Share on Social Media


குளிர்காலத்தில் தொண்டைப் புண், சளி, இருமல், உடல்வலி மற்றும் காய்ச்சல் போன்ற நோய்கள் அடிக்கடி நம்மைத் தாக்கி, படுக்கையில் சுருண்டு விழ வைக்கும் என்பது நம்மில் பலருக்கும் தெரியும். அதற்காக குளிர்காலத்தை ஒதுக்கித் தள்ளவும் முடியாது.

​குளிர்காலத்தில்…

குளிர்காலத்தில் கூட நீங்கள் உங்களின் உடலை வலுவான நோய் எதிர்ப்பு சக்தியுடன் வைத்துக் கொள்ள வேண்டும். அதற்கென சில பழக்கங்களையும் நீங்கள் கடைபிடிக்க வேண்டும். அதில் ஒன்று தான் மூலிகை தேநீர் எடுத்துக் கொள்வது. சில மூலிகை தேநீர் குளிர்காலத்தில் உங்களுக்கு தேவையான வலு மற்றும் நோய் எதிர்ப்பு சக்தியைக் கொடுக்கும். அப்படிப்பட்ட மூலிகை தேநீர் வகைகள் என்ன என்று தெரிந்து கொள்ளுங்கள். இந்த மூலிகை தேநீர் ஆரோக்கியமான மற்றும் சுலபமாக செய்யக்கூடியவை ஆகும்.

​மஞ்சள் டீ

samayam tamil Tamil News Spot

மஞ்சள் எப்போதும் நம் உடலுக்கு ஒரு கிருமிநாசினியாக செயல்படுகிறது என்பதை நாம் அறிவோம். பெரும்பாலும் இந்திய உணவுகள் மற்றும் வீட்டு வைத்திய முறைகளில் மஞ்சள் பெரும் பங்கு வகிக்கிறது.

மஞ்சளின் குணப்படுத்தும் பண்புகள் காரணமாக இதனை நாம் பயன்படுத்தலாம்.

மஞ்சளில் உள்ள குர்குமின் எனப்படும் கலவை அழற்சி எதிர்ப்பு, பாக்டீரியா எதிர்ப்பு, வைரஸ் எதிர்ப்பு மற்றும் பூஞ்சை எதிர்ப்பு குணங்களைக் கொண்டுள்ளன.

அதேபோல், மஞ்சளில் ஆன்டி ஆக்ஸிடன்ட்கள் நிறைந்துள்ளன. இது உங்களின் உடலை ப்ரீ ரேடிக்கல்களிலிருந்து பாதுகாப்பதோடு, நோய் எதிர்ப்பு மண்டலத்தையும் வலுப்படுத்தும்.

மஞ்சள் தூளை நீங்கள் காய்ச்சல் மற்றும் சளி போன்ற நோய்களுக்கு எதிராக பயன்படுத்தலாம். மஞ்சள் தூள், எலுமிச்சை சாறு மற்றும் தேன் சேர்க்கப்படும் இந்த டீ சுவையை மேம்படுத்துவது மட்டுமின்றி, எசன்ஷியல் பைட்டோ நியூட்ரியன்ட்கள் மற்றும் வைட்டமின் சி போன்றவற்றையும் தருகின்றன.

weight loss drinks: உடல் எடையைக் குறைக்கணும்னா காலை உணவோடு இந்த பானங்களையும் குடிங்க..

​இஞ்சி டீ

samayam tamil Tamil News Spot

மஞ்சளைப் போலவே இஞ்சியிலும் ஆன்டி மைக்ரோபியல் பண்புகள் உள்ளன. இவை உங்களின் நோய் எதிர்ப்பு சக்தியை அதிகரிக்கும்.

உங்களை பாதுகாப்பாகவும், ஆரோக்கியமாகவும் வைத்திருக்க உதவும். இஞ்சி டீ இனிப்பு மற்றும் காரமான சுவையை அளிக்கக்கூடியது. ஜீரணசக்தியை மேம்பபடுத்தக் கூடியது.

​அதிமதுர வேர் டீ

samayam tamil Tamil News Spot

அதிமதுர வேரில் ஆன்டி வைரல், ஆன்டி மைக்ரோபியல் பண்புகள் மற்றும் பல ஆரோக்கிய நன்மைகள் உள்ளன. அவை உங்கள் நோயெதிர்ப்பு சக்தியை அதிகரிக்கவும், நோய்களில் இருந்து காக்கவும் உதவும். இருப்பினும், இதனை மிதமான அளவில் மட்டுமே எடுத்துக் கொள்ள வேண்டும் என்பதை நீங்கள் மறந்து விடாதீர்கள்.

