Share on Social Media


பொதுவாக சமையல் அறையில் இருக்கும் பெரிய பிரச்சினை எந்த உணவுப் பொருளை வைத்தாலும் எறும்புகள் படையெடுத்து வர ஆரம்பித்து விடும். சிறிது சாதம் சிந்து விட்டாலோ அல்லது சர்க்கரை டப்பா சரியாக மூடவில்லை என்றால் கூட எறும்புகள் மொய்க்க ஆரம்பித்து விடும். நீங்களும் எறும்புப் பொடி, சாக்பீஸ் என எல்லாவற்றையும் பயன்படுத்தி இருப்பீர்கள். நம்முடைய வீட்டிலுள்ள சில எளிய பொருட்களைக் கொண்டு எப்படி வீட்டில் எறும்புத் தொல்லையை விரட்டலாம் என அறிவோம்.

​எறும்புத் தொல்லை

எறும்புப் பொடி போட்ட இடத்தை தவிர்த்து மற்ற இடங்களில் எறும்புகள் வர ஆரம்பித்து விடும். சில சமயங்களில் வீட்டில் குழந்தைகள் இருந்தாலோ அல்லது உணவு தயாரிக்கும் சமையல் அறைகளில் எறும்புப் பொடியையோ அல்லது சாக்பீஸையோ உபயோகிக்க முடியாது. எனவே அந்த மாதிரியான சமயங்களில் எறும்பை விரட்ட நாம் இயற்கையான வழியை நாட வேண்டியது அவசியம்.

​வீட்டிலுள்ள பொருள்கள்

samayam tamil Tamil News Spot

குறிப்பாக சர்க்கரை பொருட்கள் எறும்புகளை அதிகமாக ஈர்க்கும். எனவே சர்க்கரை போன்ற உணவுப் பொருட்கள் சிந்தி விட்டால் உடனே சுத்தம் செய்து விடுங்கள்.

இருப்பினும் குழந்தைகள் உள்ள வீட்டில் சிறுதளவு பிஸ்கட் சிந்தினாலோ அல்லது சாக்லேட் கிடந்தாலோ எறும்புத் தொல்லை அதிகமாக இருக்கும். எனவே இந்த மாதிரியான சமயங்களில் எறும்புகளை விரட்ட சில இயற்கை பொருட்கள் எறும்பு விரட்டியாக செயல்படுகின்றன.

neem benefits: வேப்பிலையை மருந்தாக எப்படி பயன்படுத்த வேண்டும்? மருத்துவர் கூறும் வழிமுறைகள் இதோ…

​சமையல் அறையை சுத்தமாக வையுங்கள் :

samayam tamil Tamil News Spot

உணவுகள் ஆங்காங்கே சிந்தி கிடப்பதும் எறும்புகளை அதிகமாக ஈர்க்கும். எனவே சமையல் அறையை நன்றாக துடைத்து சுத்தமாக வைத்துக் கொள்ளுங்கள். சாப்பிடும் பொருட்களை, இனிப்பு வகைகளை காற்று புகாத டப்பாவில் அடைத்து பாதுகாப்பாக வையுங்கள். வீட்டில் குப்பைகள் இருந்தால் உடனே அப்புறப்படுத்தி விடுங்கள். உங்கள் வீட்டில் செல்லப் பிராணிகள் இருந்தால் அதன் உணவுப் பாத்திரங்களையும் கழுவி சுத்தமாக வையுங்கள்.

​கொதிக்கும் நீர் :

samayam tamil Tamil News Spot

சர்க்கரை உணவுப் பொருட்களை நாடி வரும் எறும்புகளை விரட்ட நீங்கள் கொதிக்கின்ற நீரை எறும்புப் பொந்தில் ஊற்றலாம். இந்த சூடான வெப்பம் உடனே எறும்புகளை கொன்று விடும். இருப்பினும் எறும்புப் பொந்துகள் மிகவும் ஆழமானது. எனவே ஒட்டுமொத்தமாக எல்லா எறும்புகளும் அலையாது. ஆனால் எறும்புகள் மறுபடியும் அந்த பொந்தில் இருந்து வருவது தடுக்கப்படும்.

beet benefits: பீட்ரூட் அதிகமாக சாப்பிட்டால் உடலில் என்னென்ன மாற்றங்கள் நடக்கும்…

​லிக்யூட் டிடர்ஜெண்ட் :

samayam tamil Tamil News Spot

கண்ணாடி க்ளீன்சர் மற்றும் பாத்திரம் கழுவும் லிக்யூட் சோப்பு இவற்றை ஒன்றாக கலந்து ஒரு ஸ்பிரே பாட்டிலில் எடுத்துக் கொள்ளுங்கள். இந்த சோப்பு தண்ணீரை எறும்பு வரும் இடங்களில் தெளியுங்கள்.

சோப்பின் நெடிய மணத்திற்கு எறும்புகள் தாங்காது. எறும்புகள் ஓடி விடும். எறும்புகள் முற்றிலுமாக போன பிறகு அந்த இடத்தை துடைத்து எடுங்கள்.

​வினிகர் :

samayam tamil Tamil News Spot

எறும்புத் தொல்லையை போக்க வொயிட் வினிகரையும் நீங்கள் பயன்படுத்தலாம். இதன் அமிலத்தன்மை எறும்புகளை விரட்டி விடும். 50% வொயிட் வினிகரை ஒரு ஸ்பிரே பாட்டிலில் எடுத்து அதனுடன் 50% தண்ணீர் சேர்த்து எறும்பு வரும் இடங்களில் ஸ்பிரே செய்யுங்கள். எறும்பு பொந்து, சமையலறை மேடை, குப்பை கூடைகள் இருக்கும் இடங்களில் ஸ்பிரே செய்யுங்கள். வினிகரின் வாசனை எறும்புகளுக்கு பிடிக்காது.

tips for stain removing:துணிகளில் உள்ள கறைகளை நீக்குவது எப்படி…

​எசன்ஷியல் ஆயில் :

samayam tamil Tamil News Spot

எறும்புகளுக்கு அத்தியாவசிய எண்ணெய்கள் மணமும் பிடிக்காது. புதினா ஆயில், டீ ட்ரி ஆயில் , வேப்ப எண்ணெய் மற்றும் இலவங்கப்பட்டை எண்ணெய் இவற்றுடன் தண்ணீர் சேர்த்து எறும்பு இருக்கும் இடங்களில் ஸ்பிரே செய்யுங்கள். இது கொசு மற்றும் எறும்புத் தொல்லையை விரட்ட உதவுகிறது.

​மிளகுத்தூள் :

samayam tamil Tamil News Spot

எறும்புகளுக்கு மிளகுத்தூளின் வாசனை எரிச்சலூட்டக் கூடியது. எனவே எறும்பு வரும் இடங்களில் மிளகுத் தூளை தூவி வைக்கலாம். மிளகின் காரமான மணமே எறும்புத் தொல்லையை விரட்டி விடும்.

​காபி பொடி

samayam tamil Tamil News Spot

காபி பொடி வாசனையும் எறும்புகளை விரட்டி விடும். எனவே எறும்புகள் நடமாடும் இடங்களில் காபி பொடியை தூவி விடலாம். பிறகு எறும்புகள் அந்த பக்கம் கூட வராது.



Source link

Share on Social Media

Leave a Reply

Your email address will not be published. Required fields are marked *