Share on Social Media



பால் பொங்கிய கறை முதல் எண்ணெய் கறை வரை படிந்திருக்கும் அடுப்பை சுத்தம் செய்வது பெரும் தலைவலியாகவே இருக்கும். அதிலும் வேலைக்கு செல்லும் பெண்கள் இந்த வேலை செய்ய சலித்துகொள்ளவே செய்வார்கள். அடுப்பங்கறை அழகாக இருந்தாலும் சமையல் செய்யும் கேஸ் ஸ்டவ் சுத்தமாக இருக்க வேண்டுமே. எண்ணெய் பிசுக்கும், அழுக்கும் படர்ந்திருக்கும் ஸ்டவ்வில் சுத்தமான சமையல் எப்படி சாத்தியமாகும். அதிக பிரயத்தனம் இல்லாமல் உங்கள் கேஸ் ஸ்டவை எப்படி சுத்தம் செய்வது என்பதை பார்க்கலாம்.

​கேஸ் ஸ்டவ் பராமரிப்பு

தினசரி சமையல் செய்து முடித்தவுடன் கேஸ் ஸ்டவ்வை சுத்தம் செய்வதை வழக்கப்படுத்தி கொள்ளுங்கள். ஒவ்வொரு துளி கறைபடிந்தாலும் அது நாளடைவில் அதிகமான பிசுக்கை தேக்கி வைக்கும்.

உங்க வீட்ல இருக்கிறது, கார மிளகா ? கருப்பட்டி கலந்த இனிப்பு மிளகா ? தெரிஞ்சுக்கங்க இல்லத்தரசிகளே!

அதனால் ஒவ்வொரு முறை சமையலுக்கு பிறகும் நீங்கள் அடுப்பு மேல் துடைக்க வேண்டும். இதை செய்து வந்தாலே எண்ணெய் பிசுக்கு அதிகம் இருக்காது. இப்போது அதிகம் எண்ணெய் பிசுக்கும் அழுக்கும் கொண்டுள்ள கேஸ் ஸ்டவ்வை எப்படி சுத்தம் செய்வது என்று பார்க்கலாம்.

​பேக்கிங் சோடா

samayam tamil Tamil News Spot

தேவை

பேக்கிங் சோடா – 2 டீஸ்பூன்

டிஷ்யூ பேப்பர்

வெந்நீர்

மெல்லிய துணி

ஸ்டவ்வின் மீது முதல் அடுக்காக பேக்கிங் சோடாவை பயன்படுத்துங்கள். காகித துண்டு அல்லது கை துண்டு சூடான வெந்நீரில் ஊறவிடுங்கள். பிறகு துண்டை பிழிந்து நீரை வெளியேற்றி பேக்கிங் சோடாவின் மேல் வைக்கவும். 15 நிமிடங்கள் கழித்து ஸ்டவ்வின் மீது துணியால் கவனமாக சுத்தம் செய்யவும். அடுப்பின் மீது இருக்கும் சமையல் எச்சம் வரை சுத்தம் செய்து ஸ்டவ்வை பளிச்சென்று வைக்கும்.

​வினிகர்

samayam tamil Tamil News Spot

கண்ணாடி அடுப்பை சுத்தம் செய்ய விலை உயர்ந்த பொருள்கள் தேவையில்லை. தீங்கு விளைவிக்கும் இராசயனங்களும் பயன்படுத்த வேண்டியதில்லை. கையில் வைத்திருக்கும் பொருள்களை பயன்படுத்தலாம்.

வெள்ளை வினிகர்

தண்ணீர்

ஸ்ப்ரே பாட்டில்

மெல்லிய துணி

1: 2 என்னும் விகிதத்தில் ஸ்ப்ரே பாட்டிலில் வினிகர் மற்றும் தண்ணீர் சேர்க்கவும். இதை அடுப்பின் மேல் தெளித்து மெல்லிய துணியால் சுத்தம் செய்யவும். வினிகர் கண்ணாடி அடுப்பின் மீது இருக்கும் கறைகளை தளர்த்த உதவுகிறது. அடுப்பை பளிச் என்று வைக்க செய்கிறது.

