகளை வெளிப்படுத்துகிறது. இதன் மூலம் எரிச்சலூட்டும் மற்றும் வீக்கமடைந்த உச்சந்தலையை குணப்படுத்த உதவுகிறது.

​ஜோஜோபா எண்ணெய்

samayam tamil Tamil News Spot

ஜோஜாபா எண்ணெய் – 2 டீஸ்பூன்

ஜோஜாபா எண்ணெய் இலேசாக சூடு செய்து உச்சந்தலையில் மென்மையாக மசாஜ் செய்ய் வேண்டும். வலி இருக்கும் இடங்களில் இளஞ்சூட்டில் விரல்களால் வட்ட வடிவ இயக்கங்களில் மசாஜ் செய்யவும்.

இதை 30 முதல் 40 நிமிடங்கள் வரை விட்டு பிறகு மைல்டான ஷாம்பு கொண்டு அலசி எடுக்கலாம். வாரத்தில் இரண்டு அல்லது மூன்று முறை இதை செய்யவும்.

ஜோஜாபா எண்ணெய் ஈரப்பதமூட்டும் அழற்சி எதிர்ப்பு பண்புகளை கொண்டுள்ளது. வீக்கமடைந்த உலர்ந்த மற்றும் அரிப்பு உச்சந்தலையை சுத்தம் செய்து வலி உணர்வை குறைக்க செய்கிறது.

​ஆளிவிதை எண்ணெய்

samayam tamil Tamil News Spot

ஆளிவிதை எண்ணெய் – 2 டீஸ்பூன் அளவு

ஆளிவிதை எண்ணெயை உச்சந்தலையில் தடவி மசாஜ் செய்து விடவும். சுத்தமான பருத்தி டவலை எடுத்து சூடான வெந்நீரில் நனைத்து பிழிந்து அதை கூந்தலில் சுற்றி விடவும். இதை 20 முதல் 30 நிமிடங்கள் வரை வைத்திருந்து பிறகு தேங்காயெண்ணெய் சேர்த்து கூந்தலை சுத்தம் செய்து ஷாம்பு கொண்டு அலசி எடுக்கவும். இதை வாரத்தில் இரண்டு முறை செய்ய வேண்டும்.

ஆளிவிதை எண்ணெய் ஒமேகா – 3 கொழுப்பு அமிலங்களை கொண்டுள்ளது. இது உச்சந்தலையை ஈரப்பதமாக்கி அழற்சி மற்றும் எரிச்சலை போக்க செய்யும்.

​தேங்காயெண்ணெய்

samayam tamil Tamil News Spot

தேங்காயெண்ணெய் – 2 டீஸ்பூன்

தேங்காயெண்ணெயை இலேசாக சூடு செய்து உச்சந்தலையில் மென்மையாக மசாஜ் செய்யவும். பிறகு அரை மணி நேரம் முதல் 1 மணி நேரம் வரை விடவும். மைல்டான ஷாம்பு கொண்டு அலசி எடுக்கவும். வாரத்தில் இரண்டு நாட்கள் வரை செய்யலாம்.

தேங்காய் எண்ணெயின் ஈரப்பதமூட்டும் பண்புகள் உச்சந்தலையின் ஆரோக்கியத்தை மேம்படுத்துகின்றன. இது ஆண்டி மைக்ரோபியல் மற்றும் அழற்சி எதிர்ப்பு பண்புகள் கொண்டுள்ளது. இது உச்சந்தலை அழற்சி மற்றும் வலியை குறைக்க செய்யும்.

​டீ ட்ரீ ஆயில்

samayam tamil Tamil News Spot

டீ ட்ரீ ஆயில் – 6 சொட்டுகள்

ஆலிவ் எண்ணெய் – 2 டீஸ்பூன்

ஆலிவ் எண்ணெயுடன் டீ ட்ரீ ஆயில் கலந்து விடவும். இதை உங்கள் உச்சந்தலையில் தடவி மென்மையாக மசாஜ் செய்து விடவும். பிறகு 1 மணி நேரம் வரை வைத்திருந்து பிறகு மைல்டான ஷாம்பு கொண்டு அலசி எடுக்கவும். வாரத்தில் மூன்று அல்லது இரண்டு முறை இதை செய்யலாம்.

டீ ட்ரீ எண்ணெய் அழற்சி எதிர்ப்பு பண்புகளிலிருந்து நிவாரணம் அளிக்கின்றன. இதன் ஆண்டி மைக்ரோபியல் பண்புகள் உச்சந்தலையில் தொற்று நோய்களுடன் போராட உதவுகிறது. மேலும் இது உச்சந்தலை வலியை குறைக்கவும் செய்யும்.

மேற்கண்ட எண்ணெய்கள் உச்சந்தலையில் இருக்கும் புண், காயம், கொப்புளம் போன்றவற்றை குணப்படுத்த செய்யும். அரிப்பை போக்கும். உச்சந்தலையில் உண்டாகும் வலியை நீக்கும். இவை எல்லாம் பாதுகாப்பனதும் கூட. தயக்கமில்லாமல் இதை பயன்படுத்தலாம்.

​வைட்டமின்கள்

samayam tamil Tamil News Spot

உச்சந்தலை வலிக்கு பராமரிப்பு செய்யும் போது உணவிலும் கவனம் செலுத்துவது அவசியம். வைட்டமின்கள் பி, வைட்டமின்கள் சி, வைட்டமின்கள் ஈ போன்ற ஊட்டச்சத்துக்கள் ஆரோக்கியமான உச்சந்தலை மற்றும் முடியை மேம்படுத்துகின்றன.

நோய் எதிர்ப்பு சக்தி அதிகரிக்கும் 3 பானங்கள். தயாரிப்பும் அதன் நன்மைகளும், எல்லோருக்குமானது!

இது உச்சந்தலை சரும சுரப்பை மேம்படுத்துகின்றன. இது உச்சந்தலை பாதுகாக்கின்றன. மேலும் இதன் சுழற்சியை மேம்படுத்துகிறது. இந்த வைட்டமின்கள் கோழி, வீட் ஜெர்ம், சீஸ், முட்டை, கோழி , வேர்க்கடலை, பாதாம், சிட்ரஸ், பழங்கள், பச்சை இலைகாய்கறிகள், பால் போன்றவற்றில் உள்ளது. மருத்துவரின் ஆலோசனையுடன் வேண்டிய வைட்டமினை எடுக்கலாம்.

Thanks for the Source

Share on Social Media

Leave a Reply

Your email address will not be published. Required fields are marked *