Share on Social Media


கடந்த ஒரு ஆண்டுக்கும் மேலாக உலகமே கொரோனா வைரஸுடன் போராடி வருகிறது. மனிதர்களுக்கு மட்டுமல்லாமல் நாய், பூனை, சிங்கம், புலி என பல்வேறு விலங்குகளுக்கும் கொரோனா தொற்று உறுதிசெய்யப்பட்டுள்ளன.

இந்த வரிசையில் தற்போது பெல்ஜியம் நாட்டில் இரண்டு நீர் யானைகளுக்கு கொரோனா தொற்று உறுதியாகியுள்ளது. பெல்ஜியம் நாட்டில் உள்ள ஆண்ட்வெர்ப் உயிரியல் பூங்காவை சேர்ந்த இரண்டு நீர் யானைகளுக்கு கொரோனா தொற்று இருப்பதை மருத்துவர்கள் உறுதிசெய்துள்ளனர்.

இதில் ஒரு நீர் யானையின் வயது 14, மற்றொரு நீர் யானையின் வயது 41 என உயிரியல் பூங்கா தரப்பில் தெரிவிக்கப்பட்டுள்ளது. எனினும் நீர் யானைகளுக்கு கொரோனா தொற்று எப்படி பரவியது என்பது தெளிவாக தெரியவில்லை.

பாம்புகளை விரட்ட சொந்த வீட்டை கொளுத்திய ஓனர்!
கொரோனா பாதித்த இரண்டு நீர் யானைகளும் நலமாக இருப்பதாக உயிரியல் பூங்கா அதிகாரிகள் தெரிவித்துள்ளனர். எனினும், இரண்டு நீர் யானைகளும் மூக்கு ஒழுகுதலால் அவதிப்பட்டு வருவதாக கூறுகின்றனர்.

உயிரியல் பூங்காவில் கொரோனா தடுப்பு கட்டுப்பாடுகள் தீவிரப்படுத்தப்பட்டுள்ளன. மேலும், பூங்காவில் உள்ள அனைத்து விலங்குகளுக்கும் கொரோனா பரிசோதனை மேற்கொள்ளப்பட்டுள்ளது. இரண்டு நீர் யானைகளுக்கும் கொரோனா குணமான பின்னரே பூங்கா மீண்டும் திறக்கப்படும் என்று தெரிவிக்கப்பட்டுள்ளது.



Source link

Share on Social Media

Leave a Reply

Your email address will not be published. Required fields are marked *