Share on Social Media

கருமையான நிறத்தில் அடர்த்தியான வில் போன்ற புருவம் வேண்டும், அதேபோல் ஐலாஷ் வைக்காமலே அதே போன்று தோற்றம் உடைய கண் இமை முடிகள் இருக்க வேண்டும் என்றே பலரும் விரும்புவர்.ஆனால், இயற்கையாகவே எல்லோருக்கும் அப்படி அமைவதில்லை. ஏன் ஒரு சிலருக்கு புருவம் இருக்கிறதா…? இல்லையா…? என்ற அளவுக்கு புருவத்தில் முடிகள் குறைவாக இருக்கும். அதேபோல் தான் கண் இமையின் முடிகளும். அதுபோன்று உள்ளவர்கள் இனி கவலைப்பட வேண்டாம். அவர்களுக்காகவே இயற்கை முறையில் தயாரிக்கப்பட்ட சீரம் உள்ளது. அதனை தொடர்ந்து நாம் பயன்படுத்தி வந்தால் வில் போன்ற அழகான புருவமும், அழகான கண் இமையும் உங்களுக்குக் கிடைக்கும். இந்த இயற்கை முறை சீரத்தை நாமே கூட தயாரிக்கலாம். இதில் எவ்வித கெமிக்கலும் சேர்க்க தேவையில்லை.

​அழகான கண்கள்

நாம் ஒருவரை பார்க்கும் போது முதலில் பார்ப்பது அவரது கண்களைத் தான். மற்றவரின் கண்கள் தான் முதலில் நம்மை ஈர்க்கும். அப்படிப்பட்ட கண்ணின் அழகுக்கு அழகு சேர்ப்பது நமது கண் இமைகளும், புருவங்களும் தான்.

புருவத்தை நீண்டதாகக் காட்டும் பென்சிலைக் கூட இனி நீங்கள் பயன்படுத்த தேவையில்லை. இந்த இயற்கை முறை சீரத்தை பயன்படுத்தினால் போதும். உங்களுக்கு நீளமான மற்றும் கருமையான புருவம், அடர்த்தியான கண் இமை கிடைக்கும். சரி வாங்க இந்த சீரம் எப்படி தயாரிக்கலாம் என்பது குறித்து பார்க்கலாம்.

​ரோஸ்மேரி சீரம்

samayam tamil Tamil News Spot

தேவையான பொருட்கள்

  • ரோஸ்மேரி
  • ஆமணக்கு எண்ணெய்
  • ஒரு கப் தண்ணீர்

எப்படி தயாரிப்பது…?

ஒரு பாத்திரத்தில் ஒரு கப் அளவு தண்ணீரை எடுத்து சூடுபடுத்தவும். அதில் சிறிது ரோஸ்மேரி இலைகளை சேர்க்கவும். அவை உலர்ந்த ரோஸ்மேரி இலைகளாக இருந்தாலும் கூட பரவாயில்லை. ஒரு கப் தண்ணீர் பாதியாக குறையும் வரை தண்ணீரைக் கொதிக்க விடவும். பின்னர் ஆறியவுடன் அதனை வடிகட்டி, அதில் ஆமணக்கு எண்ணெயைக் கலக்கவும். இதனை ஒரு ஜாடியில் சேமித்து வைத்துக் கொண்டு கூட நீங்கள் பயன்படுத்தலாம். இந்த கலவையை கண்ணின் இமை மற்றும் புருவங்களில் பருத்தித் துணியினைக் கொண்டு மெதுவாகத் தடவினால் போதுமானது.

ரோஸ்மேரி மிகச் சிறந்த ஒரு மூலிகைப் பொருள் ஆகும். ரோஸ்மேரியில் இருந்து கிடைக்கும் எண்ணெய் மிக முக்கியமான அத்தியாவசிய எண்ணெய் ஆகும். இது இரத்த ஓட்டத்தை மேம்படுத்த உதவும். அதனால் தான் உங்கள் தலை முடியின் தடிமனை மேம்படுத்த ரோஸ்மேரி மிகச் சிறந்த தேர்வாகும். தலை முடிக்கு மட்டுமின்றி ரோஸ்மேரி, கண் இமை மற்றும் புருவ முடி வளர்ச்சியை மேம்படுத்தவும் உதவுகிறது.

