Share on Social Media

ஹைலைட்ஸ்:

  • கருப்பை தளர்வாக இருக்கும் போது அதிகமான பணி செய்வது, கடினமான உடற்பயிற்சி செய்வது
  • நம் முன்னோர்கள் நல்லெண்ணெய் கொடுக்கும் வழக்கத்தை கடைப்பிடித்தார்கள். இதனால் மலக்குடலில்


நமது முன்னோர்கள் பெண்கள் மாதவிடாய் நாட்களை எதிர்கொள்ளும் போது அவர்களை தனியாகவே வைத்திருப்பார்கள். அவர்கள் சாப்பிட, தண்ணீர் குடிக்க என தனித்தனி பாத்திரங்கள் இருக்கும். அவர்கள் படுக்கையும் தனியாக இருக்கும். அவர்களை மூன்று நாட்கள் வரை ஓய்வாகவே வைத்திருப்பார்கள். இதற்கு காரணம் தீட்டு என்பதால் அல்ல.

இயல்பாகவே இந்த நாட்களில் பெண்களுக்கு நோய் எதிர்ப்பு சக்தி குறைவாக இருக்கும் என்பதால் தான் என்கிறார் சித்த மருத்துவர் உஷா நந்தினி அவர்கள். மேலும் பெண்கள் மாதவிடாய் காலத்தில் எப்படி நடந்துகொள்ள வேண்டும். எது பாதுகாப்பான ஆரோக்கியம் என்பது குறித்தும் குறிப்புக்களை தருகிறார்.

மாதவிடாய் நாட்களில் இயல்பாகவே பெண்களுக்கு எதிர்ப்பு சக்தி குறைவாக இருக்கும். அப்போது அவர்கள் வெளியே செல்லும் போது, தொற்றுநோய் இருப்பவர்களிடம் பழகினால் அவர்களுக்கும் எளிதாக பரவக்கூடும். அதனால் தான் இந்த நாட்களில் பெண்களை நம் முன்னோர்கள் தனிமைப்படுத்தி வைத்திருந்தார்கள்.

டீன் ஏஜ் பெண்கள் மாதவிடாய் நாளில் மென்சுரல் கப் பயன்படுத்தலாமா? பாதிப்பு உண்டாகுமா?

உடல் ரீதியாக இந்த நாட்களில் பெண்களின் கருப்பை இலகுவாக இருக்கும். கருப்பை சார்ந்த உறுப்புகள் தளர்வாக இருக்கும். கருப்பை தளர்வாக இருக்கும் போது அதிகமான பணி செய்வது, கடினமான உடற்பயிற்சி செய்வது, அதிக எடையை தூக்குவது என எல்லாமே தளர்ந்திருக்கும் கருப்பையை அந்த இடத்தை விட்டு மாற்ற செய்யும். ஆனால் தற்போதைய காலத்தில் பெண்கள் மாதவிடாய் நாட்களில் இதை ஃபாலோ செய்வதில்லை.

அடுத்தது மாதவிடாய் ருது நாட்களில் உணவு முறைகளை மாற்றி கொடுக்க வேண்டும். ஏனெனில் இந்த காலத்தில் உடல் மற்றும் மனம் இரண்டும் ஆரோக்கியமாக வைத்திருக்கும் உணவுகளை எடுத்துகொள்ள வேண்டும். உளுந்தங்களி, எள்ளு உருண்டை,, கடலை உருண்டை, பொட்டுக்கடலை உருண்டை, வெந்தயங்களி, கீரைகள், சிறு தானிய உணவுகள், சிவப்பு அரிசி போன்றவற்றை தருவதன் மூலம் உடல் மனம் இரண்டும் ஆரோக்கியமாக இருக்கும்.

மாதவிடாய் ருது உதிரபோக்கு வெளியேறுவதை தாங்கும் நாப்கின் ஆக இருந்தாலும் துணியாக இருந்தாலும் அதை சரியான இடைவெளியில் சரியான முறையில் பயன்படுத்த வேண்டும். சுகாதாரமான முறையில் இதை கடைப்பிடிக்க வேண்டும். பெண் பிள்ளைகளிடம் இதை கண்டிப்பாக அம்மாக்கள் கற்றுத்தரவேண்டும்.

எண்ணெய் நிறைந்த உணவுகள் எடுத்துகொள்ளும் போது அது உடலில் நல்ல கொழுப்பை கட்டுப்படுத்தி கெட்டகொழுப்பை அதிகரிக்க செய்யும். இதனால் ஹார்மோன் ஏற்றத்தாழ்வுகள் உண்டாகும். உடலில் ஈஸ்ட்ரோஜன் ,பிரஜெஸ்ட்ரோன் ஹார்மோன்கள் சமநிலையை அடையும். இது கருப்பை பிரச்சனையை அதிகரிக்கும்.

