Share on Social Media


​கர்ப்பகாலத்தில் மது அருந்துவது பாதுகாப்பானதா?

ஆல்கஹால் டெரடோஜென் என்று அழைக்கப்படுகிறது. இது தீங்கு விளைவிக்கும் பொருள். அதனால் கர்ப்பகாலத்தில் மது அருந்துவது பாதுகாப்பானது அல்ல. கருவுற்றதை அறியாத நிலையில் முதல் வாரத்தில் அறியாமல் அளவோடு மதுகுடித்தால் அவை பாதிப்பை உண்டாகாது.

Fever Remedies : குழந்தைக்கு காய்ச்சல் வந்தால் அம்மாக்கள் உடனடியாக என்ன செய்ய வேண்டும்?

எனினும் முதல் மாதத்தில் மது அருந்துவதும் கர்ப்பம் முழுவதும் தொடர்ந்து குடிப்பதும் ஆபத்தானது. குறிப்பாக முதல் மூன்று மாதங்களில் மதுப்பழக்கம் கொண்டிருந்தால் அது கருவுக்கு மிகப்பெரிய ஆபத்தை உண்டாக்குகிறது.

​எவ்வளவு மது நுகர்வு வரை ஆபத்தில்லாதது?

samayam tamil Tamil News Spot

கர்ப்பகாலத்தில் பாதுகாப்பான அளவு இதுதான் என்று எந்த ஆய்வுகளும் இல்லை. மகப்பேறியல் மற்றும் மகப்பேறு மருத்துவ இதழில் வெளியிடப்பட்ட 5628 பெண்கள் மீதான சமீபத்திய ஆய்வில் ஆரம்பகால கர்ப்பகாலத்தி சிறிய அளவு ஆல்கஹால் தாய் மற்றும் குழந்தைக்கு ஆபத்தை ஏற்படுத்தவில்லை என்பதை காட்டுகிறது.

ஆய்வில் பங்கேற்றவர்கள் வாரத்துக்கு மூன்று முதல் ஏழு கிளாஸ் (355 மில்லிக்கு குறைவான பீர்) வரை எடுத்துகொண்டதாக தெரிவித்தார்கள். எப்போதாவது மது அருந்துவது பரவாயில்லை என்றாலும் தீங்கு விளைவிக்கும் அளவு தெரியவில்லை என்பதால் கர்ப்பிணி பெண்கள் மதுவை தவிர்ப்பதே நலல்து.

​ஆல்கஹால் குழந்தைக்கும் தாய்க்கும் என்ன பாதிப்பை உண்டாக்குகிறது?

samayam tamil Tamil News Spot

கர்ப்பமாக இருக்கும் போது மது குடிப்பதால் மெட்டபாலிசம் குறைகிறது. இது அதிக அளவு இரத்த ஓட்டத்தில் நுழைந்து நஞ்சுக்கொடி வழியாக குழந்தைக்கு செல்கிறது.

தாய்க்கு உண்டாகும் சேதங்கள்

முன்கூட்டிய பிரசவம்

தாய்ப்பால் உற்பத்தி குறைவு

தன்னிச்சையான கருக்கலைப்பு ஆபத்து முதல் மூன்று மாதங்களில் அதிகரிக்கிறது. இது வழக்கமாக இருப்பவர்களை காட்டிலும் 4 மடங்கு அதிகரிக்கலாம்.

மதுபானம் நீண்ட நேரம் உடலில் இருக்கும்.

கருவின் அமைப்பில் உள்ள ஆல்கஹால் போதுமான ஊட்டச்சத்துக்கள் மற்றும் ஆக்ஸிஜனை வளரும் முக்கிய உறுப்புகளுக்கு செல்வதை தடுக்கிறது. மேலும் கருவின் ஸ்பெக்ட்ரம் கோளாறுகள் கரு ஆல்கஹால் நோய்க்குறி உண்டாக்கலாம்.

ஆல்கஹால் தொடர்பான பிறப்பு குறைபாடுகள், நரம்பியல் வளர்ச்சிக்கோளாறுகள் மற்றும் நரம்பியல் நடத்தை கோளாறுகள் போன்றவற்றை உள்ளடக்கியது. இந்த பாதிப்பு இருந்தால் பிறக்கும் குழந்தை

அசாதாராண முக அம்சங்கள் கொண்டிருக்கலாம்.

