Share on Social Media


இன்றைய காலகட்டத்தில் இதய நோய் என்பது நீரிழிவு நோய் மாதிரி சர்வ சாதாரணமான ஒன்றாக மாறி விட்டது. இளம் வயதிலேயே நிறைய பேர் இதய நோய் பாதிப்புக்கு உள்ளாகி வருகிறார்கள். நோய் கட்டுப்பாடு மற்றும் தடுப்பு மையங்களின் கருத்துப்படி, அமெரிக்காவில் 4 ல் 1 இறப்புக்கு இதய நோய் காரணமாக இருப்பது தெரிய வந்துள்ளது.

​இதய நோய்

இதய நோய் நாட்டின் முதல் ஆபத்தை விளைவிக்கக் கூடிய நோய்களில் ஒன்றாக உள்ளது. அதுமட்டுமல்லாமல் இந்த பாதிப்பு எவரையும் எப்போது வேண்டுமானாலும் எந்த அறிகுறிகளும் இல்லாமல் தாக்குகிறது. இருப்பினும் இதய நோய்க்கான சில ஆபத்துகள் வெளிப்படையாக தெரிந்தால் அதை அசால்ட்டாக விடாதீர்கள். அதற்கு உடனடியாக சிகிச்சை செய்ய வேண்டியது அவசியம். புதிய ஆராய்ச்சி ஒன்று நம் வாய் ஆரோக்கியத்திற்கும் இதய நோய் ஆபத்துக்கும் நெருங்கிய தொடர்பு உள்ளது என்று கூறுகிறது. எனவே உங்க வாயை அடிக்கடி சுய பரிசோதனை செய்து கொள்வது இதய நோய் ஆபத்தை தடுக்க முடியும் என்கிறார்கள் மருத்துவர்கள்.

சரி வாங்க உங்க வாயில் எந்த மாதிரியான அறிகுறிகள் தென்பட்டால் இதய நோய் ஆபத்து அதிகம் என தெரிந்து கொள்வோம்.

​பற்களை இழப்பவர்களுக்கு இதய நோய் ஆபத்து

samayam tamil Tamil News Spot

அமெரிக்கன் இருதயவியல் கல்லூரி மத்திய கிழக்கு மாநாட்டில் வழங்கப்பட்ட 2019 ஆய்வில், அதிர்ச்சிகரமான ஒரு உண்மையை ஆய்வாளர்கள் கண்டறிந்துள்ளனர். இதன்படி பற்களை இழந்த பெரியவர்களுக்கு இதய நோய் ஏற்படும் அபாயம் குறித்து இந்த ஆய்வில் ஆராய்ந்தனர். இதில் அமெரிக்க தரவுகளின் படி 40 முதல் 79 வயதிற்குட்பட்ட 316,500 க்கும் மேற்பட்ட நபர்களின் தரவை ஆராய்ச்சியாளர்கள் ஆராய்ந்தனர். இந்த ஆய்வில் கலந்து கொண்ட அனைத்து நோயாளிகளுக்கும் 13 சதவிகிதம் இதய நோய் இருப்பதாக ஆராய்ச்சியாளர்கள் கூறியுள்ளனர். ஒரு பல்லை இழந்தவர்கள் கூட இந்த ஆபத்தை பெற்று இருப்பது தெரிய வந்துள்ளது.

​எடை கட்டுப்பாடு

samayam tamil Tamil News Spot

உங்க எடையை நீங்கள் கட்டுக்கோப்பாக வைத்து இருந்தால் கூட இதய நோய் வரும் ஆபத்து அதிகம் என்று ஆராய்ச்சியாளர்கள் கூறுகின்றனர். உடல் நிறை குறியீட்டெண், வயது, பாலினம் , மது அருந்துதல், புகைப்பிடித்தல், நீரிழிவு நோய் மற்றும் மோசமான பல் ஆரோக்கியம் போன்ற காரணிகளால் இதய நோய் வரத்து ஏற்படலாம்.

இந்த ஆய்வில் கலந்து கொண்ட 8 சதவிகித பேருக்கு பற்கள் எதுவுமில்லை. இதில் மனச்சோர்வு மற்றும் இருதய நோய் உள்ளவர்களின் சதவீதம் 28 சதவீதமாக இருந்தது. 7 சதவீதம் பேர் பற்களை இழந்து இருதய நோயை கொண்டு இருப்பதாக தெரிய வந்துள்ளது.

