Share on Social Media


நம்மில் பெரும்பாலனோர் வாய்வழி சுகாதாரத்தை கடைபிடிப்பதே இல்லை. ஆனால் வாய்வழி சுகாதாரம் என்பது மிக முக்கியமான ஒன்றாகும். உப்பு, வெதுவெதுப்பான நீர், தேங்காய் எண்ணெய், அத்தியாவசிய எண்ணெய்கள் மற்றும் பேக்கிங் சோடா போன்றவற்றில் உள்ள கிருமி நீக்கும் தன்மை பற்களில் உள்ள அழுக்குகளையும் பாக்டீரியாக்களையும் நீக்கி புத்துணர்ச்சி தருகிறது.

​வாய்வழி சுகாதாரம்

வாய்வழி சுகாதாரம் இல்லையென்றால் அது ஒட்டுமொத்த ஆரோக்கியத்தையும் பெரிய அளவில் பாதிக்கும். தீங்கு விளைவிக்கும் பாக்டீரியாக்களின் இனப்பெருக்க இடமாக அது மாறிவிடும். இது அப்படியே கல்லீரல், சிறுநீரகம் மற்றும் வயிற்றை பாதிக்கக்கூடிய விஷயமாக மாறிவிடும். இந்த வாயில் இருக்கும் பாக்டீரியாக்கள் அப்படியே பெருகி ஈறு பிரச்சினைகள், பல் சொத்தை போன்றவற்றை உண்டாக்கும்.

எனவே ஒரு நாளைக்கு இரண்டு முறை பல் துலக்குவது மிகவும் அவசியம். பல் மருத்துவர்களின் கூற்றுப்படி உங்கள் வாயை புத்துணர்ச்சியுடனும், சுத்தமாகவும் வைத்திருக்க வேண்டும். எனவே இதைச் செய்ய நீங்கள் மவுத்வாஷ்களை பயன்படுத்தலாம். இந்த மவுத்வாஷ்களை நாம் வீட்டிலேயே தயாரிக்க முடியும். இதை எப்படி தயாரிக்கலாம் இதன் மூலம் எப்படி உங்கள் வாய்வழி ஆரோக்கியத்தை மேம்படுத்த முடியும் என அறிவோம்.

​மவுத்வாஷின் முக்கியத்துவம்

samayam tamil Tamil News Spot

மவுத்வாஷின் முக்கிய நோக்கம் அது வாய்வழி ஆரோக்கியத்தை மேம்படுத்த உதவுகிறது.

பிளாசிங் மற்றும் பல் துலக்குதல் போன்ற வாய்வழி ஆரோக்கியத்தை பயனுள்ளதாக மாற்றுகிறது.

பற்கள் சொத்தையாகிக் குழி விழுவதைக் குறைக்கிறது.

இது பற்கள் மற்றும் ஈறுகளைப் பலப்படுத்துகிறது.

புத்துணர்ச்சி ஊட்டும் சுவாசத்தைத் தருகிறது.

பல் இடுக்குகளில் அழுக்குகள் தங்குவதைத் தடுக்கிறது.

பல் துலக்குவதற்கு முன்பாக இடுக்குகளில் உள்ள அழுக்குகளை கழுவி வெளியேற்றுகிறது.

வாய்ப்புண்ணை ஆற்ற உதவுகிறது.

protein rich food: கருப்பு கொண்டைக்கடலை சூப் சாப்பிட்டா இந்த பலனெல்லாம் கிடைக்கும்… செய்வது எப்படி? ரெசிபி உள்ளே…

​வீட்டிலேயே மவுத்வாஷ்களை தயாரிக்க வழிகள்

samayam tamil Tamil News Spot

உப்பு மற்றும் தண்ணீரைக் கொண்டு வாயை கொப்பளிக்கவும். இது மிகவும் எளிமையான மவுத்வாஷாக செயல்படுகிறது.

ஒரு அரை கிளாஸ் வெதுவெதுப்பான நீரில் 1/2 டீ ஸ்பூன் உப்பு சேர்த்து நன்றாக கலந்து கொள்ளுங்கள். அதைக் கொண்டு வாயை கொப்பளித்து வாருங்கள்.

