Share on Social Media


பெண்களுக்கு பொதுவாகவே நீண்ட அடர்த்தியான கருமையான கூந்தலை பெறவே விரும்புகிறார்கள். இதனால் வெளியில் கிடைக்கும் பொருள்களை `வாங்கி அதிகமாகவே பயன்படுத்துகிறார்கள்.

ஆரோக்கியமான மற்றும் சீரான உணவு பழக்கங்களை கடைப்பிடிப்பதன் மூலம் கூந்தல் வலுவடைய செய்யும். கூந்தலின் வலுவுக்கு முக்கியமான கூறுகளில் புரதம், இரும்பு, வைட்டமின் டி, பயோட்டின் போன்றவை அவசியம்.

உங்கள் தலைமுடி அத்தியாவசிய ஊட்டச்சத்துக்கள் அனைத்தையும் பெறுவதற்கு இந்த சாறுகள் சிறந்த வழியாகும். இது தலைமுடி உள்ளே இருந்து வலுவாகவும் வெளியில் பளபளப்பாகவும் அழகாகவும் இருப்பதை உறுதி செய்கிறது. வலுவான கூந்தலை பெறுவதற்கு உதவும் சிறந்த பானங்கள் குறித்து பார்க்கலாம்.

​ஸ்ட்ராபெர்ரி ஜூஸ் -முடி உதிர்தலை தடுக்கும்

முடி உதிர்தலை தடுக்க ஸ்ட்ராபெர்ரி ஜூஸ் உதவுகிறது. இது நமது சருமம் மற்றும் ஒட்டுமொத்த கூந்தல் ஆரோக்கியத்துக்கும் சிறந்த சூப்பர் ஃபுட் ஆகும். இது நார்ச்சத்து, வைட்டமின்கள் மற்றும் பொட்டாசியம் நிறைந்த மூலமாகும்.

தலைமுடி செழித்து வளர உதவும் திராட்சை ஹேர் மாஸ்க், தயாரிப்பும் பயன்பாடும்!

இது குறைவான கலோரி கொண்டவையும் கூட. நிபுணர்களின் கூற்றுப்படி இதில் உள்ள எலாஜிக் அமிலம் தலைமுடியை மெலிவிலிருந்து காக்கிறது. இந்த சூப்பர் ஃபுட்டில் வைட்டமின் பி5 மற்றும் பி 6 உள்ளன. இது முடி உதிர்தலை தடுக்க கூடும்.

​கேரட் ஜூஸ் – கூந்தலை வலுப்படுத்த உதவும்

samayam tamil Tamil News Spot

கேரட் வலுவான மற்றும் அழகான முடியை அளிக்க செய்கிறது. தலைமுடியின் ஆரோக்கியத்தை மேம்படுத்த மற்றொரு சிறந்த சாறு கேரட் என்று சொல்லலாம். இது வைட்டமின்கள் மற்றும் தாதுக்களின் சக்தி வாய்ந்த மையமாகு. இது ஆரோக்கியமான முடி வளர்ச்சிக்கு அவசியமானது.

கேரட்டில் பீட்டாகரோட்டின் அதிகமாக உள்ளது. இது கூந்தலுக்கு பளபளப்பையும் பிரகாசத்தையும் தருகிறது. கேரட் வைட்டமின் சி கொண்டது. இது உச்சந்தலையை ஆரோக்கியமாக வைக்க உதவுகிறது.

​நெல்லிக்காய் சாறு – பளபளப்பான கூந்தலுக்கு

samayam tamil Tamil News Spot

முடிக்கு பளபளப்பை அளிக்க நெல்லிக்காய் உதவுகிறது. நம்ப முடியாத நன்மைகளை கொண்டுள்ள நெல்லிக்காய் வைட்டமின் சி, ஆன் டி ஆக்ஸிடண்ட்கள் நிறைந்தவை. வைட்டமின் சி மயிர்க்கால்களை வலுப்படுத்தி முடி வளர்ச்சியை ஊக்குவிக்கிறது.

