Share on Social Media



முகத்தை என்ன தான் மேக் அப் போட்டு அழகுப்படுத்தினாலும் முகத்தில் இருக்கும் கரும்புள்ளிகள் தனியாக தெரியும். சருமப்பிரச்சனைகள் ஒவ்வொன்றுக்கும் ஒவ்வொரு தீர்வு உண்டு. அதை சரியான முறையில் பாதுகாப்பாகவே எப்படி கையாள்வது என்பதை பார்த்து வருகிறோம். எளிமையான ஃபேஸ் பேக் வகைகளை கொண்டு எப்படி முகத்தில் இருக்கும் கரும்புள்ளிகளை போக்குவது என்பதை பார்க்கலாம்.

​கரும்புள்ளிகள்

ஹைப்பர் பிக்மெண்டேஷன் காரணமாக ஏற்படும் கரும்புள்ளிகள் நடுத்தரவயதில் உண்டாக கூடியவை. முகப்பருக்கள், பருக்கள், கரும்புள்ளிகள் போன்ற சரும பாதிப்புகள் சருமத்தில் கரும்புள்ளிகளை ஏற்படுத்தும்.

ஆண்களுக்கு வழுக்கை ஏன்? நிரந்தர முடி இழப்பை ஏன் கொள்கிறார்கள். எப்படி தவிர்ப்பது?

ஆரம்ப கட்டத்தில் இதை சரி செய்துவிட வீட்டில் இருக்கும் பொருள்களை கொண்டு இந்த ஃபேஸ் பேக் போடலாம். இவை எளிதானது சருமத்தை தொல்லை செய்யாதது. இனி எப்படி இதைசரி செய்வது என்பதை பார்க்கலாம்.

​எலுமிச்சை மற்றும் தேன்

samayam tamil Tamil News Spot

எலுமிச்சை – அரை தேக்கரண்டி

தேன் – 1 தேக்கரண்டி

எலுமிச்சையிலிருந்து சாற்றை பிழித்து அதை தேனோடு கலந்து விடவும். இந்த இரண்டையும் ஒன்றாக கலக்கவும். முகம் முழுவதும் தடவி 10 முதல் 15 நிமிடங்கள் வரை விடவும். பிறகு வெதுவெதுப்பான நீரில் கழுவவும். அதன் பிறகு குளிர்ந்த நீரில் இதை கழுவி எடுக்கவும். பிறகு டவலை கொண்டு பயன்படுத்தி உலர்த்தி விடவும்.

தினமும் ஒருமுறை இதை செய்யவும். எலுமிச்சையில் இருக்கும் சிட்ரிக் அமிலத்தை மேற்பூச்சாக பயன்படுத்தும் போது அதன் வெளுக்கும் பண்புகள் கரும்புள்ளிகளை மாற்றுகிறது. எலுமிச்சை சருமத்துளைகளை அடைத்து அதை சுருக்கவும் செய்கிறது. தேன் சருமத்தை ஈரப்பதமாக வைத்திருக்கும். இது மென்மையானது.

​சந்தனம் மற்றும் எலுமிச்சை ஃபேஸ் பேக்

samayam tamil Tamil News Spot

சந்தனத்தூள் – 2 டீஸ்பூன்

எலுமிச்சை சாறு – 1 டீஸ்பூன்

கிளிசரின் – 1 டீஸ்பூன்

பன்னீர் – தேவைக்கு

சந்தனத்துடன் எலுமிச்சை சாறு, கிள்சரின், பன்னீர் போன்றவற்றை நன்றாக கலந்து பேஸ்ட் ஆக்கவும். இந்த அடர்த்தியை சரிசெய்ய ரோஸ் வாட்டர் தேவைக்கு சேர்க்கவும். முகம் முழுவதும் இருக்கும் கரும்புள்ளிகளில் தடவவும். பிறகு சில நிமிடங்கள் கழித்து வெதுவெதுப்பான நீரில் கழுவி விடவும். சருமத்தை ஈரப்படுத்த வாரத்தில் 2 முறை இதை செய்யலாம்.

சந்தனம் சருமப்பராமரிப்புக்கு ஏற்றது. இது இரத்த ஓட்டத்தை மேம்படுத்துவதன் மூலம் கரும்புள்ளிகள் மற்றும் கறைகளை குறைக்கிறது. இது சருமத்துக்கு அழகான பளபளப்பை அளிக்கிறது. கிளிசரின் சருமத்தை நீரேற்றமாக வைத்திருக்கும். இதில் பன்னீர் சேர்ப்பதால் சந்தனத்தின் நிறத்தை அதிகரிக்க செய்யும்.