​மிளகுக் கீரை சீரம்

samayam tamil Tamil News Spot

தேவையான பொருட்கள்

  • மிளகுக் கீரை இலைகள்
  • 4 அல்லது 5 சொட்டு ஆலிவ் ஆயில்
  • ஒரு கப் தண்ணீர்

எப்படி தயாரிப்பது…?

ஒரு பாத்திரத்தில் தண்ணீரை எடுத்துக் கொண்டு அதனுடன் மிளகுக் கீரை இலைகளை சேர்த்து கொதிக்க வைக்கவும். பின்னர் அதனுடன் சில துளிகள் ஆலிவ் எண்ணெயைச் சேர்த்து குறைந்த அளவு தீயில் ஐந்து நிமிடம் கொதிக்க விடவும். பின்னர் ஆறியவுடன் அதனை வடிகட்டிக் கொள்ளவும். மேலே ரோஸ்மேரி எண்ணெயை பயன்படுத்துவது போலவே இதனையும் பயன்படுத்தலாம்.

மிளகுக் கீரை கண் இமைகள் மற்றும் புருவங்களின் வளர்ச்சியை மேம்படுத்தக் கூடும். மேலும், மிளகுக் கீரை முடி உதிர்வதைத் தடுக்கும். மிளகுக் கீரையில் இரும்பு, போலேட், பொட்டாசியம் மற்றும் ஒமேகா ஆகியவை நிறைந்துள்ளது. இந்த ஊட்டச்சத்துகள் அனைத்தும் ஆரோக்கியமான முடி வளர்ச்சிக்கு அவசியமான ஊட்டச்சத்துக்கள் ஆகும்.

​கறிவேப்பிலை சீரம்

samayam tamil Tamil News Spot

தேவையான பொருட்கள்

  • கறிவேப்பிலை சில கொத்து
  • வைட்டமின் ஈ எண்ணெய்
  • ஒரு கப் தண்ணீர்

எப்படி செய்யலாம்…?

ஒரு வாணலியில் தண்ணீரைச் சேர்த்து கொதிக்க வைக்கவும், தண்ணீர் கொதிக்க ஆரம்பித்த உடன் அதில் கறிவேப்பிலையை போடவும். கறிவேப்பிலை சேர்த்து 5 முதல் 7 நிமிடங்கள் வரை தண்ணீரை கொதிக்க வைத்து பின்னர் ஆற விடவும். ஆறிய பின் அந்த நீரை வடிகட்டி அதில் வைட்டமின் ஈ எண்ணெய் சில துளிகள் கலக்கவும். இந்த சீரத்தை உங்கள் கண் இமைகள் மற்றும் புருவங்களை சுற்றி தடவவும்.

​கறிவேப்பிலையின் நன்மைகள்

samayam tamil Tamil News Spot

கூந்தல் ஆரோக்கியத்துக்கு மிகச் சிறந்த பொருளாக பலரால் பார்க்கப்படுவது கறிவேப்பிலை தான். ஏனெனில், அவை உங்கள் தலை முடிக்கு நன்மைகளைச் செய்யும் பல்வேறு பண்புகளைக் கொண்டுள்ளன. கறிவேப்பிலை கண் இமைகள் மற்றும் புருவங்களுக்கான முடி வளர்ச்சியை அதிகரிக்கவும், அடர்த்தியான முடி வளர்ச்சிக்கு வழி வகுக்கும். அதில் ஆன்டி ஆக்ஸிடன்ட்கள் நிறைந்துள்ளதால், அவை உங்களுக்கு ஆரோக்கியமான மற்றும் வலுவான முடியைக் கொடுக்க உதவும்.

​சிறந்த பலனைப் பெற

samayam tamil Tamil News Spot

இயற்கை முறை சீரத்தை பயன்படுத்தும் முன் நீங்கள் ஒரு விஷயத்தை நினைவில் வைத்துக் கொள்ள வேண்டும். அதாவது, சிறந்த முடிவுகளைப் பெற நீங்கள் இந்த சீரத்தை ஒரு நாளைக்கு இரண்டு முறை பயன்படுத்த வேண்டும். அல்லது தினமும் தூங்கச் செல்வதற்கு முன்னும் இதனை பயன்படுத்தலாம். இந்த வழிமுறைகளைப் பின்பற்றி அடர்த்தியான வில் போன்ற புருவத்தை இயற்கையாகவே பெற முடியும்.

Thanks for the Source

Share on Social Media

Leave a Reply

Your email address will not be published. Required fields are marked *