Share on Social Media


உடலின் ஆரோக்கியத்துக்கு அனைத்துவித ஊட்டச்சத்துகளும் எவ்வளவு முக்கியமோ அதேபோல் கொலஸ்ட்ரால் எனப்படும் கொழுப்பு சத்தும் முக்கியமானது. கல்லீரலால் உற்பத்தி செய்யப்படும் ஒரு மெழுகு போன்ற பொருளான கொலஸ்ட்ரால் நம் உடலுக்குத் தேவையான ஹார்மோன்கள், செல்கள் மற்றும் வைட்டமின் டி போன்றவை உருவாவதற்கு மிகவும் அவசியம். இயற்கையாகவே நமது உடல் கொலஸ்ட்ராலை உற்பத்தி செய்கிறது. ஆனால் கொலஸ்ட்ராலை சில உணவுகளை சாப்பிடுவதன் மூலமும் நீங்கள் பெறலாம். இக்கட்டுரையில் சாப்பிட மற்றும் தவிர்க்க வேண்டிய சில அதிக கொலஸ்ட்ரால் உணவுகள் பற்றி காண்போம்.

​இரு வகைகள்

கொலஸ்ட்ராலில் இரண்டு வகைகள் உள்ளன. அவை HDL என்னும் நல்ல கொலஸ்ட்ரால் மற்றும் LDL என்னும் கெட்ட கொலஸ்ட்ரால் ஆகும். ஒருவரது இரத்தத்தில் கெட்ட கொலஸ்ட்ரால் அதிகமாக இருந்தால் அது அவர்களின் உயிருக்கே ஆபத்தை ஏற்படுத்திவிடும். அதேபோல் ஒருவரது உடலில் கொலஸ்ட்ரால் அதிகமாக இருந்தால் அதனை குறிப்பிட்ட சில அறிகுறிகள் நாம் தெரிந்துக் கொள்ளலாம்.

​அறிகுறிகள்

samayam tamil Tamil News Spot

உடலில் கொலஸ்ட்ரால் அதிகமாக இருந்தால் அது மூன்று பகுதிகளில் அறிகுறிகளை நமக்கு வெளிக்காட்டும். தமனிகளின் உட்புறத்தில் கொழுப்புக்கள் குவிந்திருக்கும் போது கைகளில் வலி, சருமத்தின் கீழ் கொழுப்புக்கள் தேங்கி இருந்தால் சருமத்தில் மஞ்சள்-ஆரஞ்சு நிற வளர்ச்சி, கண்களில் உள்ள கார்னியாவின் வெளிப்பகுதிக்கு மேலேயும், கீழேயும் நீல நிற அல்லது சாம்பல் நிற அல்லது வெள்ளை நிற வளையம் நன்கு தெளிவாக காணப்படும்.

​கண்காணிப்பு அவசியம்

samayam tamil Tamil News Spot

உங்கள் உடலின் கொலஸ்ட்ரால் அளவைக் கண்காணிப்பது மிகவும் முக்கியம். ஏனெனில், அதிக கொலஸ்ட்ரால் பொதுவாக எந்த அறிகுறிகளையும் ஏற்படுத்தாது தான் என்றாலும், நீண்ட கால அதிகளவு கொலஸ்ட்ரால் பக்கவாதம் அல்லது மாரடைப்புக்கு வழிவகுக்கும் என மருத்துவ நிபுணர்கள் கூறுகின்றனர். 20 வயதுக்கு மேற்பட்டவர்கள் நான்கு முதல் ஆறு வருடங்களுக்கு ஒருமுறை உடலின் கொலஸ்ட்ரால் அளவை பரிசோதித்து கொள்ள வேண்டும்.

​உடலில் கொலஸ்ட்ரால் அளவு

samayam tamil Tamil News Spot

பருவ வயது மற்றும் குழந்தைகளுக்கான மொத்த கொலஸ்ட்ரால் அளவு 170 மில்லி கிராமுக்கு குறைவானதாகவும், 20 வயதுக்கு மேற்பட்ட ஆண்களுக்கு 125 மில்லி கிராமில் இருந்து 200 மில்லி கிராம் வரை மட்டுமே கொலஸ்ட்ரால் அளவு இருக்க வேண்டும். மேலும் பெண்களுக்கு மொத்த கொழுப்பின் அளவு 125 மில்லி கிராமில் இருந்து 200 மில்லி கிராம் வரை இருக்க வேண்டும்.