​வெங்காயம், பூண்டு ஃபேஸ் பேக்

samayam tamil Tamil News Spot

வெங்காயம் – சிறியது 1

பூண்டு பல் – 1

வெங்காயம் மற்றும் பூண்டு இரண்டையும் ஒன்றாக அரைக்கவும். இந்த பேஸ்ட்டை கரும்புள்ளிகளில் தடவி அப்படியே 20 நிமிடங்கள் வைத்திருக்கவும். பிறகு முகத்தை கழுவி விடவும். அதன் பிறகு எரிச்சல் இல்லாமல் இருக்க மாய்சுரைசர் பயன்படுத்த வேண்டும். தினமும் ஒரு முறை இதை செய்தால் போதும்.

அடர்த்தியான முடிக்கு திரிபலாவை பயன்படுத்தும் முறை, எல்லோரும் பயன்படுத்தலாம்!

கரும்புள்ளிகளை போக்க இந்த பேஸ்ட்டை முயற்சி செய்யலாம். பூண்டு இரத்த ஓட்டத்தை மேம்படுத்துகிறது. வெங்காயம் தோலில் உள்ள வடுக்கள் மற்றும் கறையை அகற்றுவதில் அற்புதங்களை செய்கிறது. இது முகத்தில் இருண்ட புள்ளிகளை குறைக்க இவை இரண்டும் ஒன்றாக வேலைசெய்கின்றன.

​ பால் மற்றும் தேன் ஃபேஸ் பேக்

samayam tamil Tamil News Spot

பால் – 1 டீஸ்பூன்

தேன் – 1 டீஸ்பூன்

பால் தேன் இரண்டையும் ஒன்றாக கலந்து இருண்ட இடங்களில் தடவவும். இதை முகம் முழுக்க தடவி விடலாம். இந்த கலவையை 15 நிமிடங்கள் வரை வைத்திருந்து முகத்தை கழுவி எடுக்கவும். தினமும் குளிப்பதற்கு முன் அல்லது படுக்கைக்கு செல்வதற்கு முன்பு இதை செய்யலாம்.

பால் சருமத்தை ஒளிரச்செய்யும். தேன் ஈரப்பதமூட்டும் பண்புகளுக்கு பெயர் பெற்றது. இந்த ஃபேஸ் பேக் வழக்கமாக பயன்படுத்தினால் கரும்புள்ளிகள் நாளடைவில் காணாமல் போகலாம். மேலும் இது இளமையான தோலையும் ஒளிரச்செய்யலாம்.

​கரும்புள்ளிகளுக்கான ஆலோவேரா ஃபேஸ் பேக்

samayam tamil Tamil News Spot

கற்றாழை ஜெல் – சில துளிகள்

பன்னீர் – தேவைக்கு

கற்றாழை ஜெல் எடுத்து அதில் தேவையான அளவு பன்னீர் சேர்த்து நன்றாக கலக்கவும். இதை முகத்தில் தடவி நன்றாக மசாஜ் செய்து விடவும். 2 முதல் 3 நிமிடங்கள் வரை நன்றாக மசாஜ் செய்யவும்.

வாரத்தில் 4 முறை இதை பயன்படுத்தலாம். தினமும் கூட இதை பயன்படுத்தலாம். கற்றாழை ஏராளமான மருத்துவ குணங்களை கொண்டுள்ளது. சரும பிரச்சனை குணப்படுத்தவும் செய்கிறது. இது மெலனின் அதிகமாக உற்பத்தி செய்வதை தடுக்கும் அலோசின் கொண்டுள்ளது. கரும்புள்ளிகளை அகற்றவும் செய்கிறது.

​வேப்பிலை ஃபேஸ் பேக்

samayam tamil Tamil News Spot

வேப்பம் பொடி – 1 டீஸ்பூன்

தேன் – 1 டீஸ்பூன்

ஆப்பிள் சீடர் வினிகர் – 1 டீஸ்பூன்

அனைத்து பொருள்களையும் ஒன்றாக கலந்து விடவும். இதை ஃப்ரிட்ட்ஜ்ஜுக்குள் வைத்து பிறகு முகத்தில் தடவி விடவும். 15 நிமிடங்கள் உலரவைத்து பிறகு முகத்தை வெதுவெதுப்பான நீரில் வைத்து எடுக்கவும். தினமும் இந்த ஃபேஸ் பேக் போடலாம். வாரத்தில் இரண்டு நாட்கள் வரை செய்யவும்.

வெள்ளை முடி வேகமா மறையணுமா, மருதாணி, நெல்லி, முட்டை மூணையும் இப்படி போடுங்க, பலன் கிடைக்கும்!

வேம்பு ஆன்டி செப்டிக் பண்புகள் கொண்டுள்ளதால் கரும்புள்ளிகளை அகற்றுவதில் பயனுள்ளதாக இருக்கும். முகப்பருவால் உண்டாகும் கரும்புள்ளிகளை போக்கவும் இவை உதவுகிறது.



Source link

Share on Social Media

Leave a Reply

Your email address will not be published. Required fields are marked *