Share on Social Media

​கஷாயம் தயாரிப்பு

கறிவேப்பிலை, இஞ்சி , சீரகம் மூன்றும் எப்போதும் வீட்டில் இருக்ககூடிய பொருள் தான். இவை எல்லாமே அருமையான மருத்துவ குணங்களை கொண்டிருக்க கூடியவை. கொடிய நோய்களை வராமல் தவிர்க்க உதவக்கூடியவை. இந்த கஷாயம் தயாரிப்பு குறித்து தான் பார்க்க போகிறோம்.

சர்க்கரை நோயின் மோசமான புண்களையும் ஆற்றும் குங்கிலியம், எப்படி பயன்படுத்துவது, வேறு எதற்கு உதவும்!

இரண்டு டம்ளர் அளவு கஷாயத்துக்கு

தேவை

கறிவேப்பிலை – ஒரு கைப்பிடி

இஞ்சி – சிறு உள்ளங்கை அளவு

சீரகம் – 3 டீஸ்பூன்

தயாரிக்கும் முறை

கறிவேப்பிலையை சுத்தம் செய்து அலசி உரலில் இட்டு இடித்து வைக்கவும். இஞ்சியை தோல் சீவி சிறு துண்டுகளாக நறுக்கி இடிக்கவும். சீரகத்தையும் இலேசாக வறுத்து பொடித்து வைக்கவும்.

இரண்டு டம்ளர் நீரை கொதிக்க வைத்து இடித்த இஞ்சி, கறிவேப்பிலை சேர்க்கவும். சீரகத்தை இறுதியாக சேர்க்கவும். இலேசாக கொதித்ததும் இறக்கி 5 நிமிடங்கள் கழித்து வடிகட்டி ஆறவிடவும். பொறுக்கும் சூட்டில் வெதுவெதுப்பாக இருக்கும் போது பொறுமையாக வாயில் வைத்து விழுங்கினால் தொண்டைக்கு அமிர்தமாக இருக்கும்.

​கஷாயம் நன்மைகள்

samayam tamil Tamil News Spot

இதை 1 வயதுக்கு மேற்பட்ட குழந்தைகள் முதல் ( இவர்களுக்கு இஞ்சி மற்றும் சீரக அளவை குறைத்து சேர்க்கவும்) வயதானவர்கள் வரை அனைவரும் குடிக்கலாம். தினமும் இரண்டு டம்ளர் வரை இதை குடிக்க செய்யலாம்.

இவை உணவுக்குழாயில் தேங்கியிருக்கும் அமிலத்தை வெளியேற்றும். இதனால் அஜீரணக்கோளாறுகள் தடுக்கப்பட்டு செரிமான சிக்கல் சீராகும். வயிறு பொருமல் சீராகும். கஷாயம் குடித்த உடனே மாற்றம் தெரியும். அதிக உபாதை இருப்பவர்கள் தொடர்ந்து மூன்று நாட்கள் இதை குடிக்கலாம். பிறகு படிப்படியாக குறைத்து வாரம் ஒருமுறை இதை குடித்து வரலாம். இது எதிர்ப்பு சக்தியும் கொடுக்க கூடியது.

​இஞ்சி – கஷாயம்

samayam tamil Tamil News Spot

இஞ்சி ஜீரணத்தை தூண்டும் பொருள், இது எதிர்ப்பு சக்தி அளிப்பவையும் கூட. குடல் அசைவுகளை சீராக்கும். பித்தத்தை வெளிப்படுத்தி செரிமானத்தை தூண்டிவிடும். உணவில் இருக்கும் ஊட்டச்சத்துகளை உடல் உறிஞ்சு கொள்ள இவை உதவுகிறது. வயிற்று பிடிப்புகள், வயிற்றுப்போக்கு, வாயு தொல்லை போன்ற பிரச்சனைகளில் இருந்து நிவாரணம் அளிக்க உதவுகிறது. அதனால் தான் இஞ்சி தேநீர் குடிக்கும் வழக்கத்தை நம் முன்னோர்கள் வழக்கத்தில் வைத்திருந்தார்கள்.

​கறிவேப்பிலை – கஷாயம்

samayam tamil Tamil News Spot

கறிவேப்பிலையும் இஞ்சியை போன்றே செரிமானத்துக்கு உதவுபவை. வயிறு மந்தம், செரிமான பிரச்சனை, மலச்சிக்கல் என அதிக சிக்கலை கொண்டிருப்பவர்களுக்கும் ஏற்ற மருந்து. கறிவேப்பிலையை சாப்பிட்டால் செரிமானம் தூண்டப்படும்.

அஜீரணக்கோளாறால் பசியின்மை பிரச்சனை எதிர்கொள்பவர்களுக்கு தீர்வாக இருக்கும். ஜீரண உறுப்புகளை வலுப்படுத்தும். கறிவேப்பிலையை எடுத்துகொண்டால் மந்ததன்மை இல்லாமல் சுறுசுறுப்பாக வளையவரலாம். வயிறு கோளாறுகளையும் இல்லாமல் செய்யும் தன்மை கறிவேப்பிலைக்கு உண்டு.

​சீரகம்- கஷாயம்

samayam tamil Tamil News Spot

சீரகம் நெஞ்செரிச்சலை போக்கும் அருமருந்து. நெஞ்செரிச்சலும் புளிஏப்பமும் வரும் போது கால் டீஸ்பூன் சீரகத்தை எடுத்து உள்ளங்கைகளால் கசக்கி வாயில் போட்டு உமிழ்நீரோடு மென்று விழுங்கினால் பலன் கிடைக்கும்.

திருநீற்றுப்பச்சிலை : மருத்துவமும் நறுமணமும் சேர்ந்த மூலிகை, எந்த நோய்க்கு எப்படி பயன்படுத்தலாம்!

வயிறு வலி, வயிறு உப்புசம், வயிறு பொருமல், வயிறு வீக்கம் போன்ற வயிறு கோளாறுகளை சரிசெய்யகூடியது சீரகம். குழந்தைகள் முதல் பெரியவர்கள் வரை அனைவரது வயிறு வலியையும் போக்க சீரகம் ஒன்று போதுமானது.

கொரோனா தீவிரமாகும் நேரத்தில் இத்தகைய கைவைத்திய குறிப்புகள் குறித்து அறிந்து வைத்திருப்பது நல்லது. நெஞ்செரிச்சல், வயிறு பொருமல், அஜீரணக்கோளாறுகள் கோடையில் எதிர்கொள்ளும் போது இந்த கஷாயம் நிச்சயம் உதவும். அதோடு இதை எல்லாருமே வாரம் ஒருமுறை குடிக்கலாம். உடலுக்கு எதிர்ப்பு சக்தி கொடுக்கும். உணவுக்குழாயில் அமிலம் தேக்காமல் இருக்க உதவும். அசைவ உணவுக்கு பிறகு வெந்நீருக்கு மாற்றாக இதை குடித்து வந்தால் போதுமானது.

Thanks for the Source

Share on Social Media

Leave a Reply

Your email address will not be published. Required fields are marked *