Share on Social Media

​பிரசவ நேரத்தில் கருப்பை

குழந்தை வளர வளர கருப்பை விரிவடைந்து உரிய இடம் கொடுக்க கூடும். கருப்பையில் இருக்கும் தசைநார்கள் நெருக்கமாக பின்னப்பட்டு இருக்கும். இது கர்ப்பத்தின் போது வலிமை பெறக்கூடும். குழந்தை வெளியேறுவதற்கு தாயின் உடலில் புரோஸ்டா கிளாண்டின் என்னும் ஹார்மோன்கள் காரணமாக இருக்கின்றன. குழந்தை பிறக்கும் நிலையில் கருப்பை சுருங்குவதால் சிசுவும் நஞ்சும் வெளிதள்ளிவிட்டு கருப்பை பழைய நிலையை அடைய தொடங்கும்.

உடல் உஷ்ணத்தால் பேதியா, இந்த கைவைத்தியம் செய்து பாருங்க!

அப்போது கருப்பையில் இருக்கும் அழுக்குகள் உதிரத்தோடு வெளியேற தொடங்கும். கருப்பியில் இருக்கும் எஞ்சிய இரத்தம் முழுவதும் வெளியே வர வேண்டும். இவை குறுகிய காலத்துக்குள் வெளி வந்துவிட்டால் ஆரோக்கியம் குன்றாமல் இளந்தாய்மார்கள் இருப்பார்கள். அதற்கு உதவும் வைத்தியம் குறித்து இப்போது பார்க்கலாம்.

​வயிற்றுப்புண்

samayam tamil Tamil News Spot

பிரசவக்கால உழைப்பில் அதிகமாக உழைத்திருக்கும் உறுப்புகளில் வயிறும் உண்டு. வயிற்றுப்புண் ஆறுவதற்கு ஆட்டுப்பாலில் மணத்தக்காளிக்கீரை அரைத்து சாப்பிட்டு வந்தால் உடல் உஷ்ணம் குறையும் வயிற்றுப்புண் ஆறும்.

பிரசவ புண்களுக்கு நாட்டு வைத்தியமும் கை வைத்தியமும் நன்றாக பலனளிக்க கூடும். இல்லையெனில் மணத்தக்காளிக்கீரை பூண்டு சேர்த்து நல்லெண்ணெய் விட்டு வதக்கி பொரியலாக்கியும் சாப்பிடலாம். இது வயிற்றுப்புண்ணை முழுமையாக குணமாக்கும்.

​பெண் உறுப்பு புண்

samayam tamil Tamil News Spot

பிரசவத்துக்கு பிறகு பெண் உறுப்பில் புண் ஏற்பட்டால் அதை சரிசெய்ய இந்த வைத்தியம் உதவும். வேப்பந்தழையுடன் மஞ்சள் சேர்த்து நீரில் ஊறவைத்து அந்த நீரை பெண் உறுப்பில் நன்றாக கழுவி வர வேண்டும். எப்போதெல்லாம் சிறுநீர் கழிக்கிறார்களோ அப்போதெல்லாம் வெதுவெதுப்பான சூட்டில் வேப்பிலை மஞ்சள் கலந்த நீரை கழுவி வரலாம்.

நாட்டு மருந்து கடையில் கிடைக்கும் மாசிக்காயை உரசி பெண் உறுப்பில் தடவி வந்தால் புண் ஆறும். இது பாதிப்பில்லாதது.

​கருப்பை அழுக்கு வெளியேற

samayam tamil Tamil News Spot

கருப்பையில் அழுக்கு முழுவதும் வெளியேற வெள்ளை பூண்டு 6 அல்லது 7 பல் எடுத்து அதில் சுத்தமான நல்லெண்ணெய் விட்டு பனங்கருப்பட்டி, மிளகு ஆகியவற்றை சேர்த்து மண்சட்டியில் கிளறி எடுக்கவும். இதை தினமும் உணவுக்கு முன்பு அரை டீஸ்பூன் அளவு எடுத்து சாப்பிட்டு வந்தால் எஞ்சிய இரத்தம் வெளியேறும்.

இதை தயாரிக்க சிரமமாக இருந்தால் நாட்டு மருந்து கடைகளில் பிரசவ லேகியம் கிடைக்கும். அதையும் வாங்கி சாப்பிடலாம். இவை கருப்பை உதிரபோக்கை வெளியேற்றும் தன்மை கொண்டவை. இது தாய்ப்பால் சுரப்புக்கும் உதவும்.

​பிரசவக்கால இடுப்பு வலி நீங்க

samayam tamil Tamil News Spot

பிரசவத்துக்கு பிறகு இடுப்பு வலி அதிகமாக உணர்பவர்களுக்கு இந்த வைத்தியம் உதவகூடும். இடுப்பு, மூட்டு வலிகள் உடலை பலவீனப்படுத்திவிடக்கூடும். நாட்டு மருந்து கடையில் இருக்கும் குருந்தோட்டி வேருடன், சீரகம், குறுமிளகு, கடுகு, பூண்டு ஆகியவற்றை சம அளவு எடுத்து நாட்டுக்கோழி எடுத்து குழம்பு வைத்து வாரம் ஒரு முறை சாப்பிடலாம். இது உடலை பலப்படுத்தும்.

ஆண்களின் அந்தரங்க நோய் தந்திமேகம், நோய் அறிகுறியும், அருமருந்தாகும் வீட்டு வைத்தியமும்!

பிரசவக்காலத்துக்கு பிந்தைய இடுப்பு வலி, மூட்டு வலி போன்றவை இருக்காது. நாட்டுக்கோழி பிடிக்காதவர்கள் வெள்ளாட்டு கறி சாப்பிடலாம். அசைவம் விரும்பாதவர்கள் கார குழம்பு போல் வைத்து சாப்பிடலாம். உடலுக்கு வலு கிடைக்கும்.

Thanks for the Source

Share on Social Media

Leave a Reply

Your email address will not be published. Required fields are marked *