இது வாயில் உள்ள அழுக்குகள் மற்றும் பாக்டீரியாக்களை போக்க பயன்படுகிறது. ஒட்டுமொத்த வாய்வழி ஆரோக்கியத்தையும் மேம்படுத்த உதவுகிறது.

மவுத்வாஷ்கள் பற்களுக்கிடையே உள்ள அழுக்குகள், பற்சொத்தைகளை அகற்ற உதவுகிறது. இது வாயில் இருக்கும் கெட்ட துர்நாற்றத்தைப் போக்கவும் உதவுகிறது.

cooling foods: குளிர்காலத்தில் ஜில்லுனு இருக்கும் உணவுகளை சாப்பிட்டா என்னென்ன பிரச்சினைகள் வரும்…

தேங்காய் எண்ணெய்

samayam tamil Tamil News Spot

தேங்காய் எண்ணெய் உங்க பற்களை சுத்தமாகவும், ஈறுகளை சுத்தமாகவும் வைக்க உதவுகிறது.

1 டீ ஸ்பூன் தேங்காய் எண்ணெய்யை எடுத்து 15-20 தடவை வாயில் வைத்து கொப்பளியுங்கள். வாயில் வைத்து கொப்பளிக்கும் போது விழுங்கி விட வேண்டாம்.

பிறகு சாதாரண நீரைக் கொண்டு வாயை கொப்பளியுங்கள். இது உடம்பில் உள்ள நச்சுக்களை வெளியேற்ற உதவுகிறது.

இது பற்களுக்கிடையே உள்ள அழுக்குகளை நீக்கவும், பற்களை வெண்மையாக வைக்கவும் உதவுகிறது.

​எசன்ஷியல் ஆயில்

samayam tamil Tamil News Spot

அத்தியாவசிய எண்ணெய்கள் பல அற்புதமான பண்புகளைக் கொண்டுள்ளது. கிராம்பு எண்ணெய் மற்றும் பட்டை எண்ணெய்கள் இரண்டையும் ஒன்றாக கலந்து மவுத்வாஷ்களாக நாம் பயன்படுத்தலாம்.

இது பற்சொத்தையை போக்க உதவுகிறது. 1 கப் தண்ணீரில் 10 சொட்டுகள் கிராம்பு மற்றும் இலவங்கப்பட்டை எண்ணெய்யை சேர்த்து நன்றாக கலந்து கொள்ளுங்கள்.

அதை 2 டேபிள் ஸ்பூன் மற்றும் 1/2 கிளாஸ் தண்ணீரில் கலந்து வாயைக் கொப்பளிக்கப் பயன்படுத்த வேண்டும். இது வாயில் உள்ள தொற்றுக்களை நீக்கப் பயன்படுகிறது.

dates benefits: எடையை குறைக்க நினைப்பவர்கள் பேரிச்சம்பழம் சாப்பிடலாமா? எந்த அளவு சாப்பிடலாம்?

​பேக்கிங் சோடா

samayam tamil Tamil News Spot

பேக்கிங் சோடா வாய்வழி ஆரோக்கியத்தில் மிகப்பெரிய பங்கு வகிக்கிறது. 1/2 கிளாஸ் டம்ளரில் வெதுவெதுப்பான நீரைச் சேர்த்து 1/2 டீ ஸ்பூன் பேக்கிங் சோடா சேர்த்து கலந்து கொள்ளுங்கள்.

இரண்டையும் ஒன்றாக கலந்து வாயில் வைத்து சில விநாடிகள் கழித்து கொப்பளிக்க வேண்டும். பிறகு பல் துலக்கிக் கொள்ளுங்கள். பேக்கிங் சோடாவை விழுங்க வேண்டாம்.

இது பற்களில் உள்ள கறைகளை போக்கவும் கெட்ட துர்நாற்றத்தை தடுக்கவும் உதவுகிறது. இந்த எளிய மவுத்வாஷை நாம் வீட்டிலேயே தயாரிக்க முடியும். உங்கள் பற்களை வெண்மையாக வைத்துக் கொள்ள முடியும்.



Source link

Share on Social Media

Leave a Reply

Your email address will not be published.