சிறிய தலை அளவு மற்றும் சராசரி உயரத்தை விட சிறியதாக இருக்கும்.

கற்றல் குறைபாடுகள்

பேச்சு மற்றும் மொழி தாமதங்கள்

குறைந்த ஐக்யூ திறன் போன்ற பிரச்சனைகளை எதிர்கொள்வார்கள்.

கர்ப்பத்தின் முதல் மூன்று மாதங்களுக்கு பிறகு ஆல்கஹால் பழக்கம் கொண்டிருக்கலாமா? என்று கேட்கலாம். ஆனால் அது இன்னும் ஆபத்தை உண்டாக்கும். கர்ப்பகாலம் முழுவதும் குழந்தையின் முளை வளர்ச்சியடைந்து மூன்றாவது மூன்று மாதங்களின் முடிவை நெருங்கும் போது கூட அது பாதுகாப்பான காலம் இல்லை.

முதல் மூன்று மாதங்களில் குடிப்பது அசாதாரண்மான முக அம்சங்களையும், கர்ப்பத்தின் இறுதி மூன்று மாதங்களில் வளர்ச்சி மற்றும் மத்திய நரம்பு மண்டல பிரச்சனைகள் உண்டாக்குகின்றன.

​ஆல்கஹால் அல்லாத பீர் மற்றும் ஒயின் குடிக்கலாமா

samayam tamil Tamil News Spot

ஆல்கஹால் அல்லாத பீர் மற்றும் ஒயின் போன்ற பானங்களும் ஏற்கத்தக்கதல்ல இந்த பானங்களில் சிறிய அளவில் ஆல்கஹால் உள்ளது. இது அரை சதவீதம் அல்லது அதற்கு மெல் இருக்கும். வழக்கமான மதுபானங்களில் 8% க்கும் அதிகமான ஆல்கஹால் உள்ளது.

அதிக அளவு உட்கொள்ளும் போது இந்த பானங்களில் சிறிய சதவீதம் அதிகரித்துவிடும். அதனால் மதுவை தவிர்க்க வேண்டும் என்று விரும்பினால் மது அல்லாத எந்த பானத்தையும் கூட தவிர்க்க வேண்டும்.

​கர்ப்பகாலத்தில் குடிப்பதை எப்படி தவிர்ப்பது

samayam tamil Tamil News Spot

வழக்கமாக மது அருந்தும் பெண்கள் கர்ப்பமாக இருக்க விரும்பினால் அல்லது கர்ப்பத்தை உணர்ந்தால் குடிப்பதை நிறுத்த வேண்டும். இந்த பழக்கத்திலிருந்து விடுபட நேரம் ஆகலாம் எனினும் சில குறிப்புகள் உங்களுக்கு உதவும்.

கர்ப்ப காலத்திலேயே வயிற்றில் ஸ்ட்ரெச் மார்க் விழுவதை தடுக்க என்ன செய்யணும்? எப்படி சருமத்தை பார்த்துக்கணும்?

எப்படி படிப்படியாக குடிப்பழக்கத்தை குறைக்கலாம் என்று திட்டமிடுங்கள். தேவைப்பட்டால் ஆலோசகரை அணுகுவதும் நலல்து.ஒவ்வொரு முறை குடிக்கும் போது அளவை மிக மிக குறைந்ததாக மாற்றுங்கள். பானத்தின் வலிமைய குறைத்து குறைந்த ஆல்கஹால் கொண்ட பீர் அல்லது ஒயின் சிறிய அளவில் சேருங்கள். தவிர்க்கவே முடியாதவர்கள் இதை செய்யலாம்.

மதுவுக்கு மாற்றாக உங்களுக்கு பிடித்த வேறு பானங்களுக்கு மாறலாம். ஆல்கஹால் இல்லாத மாக்டெயில் செய்யலாம். விருந்தில் ஆப்பிள் அல்லது திராட்சைப்பழச்சாறு குடிக்கலம். கார்பனேட்டட் அல்லாத பானங்கள் மற்றும் மில்க் ஷேக்குகள் சாப்பிடலாம்.



Source link

Share on Social Media

Leave a Reply

Your email address will not be published. Required fields are marked *