தினசரி உணவில் நெல்லிக்காய் நீங்கள் சேர்க்கலாம். அதே போன்று இது உச்சந்தலை மேற்பூச்சுக்கும் பயன்படுத்தலாம். இது நீண்ட கருப்பு மற்றும் பளபளப்பான முடியை பெற உதவக்கூடும்

​சோற்றுகற்றாழை – முடி உதிர்தலை தடுக்கிறது

samayam tamil Tamil News Spot

முடி உதிர்தலை தடுக்க கற்றாழை மிகவும் உதவியாக இருக்கும். கற்றாழையில் உள்ள வைட்டமின்களும் மயிர்க்கால்களை வலுப்படுத்துகின்றன. இது முடி உதிர்தலை திறம்பட தடுக்கிறது.

கற்றாழை சாறில் இருக்கும் என்சைம்கள் பொடுகு, அரிப்பு மற்றும் உச்சந்தலை எரிச்சலில் இருந்து விடுபட உதவுகின்றன. கற்றாழை சாற்றை எடுத்துகொள்வது நோய் எதிர்ப்பு சக்தியை மேம்படுத்துகிறது. இது முடி உதிர்தல் கட்டுப்படுத்துகிறது.

​கீரை சாறு -முடி வளர்ச்சியை அதிகரிக்கும்

samayam tamil Tamil News Spot

வலுவான கூந்தலை கொண்டிருக்க விரும்பினால் அன்றாட உணவில் ஒரு டம்ளர் கீரை சாறை சேர்த்துகொள்ளுங்கள். கிரை வைட்டமின் கே, வைட்டமின் சி, ஃபோலேட், மாங்கனீசு, மெக்னீசியம், தாமிரம், பீட்டா கரோட்டின் உள்ளிட்ட தாதுக்கள் நிறைந்த மூலம். இது இரும்புச்சத்து நிறைந்த மூலம் ஆகும். முடி உதிர்தல் பிரச்சனைக்கு கீரை உதவும்.

இரும்புச்சத்து குறைபாடு முடி உதிர்தலை ஊக்குவிக்கும். கீரை சாற்றை குடிப்பதன் மூலம் முடி மெலிவது தடுக்கப்படும். மேலும் முடி வளர்ச்சியை அதிகரிக்கும். உச்சந்தலை எரிச்சலை கட்டுப்படுத்தும். இதில் அதிக அளவு வைட்டமின் பி இருப்பதால் கூந்தலுக்கு பிரகாசம் கொடுக்கும்.

​கொத்துமல்லி சாறு – இளநரை தடுக்க உதவுகிறது

samayam tamil Tamil News Spot

கொத்துமல்லி சாறு முன்கூட்டியே தலைமுடி நரைத்தலை தடுக்கிறது. கொத்துமல்லி சாறு வலுவான மற்றும் அழகான கூந்தலை கொடுக்கும் மற்றொரு சிறந்த சாறு ஆகும். இது முடி உதிர்தலை எதிர்த்து போராடுகிறது. முடி வளர்ச்சியை அதிகரிக்க செய்யும். கொத்துமல்லி இரும்புச்சத்து நிறைந்த மூலமாகும். இது இரும்புச்சத்து குறைபாட்டுக்கு சிகிச்சை அளிக்க உதவுகிறது.

நரைமுடி குறையணுமா? இந்த எண்ணெய்களை பயன்படுத்துங்க! முடி பிரச்சனையும் தீரும்!

இது பெண்களுக்கு முடி உதிர்தலை ஏற்படுத்துகிறது. இது ஃப்ளவனாய்டுகள் மற்றும் கரோட்டினாய்டுகளின் வளமான மூலமாகும். இது தவிர கொத்துமல்லி சாற்றில் முடி நிறமிக்கு அவசியமான தாமிரமும், ஆக்ஸிஜனேற்றியாக செயல்படும் மாங்கனீசும், முன்கூட்டிய நரைப்பிலிருந்து முடியை பாதுகாக்க செய்யும்.

அழகான வலுவான அடர்ந்த கூந்தலுக்கு மேற்கண்ட இந்த சாறுகள் உதவும். இதன் ஊட்டச்சத்துக்களை உடல் எளிதாக உறிஞ்சக்கூடும். சிறந்த முடிவுகளை விரைவாக பெறுவதற்கு இவை போதுமானதாக இருக்கும்.

Thanks for the Source

Share on Social Media

Leave a Reply

Your email address will not be published. Required fields are marked *