Share on Social Media


தாய்ப்பால் குடிக்கும் குழந்தைக்கு தாய்ப்பால் நிறுத்துவதற்கு அம்மாக்கள் பல காரணங்களை சொல்கிறார்கள். தாய்ப்பால் ஊட்டும் போது முலையழற்சி பிரச்சனையின் போது வலி இருக்கலாம். தாய்ப்பால் நிறுத்திய பிறகு இந்த மார்பக வலி ஏன் உண்டாகிறது? இதை எப்படி சரிசெய்வது என்பதை பார்க்கலாம்.

​தாய்ப்பால் நிறுத்த காரணங்கள்

மார்பகத்தில் புண் அல்லது வலிமிகுந்த மார்பகங்கள் தாய்ப்பால் கொடுக்கும் போது அதிகமாக இருந்தால் இளந்தாய்மார்கள் அதிக உபாதையை எதிர்கொள்வார்கள். இதன் விளைவாக முலைக்காம்புகள் மற்றும் வலி மார்பகங்களை பாதிக்க செய்கிறது. அதிகப்படியான வலியால் தாய்ப்பால் ஊட்டுவதை நிறுத்தி விடுகிறார்கள்.

சில நேரங்களில் குழந்தைக்கு தாய்ப்பால் அதிக பற்றாக்குறையாக இருக்கும் போது குழந்தைக்கு ஃபார்முலா பாலை பழகுவதன் மூலம் தாய்ப்பாலை நிறுத்துகிறார்கள்.

பிரசவத்துக்கு பிறகு மாதவிடாய் சீராக வரணுமா, இந்த விஷயத்துல கவனமா இருங்க! பெண்களுக்கானது!

சில தாய்மார்கள் பிரசவத்துக்கு பிறகு உடனடியாக வேலைக்கு செல்லும் போது குழந்தைக்கு தாய்ப்பால் புகட்டுவதை நிறுத்துவதுண்டு.ஏனெனில் எப்போதும் பாலை வெளியேற்றி பதப்படுத்தி கொடுப்பது என்பது சாத்தியமில்லை.

இறுதியாக குழந்தை வளர்ந்த பிறகு திட உணவுகளை முழுமையாக எடுத்துகொண்ட பிறகு ஒன்றரை வயதுக்கு மேல் இருக்கும் குழந்தைக்கு தாய்ப்பாலை நிறுத்துவதுண்டு.

​தாய்ப்பாலை கொடுத்த பிறகு மார்பகத்தில் வலி

samayam tamil Tamil News Spot

தாய்ப்பால் கொடுத்த பிறகு அம்மாக்களின் உடல் சில வாரங்கள் வரை தாய்ப்பால் உற்பத்தி செய்து கொண்டு தான் இருக்கும். அதிகளவு பால் உற்பத்தி செய்யும் மார்பகங்களை கொண்ட அம்மாக்கள் அதன் பிறகும் தாய்ப்பால் சுரப்பை காண்பார்கள்.

இந்த பால் மார்பு குழாய்களில் இருக்கும் போது மேலும் முலையழற்சி உண்டாகும். இவை வலிமிகுந்த மார்பகங்களை உண்டாக்கும். இதனால் மார்பகங்கள் வீக்கமடையக்கூடும். திடீரென்று வலியை உண்டாக்கும்.

​தாய்ப்பாலுக்கு பிறகு மார்பக வலி அறிகுறிகள்

samayam tamil Tamil News Spot

மார்பகங்களில் மீண்டும் மீண்டும் வலி உண்டாகும். திடீரென்று வலி இருக்கும். தாய்ப்பாலால் கடினமான மார்பகங்கள் மார்பகங்களில் கடினத்தன்மை, கனம், காய்ச்சல், சளி, சோர்வு, அதிக காய்ச்சல், பதட்டம், உடல் நலக்குறைவு போன்ற அறிகுறிகள் முலைக்காம்புகள் சிவப்பு, முலையழற்சி காரணமாக மார்பக வலி, மார்பகம் சூடாக இருப்பது, எரியும் உணர்வோடு கடினமாக இருப்பதை உணர்வது என எல்லாமே மார்பக வலிக்கான அறிகுறிகள் தான்.

​தாய்ப்பாலுக்கு பிறகு எவ்வளவு காலம் மார்பக வலி இருக்கும்?

samayam tamil Tamil News Spot

மார்பகத்தில் வலி என்பது ஒவ்வொருவருக்கும் ஒவ்வொருவிதமாக இருக்கலாம். தாய்ப்பால் கொடுக்கும் ஆரம்ப நாட்களில் பல பெண்கள் வலியை கடுமையாக அனுபவிக்கிறார்கள். இது படிப்படியாக குறையக்கூடும். அதே போன்று தாய்ப்பால் நிறுத்திய பிறகு மார்பக வலி குறையவில்லை என்றால் மருத்துவரை அல்லது பாலூட்டும் நிபுணரின் ஆலோசனை எதிர்கொள்ள வேண்டும் .

​தாய்ப்பால் நிறுத்திய பிறகு மார்பக வலி குறைய

samayam tamil Tamil News Spot

தாய்ப்பால் கொடுக்கும் அம்மாக்கள் தாய்ப்பாலை நிறுத்திய பிறகு சூடான வெந்நீரில் குளிப்பதை உறுதி செய்ய வேண்டும். குறிப்பாக மார்பகங்களின் மீது வெந்நீரை மென்மையாக மெதுவாக ஊற்றுவதன் மூலம் மார்பக திசுக்கள் மென்மையாக மாறி திரண்டிருக்கும் பால் வெளிவர உதவும்.மென்மையாக மார்பகத்தை பிழிவதும் கூட வலியிலிருந்து நிவாரணம் அளிக்கும்.

மார்பகங்கள் பால் கட்டியிருந்தால் வலி உண்டாகும் பிரெஸ்ட் பம்ப் கொண்டு பாலை வெளியேற்றலாம். மார்பகங்களை மசாஜ் செய்வதன் மூலம் பால் வெளியேறக்கூடும். பாலூட்டும் நிபுணரின் ஆலோசனையோடு மார்பக மசாஜ் குறித்து அறியலாம்.

பிறந்த குழந்தை எத்தனை முறை மலம் கழிக்கலாம், எது நார்மல், தெரிஞ்சுக்கலாமா?

மார்பகங்களில் ஐஸ்கட்டி ஒத்தடம் கொடுப்பதன் மூலம் வீக்கமும் வலியும் குறைக்கலாம். இந்த நேரத்தில் அதிகமாக நீர் குடிப்பதை உறுதி செய்யவும். இது காய்ச்சலை தவிர்க்க உதவும். மார்பகங்களில் வலி குறைய மருத்துவரின் அனுமதியுடன் வலி நிவாரணி மருந்துகளை பயன்படுத்தலாம்.

முட்டை கோஸ் இலைகளை மார்பகங்களில் வைப்பதன் மூலம் வலி உணர்வு குறைய செய்யும். போதுமான தூக்கமும் அவசியம் இருக்கட்டும்.

Thanks for the Source

Share on Social Media

Leave a Reply

Your email address will not be published. Required fields are marked *