குறிப்பாக கருமுட்டை வளரக்கூடிய இந்த முக்கியமான ஐந்து நாட்கள் மன அழுத்தமோ, மன பதட்டமோ அடையும் போது ஆரோக்கியமான கருவளர்ச்சியாக இருக்காது. குழந்தைப்பேறை எதிர்நோக்கும் தம்பதியர் கருவுறுதல் எதிர்பார்க்கும் நேரத்தில் மாதவிடாய் நாட்களை சந்தித்தால் அந்த நாட்களில் மன அழுத்தமோ பதட்டமோ அடையக்கூடாது என்று நான் சொல்வதுண்டு.மாதவிடாய் காலத்தில் சங்கோஜமா, சங்கடமோ படக்கூடாது.

மாதவிடாய் நாட்களில் கால்சியம் சத்து

மாதவிடாய் நாட்களில் அதிக கார்போஹைட்ரேட் நிறைந்த உணவுகளை இந்த நாட்களில் தவிர்க்க வேண்டும். ஏனெனில் இது உடல் பருமனை உண்டாக்கும். சில அம்மாக்கள் பெண் பிள்ளைகள் அதிக சத்தை பெற வேண்டும் என்று அதிக உணவுகளை கொடுப்பார்கள். இதுவயிற்றுப்பகுதியில் அதிக தசையை உண்டாக்கும். இவை கருப்பையை அழுத்தும் போது அது இன்னும் வலியையும் அசெளகரியத்தையும் கொடுக்கும்.

கருப்பையும் மலக்குடலும் அருகருகில் இருப்பதால் மலச்சிக்கல் பிரச்சனையும் இக்காலத்தில் உண்டாகும். மாவுச்சத்து அதிகம் எடுக்கும் போது மலச்சிக்கல் வரலாம். அதோடு மலச்சிக்கல் இருக்கும் போது கருப்பையில் இருக்கும் கெட்ட ரத்தம் முழுமையாக வெளியேறாமல் தங்கிவிடக்கூடும். நம் முன்னோர்கள் நல்லெண்ணெய் கொடுக்கும் வழக்கத்தை கடைப்பிடித்தார்கள். இதனால் மலக்குடலில் கழிவுகள் வெளியேற்றப்பட்டு சுத்தமானதால் கருப்பையில் இருக்கும் கெட்ட ரத்தமும் வெளியேறியது.

மாதவிடாய் நாள் வலியை குறைக்கும் ஆயுர்வேத தேநீர், தயாரிப்பும் பயன்களும்! உடனே ட்ரை பண்ணுங்க!

மாதவிடாய் நாட்களில் வைட்டமின் சப்ளிமெண்ட் உணவு என்றால் கீரைகள், காய்கறிகள் அதிகம் சேர்க்க வேண்டும். ஏனெனில் இது ஃபோலிக் அமிலம், இரும்புச்சத்தும், வைட்டமின் பி6, பி 12 போன்ற தேவையான சத்துகள் கிடைக்கும். இதனால் அவர்களுக்கு தேவையான ஹார்மோன் உதவி கிடைப்பதோடு உதிரம் முழுமையாக வெளியேறுகிறது.

வெந்தயம் சேர்ப்பதன் மூலம் வலி குறையும் என்கிறார்கள். ஆனால் வெந்தயம் உஷ்ணத்தை தணிக்கும். ஒரு நாள் எடுக்கலாம். தொடர்ந்து எடுத்தால் வெந்தயம் புரலாக்டின் என்னும் ஹார்மோனை தூண்டும். இதனால் உதிரம் முழுமையாக வெளியேறாமல் போகலாம். சில பெண் பிள்ளைகளுக்கு கால் வலி தசைப்பிடிப்பு, கால் இழுத்து பிடிப்பது போன்ற பிரச்சனைகள் இருக்கலாம்.

அப்போது கால்சியம் சத்து தேவைப்படும். அதை ஈடு செய்ய கேழ்வரகு புட்டு, அடை, பனைவெல்லம் சேர்த்த பானகம் போன்றவற்றை கொடுக்கலாம். பெண் பிள்ளைகள் பன்னீர் சீஸ் போன்றவற்றை இந்த நாட்களில் எடுத்துகொண்டால் மன ஆரோக்கியம், உடல் ஆரோக்கியம் கெடுவதோடு அடுத்தடுத்த மாதவிடாய் சுழற்சி பாதிக்கப்படலாம்.

இந்த ஐந்து நாட்களில் கார்போஹைட்ரேட் தவிர்த்து புரதம் நிறைந்த சுண்டல், நார்ச்சத்து உணவுகள், வேர்க்கடலை வேகவைத்த உணவுகள், சிறுதானிய உணவுகள் போன்றவற்றை கொடுக்க வேண்டும். அப்படி கொடுத்தால் அவர்கள் கருவளர்ச்சி ஆரோக்கியமாக இருக்கும். அதோடு அடுத்த தலைமுறையும் ஆரோக்கியமான உடல் மனம் வளர்ச்சி பெறுவார்கள் என்கிறார் சித்த மருத்துவர் உஷா நந்தினி.

Thanks for the Source

Share on Social Media

Leave a Reply

Your email address will not be published. Required fields are marked *