Share on Social Media


பிறக்கும் குழந்தைகளில் ஐந்தில் 3 பேருக்கு பிறப்பதற்கு முன்னரே காது தொற்று உண்டாகலாம் என்று தேசிய காது கேளாமை மற்றும் பிற தொடர்பு கோளாறுகள் தெரிவிக்கின்றன.

காது மூக்கு மற்றும் தொண்டையை இணைக்கிறது. காது நோய்தொற்றுகள் குளிர்ச்சியால் வரக்கூடியது. பொதுவாக பாக்டீரியா அல்லது வைரஸ்கள் இதற்கு காரணமாகிறது. நோய்த்தொற்று யூஸ்டாச்சியன் குழாயின் வீக்கத்தை உண்டாக்குகிறது.

குழாய் சுருங்குவதால் திரவம் காதுகுழலின் பின்னால் உருவாகிறது. இது அழுத்தம் மற்றும் வலியை உண்டாக்குகிறது. குழந்தைகளுக்கு பெரியவர்களை விட குறுகிய மற்றும் குறுகலான யூஸ்டாச்சியன் குழாய்கள் உள்ளன.

அதனால் பாதிப்பு அதிகமாகிறது. காதில் தொற்று பாதித்த குழந்தைக்கு உதவும் எளிமையான வீட்டு வைத்தியங்கள் குறித்து பார்க்கலாம்.

​ஒத்தடம்

குழந்தையின் காது, காதை சுற்றியுள்ள பகுதியில் இளசூடான அல்லது குளிர்ந்த நிலையில் ஒத்தடம் கொடுப்பது வலியை குறைக்க கூடும்.

பிரசவ வலியை குறைக்கும் முடக்கறுத்தான் பற்று, பிரசவமும் எளிதாக்கும்!

எப்படி கொடுப்பது

மெல்லிய பருத்தி துணியை இளஞ்சூடான நீரில் நனைத்து தண்ணீரை பிழிந்து குழந்தையை ஒருக்களித்து படுக்க வைத்து இரண்டு புற காதுகளிலும் வைத்து எடுக்கவும். இதே போன்று குளிர்ந்த நீரிலும் துணியை நனைத்து காதுகளில் ஒத்தடம் கொடுக்கலாம். தொடர்ந்து ஒரு வாரம் வரை இதை செய்து வரலாம். குழந்தைக்கு காது வலி ஓரளவு நீங்கும்.

​சூடான எண்ணெய்

samayam tamil Tamil News Spot

குழந்தை காது வலியால் மட்டுமே அவதிப்படுகிறார்கள். குழந்தையின் காதில் இருந்து எந்த திரவமும் வெளியேறவில்லை மேலும் காது குழல் இல்லாத நிலையில் சில துளி எண்ணெய் விடவேண்டும்.

ஆலிவ் அல்லது நல்லெண்ணெய் இதை இலேசாக சூடு செய்து இறக்கி குளிரவைத்து பாதிக்கப்பட்ட பகுதியில் தடவி விடலாம்.

​குழந்தையை நீரேற்றமாக வைத்திருங்கள்

samayam tamil Tamil News Spot

குழந்தை தாய்ப்பாலை குடிப்பதாக இருந்தால் அவ்வபோது தாய்ப்பால் கொடுத்துகொண்டே இருங்கள். குழந்தைகள் விழுங்கும் போது அது யூஸ்டாச்சியன் குழாயை திறக்க உதவும். இதனால் உள்ளிருக்கும் திரவம் வெளியேறி வலியை குறைக்கும்.

அதே போன்று குழந்தை திரவ உணவுடன் திட உணவுகளயும் பழகினால் திரவ ஆகாரங்கள் அதிகம் சேருங்கள். குழந்தை விழுங்க விழுங்க பலன் கிடைக்கும். ஏனெனில் காது தொண்டை மற்றும் மூக்குடன் தொடர்பு கொண்டுள்ளது.

