Share on Social Media


ஹைலைட்ஸ்:

  • தென்னாப்பிரிக்கா நாடுகளுக்கு பயணத் தடை விதித்துள்ளன உலக நாடுகள்
  • உலக நாடுகள் தங்களது எல்லைகளை மூடி கடுமையான கட்டுப்பாடுகளை அமல்படுத்தி வருகின்றன

தென் ஆப்பிரிக்காவில் தோன்றியுள்ள புதிய வகை பி.1.1.529 ஒமைக்ரான் வைரஸ் பெரும்கவலையை ஏற்படுத்தியுள்ளது. மேலும் இந்த புதிய வகை வைரஸுக்கு எதிராக தற்போது பயன்படுத்தப்பட்டு வரும் தடுப்பூசிகள் குறைவான செயல் திறனைத் தான் கொண்டிருக்கும் எனவும் விஞ்ஞானிகள் சிலர் தெரிவித்துள்ளதால் அச்சம் ஏற்பட்டுள்ளது.

தென் ஆப்பிரிக்க நாடுகளில் பரவ ஆரம்பித்த இந்த ஒமைக்ரான், தற்போது பிரிட்டன், ஜெர்மனி உள்ளிட்ட நாடுகளுக்கும் பரவியுள்ளதாக கூறப்படுகிறது. இதனால், உலக நாடுகள் பலவும் தென் ஆப்பிரிக்க நாடுகளுக்கு பயணம் மேற்கொண்டவர்களுக்கு பயண தடையை விதித்துள்ளது. பிரிட்டன், அமெரிக்கா, இஸ்ரேல் உள்ளிட்ட நாடுகள் தென்னாப்பிரிக்கா நாடுகளுக்கு பயணத் தடை விதித்துள்ளது. பல்வேறு நாடுகள் தங்களது எல்லைகளை மூடி கடுமையான கட்டுப்பாடுகளை அமல்படுத்தி வருகின்றன.

தமிழகத்தை பொறுத்தவரை ஒமைக்ரான் வகை கொரோனாவை தடுக்க கண்காணிப்பை தீவிரப்படுத்த மாவட்ட ஆட்சியர்களுக்கு தமிழக அரசு உத்தரவிட்டுள்ளது. இந்தியாவில் இதுவரை யாரும் ஒமைக்ரான் வைரஸால் பாதிக்கப்படவில்லை என்று தெரிவிக்கப்படுகிறது. இருந்தபோதிலும் பரவாமல் இருப்பதற்கான முன்னெச்சரிக்கை நடவடிக்கைகளை மத்திய அரசு மேற்கொண்டு வருகிறது. மேலும், மக்களை எச்சரிக்கையாக இருக்குமாறும் மாநில அரசுகளுக்கு மத்திய அரசு உத்தரவிட்டுள்ளது.
மீண்டும் ஊரடங்கு: புதிய வகை வைரஸ் தொற்றால் அரசு முடிவு!
ஆனாலும், தென் ஆப்பிரிக்காவில் இருந்த வந்த ஒருவருக்கு கொரோனா அறிகுறிகள் இருப்பதாக கண்டறியப்பட்டுள்ளது. அவருக்கு ஒமைக்ரான் பாதிப்பு இருக்கிறதா என்பது பற்றிய ஆய்வுக்கு அவரது மாதிரிகள் அனுப்பி வைக்கப்பட்டுள்ளது. மேலும், இந்தியாவில் தயாரிக்கப்பட்ட தடுப்பூசிகளுடன் ஆப்பிரிக்காவில் பாதிக்கப்பட்ட நாடுகளுக்கு ஆதரவளிக்க தயாராக உள்ளது மத்திய அரசு தெரிவித்துள்ளது.

அச்சுறுத்தும் ஒமைக்ரான்.. அறிகுறிகள் என்ன? மருத்துவர் ராஜாமணி கருணாநிதி

இந்த நிலையில், ஹாங்காங் நாட்டில் ஒமைக்ரான் வைரஸ் மூன்று பேருக்கு உறுதி செய்யப்பட்டுள்ளதாக தகவல்கள் வெளியாகியுள்ளன. இதையடுத்து, அந்நாட்டில் கடுமையான கட்டுப்பாடுகள் விதிக்க அந்நாட்டு அரசு ஆலோசனை மேற்கொண்டு வருவதாக தெரிகிறது.



Source link

Share on Social Media

Leave a Reply

Your email address will not be published. Required fields are marked *