Share on Social Media


வயது வித்தியாசம் பார்க்காமல் எல்லோருக்கும் வரும் நோயாக மாறிவருவது ஹார்ட் அட்டாக் தான். சிலருக்கு மாரடைப்பு ஏற்பட்டது கூட தெரியாமல் இருக்கின்றனர். ஏனெனில் பெரும்பாலான மாரடைப்புகள் தெளிவான அறிகுறிகளுடன் வருவதில்லை.

இதயத்திற்குச் செல்லும் இரத்தக் குழாய்களில் படியும் கொழுப்பால், இதயத்திற்கு செல்லும் இரத்த ஓட்டம் பாதிக்கப்படும். இதனால் தான் மாரடைப்பு ஏற்படுகிறது. ஆண்களுடன் ஒப்பிடும்போது மாரடைப்புக்கான உடனடி மருத்துவ உதவியை பெண்கள் குறைவாகவே நாடுகின்றனர். ஏனெனில், பெண்களால் ஆரம்ப அறிகுறிகளை அடையாளம் காண முடியவில்லை.

​பெண்களால் அறிகுறிகளை அறிய முடியாது

பெரும்பாலான பெண்கள் தங்களின் குடும்பத்தை முதன்மைப்படுத்தி, தங்களின் உடல்நிலையை அலட்சியப்படுத்தி விடுகின்றனர். இதனால் அவர்களுக்கு அந்த அறிகுறிகளில் கவனம் செலுத்த முடிவதில்லை. பெரும்பாலான மாரடைப்பு வரும் நோயாளிகள் அதிகபட்சமாக மரணத்தை தான் தழுவுகின்றனர். இருப்பினும், ஆண்களுடன் ஒப்பிடுகையில் பெண்களுக்கு மாரடைப்பால் இறக்கும் வாய்ப்பு அதிகமாகவே உள்ளது.

அதுமட்டுமின்றி, ஆண்களை விட பெண்களுக்கு முதல் மாரடைப்பு ஏற்பட்ட 12 மாதங்களுக்குள் இரண்டாவது மாரடைப்பு ஏற்படுவதற்கான வாய்ப்புகள் அதிகம் என்றும் சான்றுகள் கூறுகின்றன.

​பெண்களுக்கான மாரடைப்பு அறிகுறிகள்

samayam tamil Tamil News Spot

பெண்களுக்கு ஏற்படும் மாரடைப்பு அறிகுறிகளை அடையாளம் காண்பது மிகவும் கடினமாகும். ஏனெனில், இந்த அறிகுறிகள் லேசாகவே இருக்கும், அதுமட்டுமின்றி, இவை நெஞ்செரிச்சல் போன்றே இருக்கும்.

குறிப்பாக மாரடைப்பு ஏற்படும் போது பெண்களுக்கு மார்பு பக்க வலி அல்லது அசௌகரியம் குறைவாகவே இருக்கும்.

ஆண்களுடன் ஒப்பிடும்போது, பெண்களுக்கு மூச்சுத் திணறல், அடிவயிற்றில் அசௌகரியம், தலைச்சுற்றல், மயக்கம், மேல் முதுகுப் பகுதியில் அழுத்தம் மற்றும் தீவிர சோர்வு போன்ற அறிகுறிகள் அடிக்கடி ஏற்படும்.

Ginger Effects : சிறுநீரக கல், பித்தப்பை கல் இருக்கிறவங்க இஞ்சியை சேர்க்க கூடாது, வேறு யாரெல்லாம் தவிர்க்கணும்? ஏன்?

​ஏன் இந்த வேறுபாடு ?

samayam tamil Tamil News Spot

மருத்துவ ரீதியாக ஆண் மற்றும் பெண்ணுக்கு ஏற்படும் மாரடைப்புக்கு வேறுபாடு இருப்பதற்கான காரணம் என்ன என்றால், இரு பாலினத்தை சேர்த்தவர்களின் கரோனரி தமனிகளின் பாதிப்பு தான்.

பொதுவாக ஆண்களுக்கு பெரிய கரோனரி தமனியில் தான் அடைப்பு ஏற்பட்டு மாரடைப்பு உண்டாகும்.