​கொழுப்புச்சத்து நிறைந்த பால்

samayam tamil Tamil News Spot

பால் அதிக கொழுப்பு நிறைந்தது மற்றும் அதிக கலோரிகள் கொண்டது. இதனால் எடை அதிகரிக்கும் என்பதால் பலரும் பால் குடிப்பதை தவிர்க்கின்றனர். ஒரு கி்ளாஸ் பாலில் 3.5% கொழுப்பு உள்ளது. மேலும் பாலாடைக்கட்டி அதிகமாக உட்கொள்வது உங்கள் ஒட்டுமொத்த ஆரோக்கியத்திற்கும் நல்லதல்ல. காரணம் அதிக பாலாடைக்கட்டி சாப்பிடும்போது கொழுப்பின் அளவு அதிகரித்து அது இதய நோய் ஏற்படுவதற்கான வாய்ப்புகளையும் அதிகரிக்கும்.

​சிவப்பு இறைச்சி

samayam tamil Tamil News Spot

சிவப்பு இறைச்சி மற்ற இறைச்சியைக் காட்டிலும் மாறுபட்டவை. ஜிங்க், விட்டமின் பி12 மற்றும் புரோட்டின் ஆகியவற்றின் ஊட்டச்சத்து கலவையாக அறியப்படும் மாட்டிறைச்சி, பன்றி இறைச்சி ஆகிய சிவப்பு இறைச்சி அதிக கொலஸ்ட்ராலை கொண்டுள்ளது. இதனால் இரத்த நாளங்கள் கடினமாவது, இதயக் கோளாறுகள், பெருங்குடல் புற்றுநோய் போன்றவை ஏற்படுகிறது.

​பதப்படுத்தப்பட்ட இறைச்சி

samayam tamil Tamil News Spot

தொத்திறைச்சி, பன்றி இறைச்சி போன்ற பதப்படுத்தப்பட்ட இறைச்சிகளை அதிகமாக உட்கொள்வது இதய நோய் மற்றும் பெருங்குடல் புற்றுநோய் போன்ற சில புற்றுநோய்களின் அபாயத்தை அதிகரிக்கும். இது உண்மையில் எல்.டி.எல் எனப்படும் கெட்ட கொலஸ்ட்ரால் அளவை அதிகரிக்க வழிவகுக்கும்.

​வறுத்த உணவுகள்

samayam tamil Tamil News Spot

நீங்கள் அதிக கொழுப்பு பிரச்சினைகளால் பாதிக்கப்படுகிறீர்கள் என்றால் அதற்கு மிக முக்கிய காரணம் கலோரிகள், டிரான்ஸ் கொழுப்புகள் நிறைந்த வறுத்த மற்றும் எண்ணெய் நிறைந்த உணவுகள் தான். இந்த உணவுகளில் அத்தியாவசிய ஊட்டச்சத்துக்களின் பற்றாக்குறை உள்ளதோடு, அதன் அதிகப்படியான கொழுப்பானது இதய நோய், உடல் பருமன் மற்றும் நீரிழிவு நோயின் அபாயத்தை அதிகரிக்கிறது.

​இனிப்பு வகைகள்

samayam tamil Tamil News Spot

வெண்ணெயை உள்ளடக்கிய பிஸ்கட்டுகள், கேக்குகள், டோனட்கள் ஆகியவை நிறைவுற்ற கொழுப்பு மற்றும் கொலஸ்ட்ராலை அதிகமாக கொண்டிருக்கும். இது அதிக அளவு இரத்த ட்ரைகிளிசரைடுகளுக்கு வழிவகுப்பதோடு நீரிழிவு, இருதய நோய்கள் மற்றும் பிற வாழ்க்கை முறை கோளாறுகளை ஏற்படுத்தக்கூடியது. எனவே முடிந்தவரை இனிப்புகளை வீட்டிலேயே செய்வதோடு அதில் வெண்ணெய் தேவைப்படாத வகைகளை முயற்சிக்கலாம்.