​குழந்தையை உயரமாக படுக்க வையுங்கள்

samayam tamil Tamil News Spot

குழந்தைக்கு காதுவலி காதில் சீழ் வடிதல் போன்றவை இருந்தால் குழந்தையை தூங்க வைக்கும் போது படுக்கையில் சமமாக கிடத்த வேண்டாம். குழந்தையின் தலையை உயரமாக வைத்து படுக்க வைக்க வேண்டும். இதனால் சைனஸ் வடிகால் மேம்படும். குழந்தையின் தலைக்கு கீழ் தலையணைகள் வைக்க வேண்டாம்.

மாறாக குழந்தையை படுக்க வைக்கும் மெத்தைக்கு கீழ் ஒன்று அல்லது இரண்டு மென்மையான உயரம் குறைந்த தலையணை பயன்படுத்துவதன் மூலம் காது வலி குணமாகும். தொற்று பரவாமல் தடுக்கப்படும்.

​காது தொற்றுநோயை தடுக்க

samayam tamil Tamil News Spot

காது தொற்றுநோயை தடுக்க முடியாது என்றாலும் குழந்தைக்கு அபாயம் அதிகரிக்காமல் இருக்க சில முன்னெச்சரிக்கை நடவடிக்கை உண்டு. தாய்ப்பால் முடிந்தால் ஆறு முதல் 12 மாதங்கள் வரை குழந்தைக்கு தாய்ப்பால் கொடுங்கள். பாலில் உள்ள ஆண்டி பாடிகள் உங்கள் குழந்தையை காது தொற்றிலிருந்து பாதுகாக்க செய்யும்.

குழந்தைக்கு பாட்டிலில் பால் கொடுத்தால் அவர்களது தலையை உயர்த்தி அரை நிமிர்ந்த நிலையில் வைத்திருங்கள். குழந்தையை அதிக வெயிலிலும் அதிக குளிரிலும் நேரடியாக எடுத்து செல்ல வேண்டாம்.

குழந்தையின் கைகளை சுத்தமாக வைத்திருப்பதன் மூலம் குழந்தையின் கைகள் காதுகளில் வைக்கும் போது கிருமிகள் உள்ளே போகாமல் தடுக்க முடியும். வீட்டு வைத்தியம் செய்த பிறகும் குழந்தைக்கு காது வலி குறையாமல் அதிகரித்தால் தாமதிக்காமல் மருத்துவரை அணுகுங்கள்.

​குழந்தைக்கு காது தொற்று என்பதற்கான அறிகுறிகள்

samayam tamil Tamil News Spot

குழந்தைக்கு காது வலி என்பதற்கான அறிகுறிகள் பலவும் உண்டு. காதுகளுக்குள் எரிச்சல், குழந்தை காதை பிடித்து இழுபது. பசியின்மை, குழந்தை தூங்குவதில் சிக்கல், காதுகளிலிருந்து வெளியேறும் திரவம், காது தொற்று, குழந்தை காதை பிடித்து அழுவது, காதில் சீழ்வடிவது என எல்லாமே காது தொற்றுக்கான அறிகுறிகள் ஆகும். இந்த அறிகுறிகளை தொடர்ந்து கவனித்தால் குழந்தையின் காதை பிடித்து இலேசாக இழுத்து விடுங்கள்.

குழந்தைக்கு அஜீரணக்கோளாறு : அறிகுறிகள், காரணங்கள், வீட்டு வைத்திய முறைகள்!

குழந்தையின் காதை மென்மையாக அழுத்துங்கள். அப்போது குழந்தை வீல் என்று அலறினால் அது குழந்தையின் காது தொற்றால் இருக்கலாம். அந்த நிலையில் நீங்கள் செய்ய வேண்டிய விஷயங்கள் என்ன என்பதை பார்க்கலாம்.

Thanks for the Source

Share on Social Media

Leave a Reply

Your email address will not be published. Required fields are marked *