ஆனால், பெண்களுக்கு சிறிய இரத்த நாளங்களே அதிகம் பாதிக்கப்படுகின்றன. இதனால் தான் அவர்களால் அறிகுறிகளை உடனடியாக அறிய முடிவதில்லை.

உடம்பு எப்பவும் சோர்வாவே இருக்கா… இந்த 5 பானங்கள்ல ஒன்னு குடிங்க… உடனே சுறுசுறுப்பா துள்ளி குதிப்பீங்க…

​காரணிகள்

samayam tamil Tamil News Spot

பொதுவாக உடல் பருமன், நீரிழிவு நோய், உயர் இரத்த அழுத்தம், உயர் கொழுப்பு, கருத்தடை மாத்திரைகள் பயன்படுத்துவது, மது அருந்துவது மற்றும் புகைப்பிடிப்பது போன்றவை பெண்களுக்கு அதிக அளவில் மாரடைப்பு ஏற்படுவதற்கான காரணிகளாக உள்ளன.

இதுகுறித்த ஒரு ஆய்வில், 4,50,000 பேர் உட்படுத்தப்பட்டனர். இதில் ஆண்களுடன் ஒப்பிடும்போது பெண்களுக்கு நீரிழிவு நோய் காரணமாக ஏற்படும் மாரடைப்பு 50 சதவீதம் அதிகமாக இருப்பதாக அறியப்பட்டுள்ளது.

வயதான பெண்களை ஆண்களுடன் ஒப்பிடும்போது, அவர்களுக்கு மாரடைப்பு ஆபத்து அதிகமாகவே உள்ளது. இளவயது பெண்களுக்கு ஈஸ்ட்ரோஜன் என்ற ஹார்மோன் இதய நோய்களுக்கு எதிராக பாதுகாப்பை வழங்குவதில் முக்கிய பங்கு வகிக்கிறது.

மாதவிடாய் நின்ற பின், ஈஸ்ட்ரோஜன் உற்பத்தியின் அளவு குறைந்து, இதய நோய் அபாயம் அதிகரிக்கும். ஆண்களுடன் ஒப்பிடுகையில், மாதவிடாய் நின்ற பெண்களுக்கு 14 சதவீதம் உயர் இரத்த அழுத்தம் மற்றும் இதய நோய் அபாயம் உள்ளது.

​எப்படி தடுப்பது ?

samayam tamil Tamil News Spot

நீரிழிவு, இரத்த அழுத்தம் போன்ற அதிக ஆபத்துள்ள பெண்கள் வழக்கமான இதயப் பரிசோதனைகள் மற்றும் சில வாழ்க்கை முறை மாற்றங்களை செய்வதன் மூலம் மாரடைப்பால் ஏற்படும் இறப்பு விகிதத்தைக் குறைக்க முடியும். வாழ்க்கை முறை மாற்றங்கள், உணவு மற்றும் உடற்பயிற்சி, உயரத்திற்கு ஏற்ற உடல் எடையை பராமரிப்பது போன்றவையும் மாரடைப்பு ஏற்படுவதைத் தடுக்க முடியும்.

weight lose: மார்பகத்தின் அளவு குறையாமல் உடல் எடையை மட்டும் குறைக்க என்ன செய்ய வேண்டும்?

​கடைபிடிக்க வேண்டியவை

samayam tamil Tamil News Spot

உணவில் காய்கறிகள் மற்றும் பழங்கள், கார்போ ஹைட்ரேட்டுகள் மற்றும் மீன் மற்றும் ஒமேகா 3 கொழுப்பு அமிலங்கள் நிறைந்துள்ள நட்ஸ் மற்றும் விதைகள் ஆகியவற்றை சேர்க்க வேண்டும்.

அதேபோல், சில வகை உணவுகளை முடிந்த அளவு தவிர்க்க வேண்டும். அதாவது வறுத்த மற்றும் பதப்படுத்தப்பட்ட உணவுகள், நிறைவுற்ற கொழுப்பு நிறைந்த உணவுகள், கொலஸ்ட்ரால் நிறைந்த உணவுகள் போன்றவற்றை குறைத்துக் கொள்ள வேண்டும். அதேபோல், புகைப்பிடித்தல், மது போன்றவற்றையும் தவிர்த்து விட வேண்டும்.



Source link

Share on Social Media

Leave a Reply

Your email address will not be published.