​சாப்பிட வேண்டியவை – முட்டை

samayam tamil Tamil News Spot

மற்ற உணவுகளுடன் சேர்த்து முட்டையை சாப்பிடும்போது அதிக வைட்டமின்களை நமது உடலுக்கு அளிக்கிறது. முட்டையில் உள்ள கொழுப்பைப் பொறுத்தவரை அது உடல்நல பாதிப்புகளை ஏற்படுத்தும் ஆபத்து குறைவு.முட்டையில் இருந்து கிடைக்கும் கொழுப்புச்சத்து ஒவ்வொரு செல் உள் கட்டமைப்பிலும், டெஸ்டோஸ்டீரான், ஈஸ்ட்ரோஜென், கார்டிசோல் போன்ற ஹார்மோன்கள் உருவாகவும் முக்கிய பங்கு வகிக்கிறது. தினமும் முட்டை சாப்பிடுவதால் பிரச்னை இல்லை. ஆனால் அளவுக்கு மீறினால் ஆபத்தை சந்திக்கலாம்.

​மத்தி மீன்

samayam tamil Tamil News Spot

மனித உடல் வளர்ச்சிக்கும், ஆரோக்கியத்திற்கும் மிகவும் அவசியமாக தேவைப்படும் புரதச்சத்து, வைட்டமின் பி, செலினியம், துத்தநாகம் ஆகியவை மத்தி மீனில் அதிகம் உள்ளது.இதில் ஒமேகா 3 கொழுப்பு அமிலம் அதிகம் உள்ளதால் ட்ரை கிளிசரைடுகள் அளவை குறைத்து இதய நோய் ஏற்படும் வாய்ப்பை குறைக்கிறது.வாரம் இருமுறை மத்தி மீன் சாப்பிட்டு வந்தால் நாம் உடலில் நோய் எதிர்ப்பு சக்தியை அதிகரிக்கலாம்.

​பருப்பு வகைகள் மற்றும் தானியங்கள்

samayam tamil Tamil News Spot

பீன்ஸ், பயறு, சுண்டல் மற்றும் சோயா பீன்ஸ் போன்ற பருப்பு வகைகளில் அதிக அளவில் இரும்பு சத்துக்கள் உள்ளன. இது போலேட், மெக்னீசியம் மற்றும் பொட்டாசியம் ஆகியவற்றை அதிகமான அளவில் கொண்டுள்ளது.இந்த நல்ல கொழுப்பு இதய நோய்கள் ஏற்படுவதற்கான அபாயத்தை குறைக்கிறது.

​நட்ஸ் மற்றும் விதைகள்

samayam tamil Tamil News Spot

பாதாம் மற்றும் முந்திரி போன்ற நட்ஸ்கள் ஃபோலிக் அமிலத்தை அதிகமாக கொண்டுள்ளது. அதேபோல் பூசணி மற்றும் சியா போன்ற காய்கறிகளில் இருக்கும் விதைகளில் இரும்புச்சத்து, மெக்னீசியம், ஃபைபர் மற்றும் ஒமேகா 3 கொழுப்பு அமிலங்கள் அதிகளவில் உள்ளது. இது இதய நோய்களை தடுக்கவும் நல்ல கொழுப்பின் அளவை மேம்படுத்தவும் உதவுகிறது.

​அவகேடோ

samayam tamil Tamil News Spot

பல்வேறு மருத்துவ நன்மைகளை கொண்ட பழமான அவகோடா உடலில் நல்ல கொழுப்பின் அளவை இது அதிகரித்து ஆரோக்கியத்திற்கு உதவுகிறது. இது அதிகமாக ஃபோலெட் மற்றும் மோனோசாச்சுரேட்டட் கொழுப்புகளை கொண்டுள்ளது. இந்த கொழுப்புகள் உடலில் கெட்ட கொழுப்புகளின் அளவை குறைக்கிறது.



Source link

Share on Social Media

Leave a Reply

Your email address will not be published. Required fields are marked *