​பிளேடு அல்லது முனை தட்டையான கத்தி

samayam tamil Tamil News Spot

எண்ணெய்பிசுக்கு உருண்டையாக திரண்டு அடுப்பின் மீது தேங்கியிருந்தால் உங்களுக்கு பிளெடு தான் சிறந்த வழியாக இருக்கும். அதிலும் நீண்ட நாட்களாக அடுப்பை கவனியாது இருக்கும் போது பிளேடு கொண்டு சுத்தம் செய்வதுதான் சிறந்த வழி

பிளேடு

ஈரமான துண்டு

ஸ்டவ் மீது எண்ணெய் பசையோடு உணவு எச்சங்களும் ஒட்டியிருக்கும். இறுகி இருக்கும் எண்ணெய்பிசுக்குக்கு இந்த முறை உதவும். முதலில் ஈரமான துண்டால் ஸ்டவ் முழுக்க தடவி பிறகு பிளேடால் மென்மையாக கீறல் விடாமல் அழுக்கை சுரண்டி எடுக்கவும். பிறகு ஈரமான துணியில் துடைத்து எடுக்கவும்.

பிறகு சோப்பு டிஷ்வாஷ் கொண்டு துடைத்து எடுக்கவும். முதல் முறையில் இவை சுத்தமாகாது என்றாலும் வாரத்தில் இரண்டு முறை செய்து வந்தால் இது சுத்தமாகும்.

​விடாப்பிடியான கறையை போக்க

samayam tamil Tamil News Spot

கேஸ் ஸ்டவ்வில் கசிந்திருக்கும் அழுக்குகள் மாசக்கணக்காக இருந்தால் அதை சுத்தம் செய்வது மிக மிக கடினம், ஆனால் சற்று பிரயத்தனம் செய்தால் அடுப்பை எளிதாக சுத்தம் செய்து விடலாம்.

சற்று சூடான நீர் – தேவைக்கு

சிறிய பாத்திரம்

டிஷ்வாஷ் லிக்விட்

வினிகர்

பேக்கிங் சோடா

பழைய டூத் பிரஷ்

ஸ்பான்ஞ்

கேஸ் ஸ்டவ்விலிருந்து பர்னர், வளையங்கள், தட்டுகள் அனைத்தையும் தனியாக எடுக்கவும். உங்கள் அடுப்பில் பர்னர் பகுதி தனியாக எடுப்பதாக இருந்தால் அதை அப்படியே அப்புறப்படுத்தி விடலாம்.

இப்போது சிறிய வாளியில் வெந்நீர் அதில் 2 டீஸ்பூன் டிஷ்வாஷ் லிக்விட், சேர்க்கவும். இதை அடுப்பு மீது தெளிக்கவும். எல்லா இடங்களிலும் பரவட்டும். சிறிது நேரம் கழித்து துணியால் துடைக்கவும். பிறகு வினிகர் மற்றும் பேக்கிங் சோடாவை கலந்து சம அளவு தண்ணீரில் கலக்கி ஸ்ப்ரே பாட்டிலில் ஊற்றி தெளிக்கவும்.

வீடு முழுக்க கொசு தொல்லையா? விரட்டி அடிக்க இதை செய்யுங்க போதும்!

சோடா மற்றும் வினிகர் இரண்டும் எண்ணெய் பசையை வெளியேற்றும். பிறகு டூத் பிரஷ்ஷால் அந்த இடத்தை சுத்தம் செய்தால் எண்ணெய் பிசுக்கு திரண்டு வெளியேறும். இப்போது ஸ்பான்ஞ் வைத்து நன்றாக துடைத்து எடுக்கவும். இதே போன்று பர்னர், தட்டுகள், வளையங்கள் போன்றவற்றையும் கழுவி எடுக்கவும். அனைத்து அழுக்குகளையும் எடுத்த பிறகு சுத்தமாக கழுவி உலர வைத்து எடுத்தால் புதிய கேஸ் ஸ்டவ்வில் முகமே பார்க்கலாம்.



Source link

Share on Social Media

Leave a Reply

Your email address will not be published. Required fields are marked *