எனவே இந்த ஆய்வில் இருந்து தெரிய வந்தது என்னவென்றால் பல் ஆரோக்கியத்திற்கும் இதய ஆரோக்கியத்திற்கும் இடையே நிறைய தொடர்பு உள்ளது என்று தலைமை மருத்துவர் தெரிவித்துள்ளார். ஒரு நபரின் பற்கள் விழுந்தால், அவருக்கு பிற உடல்நலக் கோளாறுகள் ஏற்படுகின்றன. எனவே உங்க இதயம் ஆரோக்கியமாக இருக்க போதுமான பல் சுகாதாரத்தையும் கடைபிடிப்பது அவசியம். இது எதிர்காலத்தில் வரும் இதய நோய் ஆபத்தை குறைக்கும்.

​ஈறு நோய்கள் பற்றிய ஆய்வு

samayam tamil Tamil News Spot

அமெரிக்க பல் சங்கத்தின் கருத்துப்படி, பரியோன்டிடிஸ் எனப்படும் ஈறு நோயின் மேம்பட்ட வடிவத்தால் பல் இழப்பு ஏற்படலாம் என்று கூறப்படுகிறது . பீரியண்டோன்டிடிஸுடன் தொடர்புடைய பாக்டீரியா மற்றும் வீக்கம் இதய நோய் அபாயத்தை அதிகரிக்கும் என்று ஆராய்ச்சியாளர்கள் சந்தேகிக்கிறார்கள் என்றும் இந்த ஆய்வு கூறுகிறது.பல ஆய்வுகள் இதய நோய் களுடன் இணைந்து பீரியண்டோன்டிடிஸின் நாள்பட்ட அழற்சியை இணைக்கின்றன.வாய்வழி பாக்டீரியாக்கள் ஆனது இதய நோய், தமனி அடைப்பு மற்றும் பக்கவாதம் ஆகியவற்றுடன் இணைக்கப்படலாம் என்றும் கூறப்பட்டது.

​வாயில் இருக்கும் பாக்டீரியா எப்படி இதயத்தை பாதிக்கிறது

samayam tamil Tamil News Spot

எனவே உங்க வாயில் ஏற்படும் வீக்கம் இதய நோய் ஆபத்துடன் தொடர்புடையதாக இருக்கலாம். உங்க வாயில் உள்ள பாக்டீரியாக்கள் இரத்த ஓட்டத்துடன் சேர்க்கப்படலாம். இந்த பாக்டீரியாக்கள் இதயத்திற்கு வந்தவுடன் இதயத்தில் உள்ள இரத்த நாளங்களிலும் வீக்கத்தை தூண்டும். இந்த வீக்கம் இதய வால்வுகளை பாதித்து அங்கே இரத்த தடைபட காரணமாகிறது. எனவே இதய நோய்களை தடுக்க ஒரே வழி ஈறு நோய்களை தடுக்க வேண்டும். எனவே வாய்வழி சுகாதாரத்தை மேம்படுத்த வேண்டும்.

வாய்வழி சுகாதாரத்தை மேம்படுத்த வழிகள்

samayam tamil Tamil News Spot

முதலில் ஒரு நாளைக்கு இரண்டு முறை பல் துலக்க வேண்டும். பற்களுக்கு இடையே நன்றாக சுத்தம் செய்ய வேண்டும்.

அதே மாதிரி வாயில் இது போன்று அறிகுறிகள் தென்பட்டால் அலட்சியமாக விட வேண்டாம். வாய் துர்நாற்றம், ஈறுகளில் இரத்தம் வடிதல், சிவந்து வீக்கம் உண்டாதல், பற்களுக்கிடையே சீழ் வடிதல், ஈறுகளில் ஏற்படும் வீக்கம், பற்களின் அமைப்பு மாறுதல் போன்ற மாற்றங்களை உடனே கவனித்து சிகிச்சை பெறுங்கள். இதன் மூலம் வாய்வழி ஆரோக்கியத்தையும் அதே நேரத்தில் இதய ஆரோக்கியத்தையும் பாதுகாக்க முடியும். இதய நோய்களில் இருந்து விலகி இருக்க முடியும் என்று ஆய்வுகள் தெரிவிக்கின்றன

Thanks for the Source

Share on Social Media

Leave a Reply

Your email address will not be published. Required fields are marked *