நீரிழிவு நோயாளிகள் குடிக்க வேண்டிய மூலிகை டீ வகைகள் என்னென்ன…

​பெப்பர்மிண்ட் டீ

samayam tamil Tamil News Spot

மிளகுக்கீரை டீ அல்லது பெப்பர்மின்ட் டீ என்பது ஒரு பிரபலமான மூலிகை டீ ஆகும். மிளகுக்கீரையில் ஆன்டி மைக்ரோபியல் மற்றும் ஆன்டி வைரல் பண்புகள் உள்ளன. அதுமட்டுமின்றி, இந்த மிளகுக்கீரை டீயில் ஆன்டி ஆக்ஸிடன்ட்களிலும் அதிக அளவில் உள்ளன.

tips for diabetes: குளிர்காலத்தில் ரத்த சர்க்கரையை கட்டுக்குள் வைக்க சாப்பிட வேண்டிய 9 உணவுகள் எவை…

​லெமன் டீ

samayam tamil Tamil News Spot

சிட்ரஸ் சுவை உடைய எலுமிச்சம்பழத்தை பல்வேறு டீ கலவைகளிலும் சேர்த்து அருந்தலாம். அல்லது அதனை மட்டும் மூலப்பொருளாகக் கொண்டும் டீ செய்து அருந்தலாம். எலுமிச்சம்பழத்தில் பாக்டீரியா எதிர்ப்பு பண்புகள் உள்ளதால் அவை உங்களை நோயிலிருந்து பாதுகாக்கும். அதோடு, எலுமிச்சையில் ஆன்டி ஆக்ஸிடன்ட்கள் அதிகம் நிறைந்து இருப்பதால் அவை உங்கள் உடலின் வீக்கத்தையும் குறைக்க உதவும்.

​செம்பருத்தி டீ

samayam tamil Tamil News Spot

செம்பருத்தி டீயில் பாக்டீரியா எதிர்ப்பு மற்றும் ஆன்டி மைக்ரோபியல் பண்புகள் உள்ளன. அவை உங்களுக்கு நோய் ஏற்படாமல் தடுக்கவும், ஒட்டுமொத்த உடல் ஆரோக்கியத்தை மேம்படுத்தவும் உதவும். அதேபோல், செம்பருத்தியில் உள்ள அதிக அளவு இரும்புச்சத்து, ஆக்ஸிஜனேற்றிகள் மற்றும் வைட்டமின் சி போன்றவை உங்களுக்கு பல ஆரோக்கிய நன்மைகளை அள்ளித் தருகின்றன.

குளிர்காலத்தில் இரவு தூங்கும்முன் ஏன் அத்திப்பழ பால் குடிக்க வேண்டும்

​பிளாக் டீ

samayam tamil Tamil News Spot

பிளாக் டீயில் ஆன்டி வைரல் பண்புகள் கொண்ட கேடசின்கள் நிறைந்து உள்ளன. இவை உங்களை நோயிலிருந்து காக்க உதவும். காமிலியா சினென்சிஸ் தேயிலை செடியில் இருந்து தயாரிக்கப்படும் மற்ற வகை தேநீரைப் போலவே, பிளாக் டீயிலும் ஆன்டி ஆக்ஸிடன்ட்கள் அதிகம் உள்ளது. மேலும், இது வீக்கத்தைத் தணிக்கவும், இதய ஆரோக்கியத்தை மேம்படுத்தவும் உதவுகின்றன.

மேலே குறிப்பிட்டுள்ள மூலிகை டிக்கள் உங்களின் நோய் எதிர்ப்பு மண்டலத்தை வலுப்படுத்த உதவும் பயனுள்ள பண்புகளைக் கொண்டுள்ளன. இவற்றில் பல ஆரோக்கிய நன்மைகள் இருந்தாலும், நோய்வாய்ப்பட்டிருக்கும் இதனை மட்டுமே நம்பிக் கொண்டு இருக்கக்கூடாது. மருத்துவ நிபுணரின் உதவியை நாட வேண்டும்.



Source link

Share on Social Media

Leave a Reply

Your email address will not be published. Required fields are marked *