Share on Social Media


வேலைக்குப் போகும் பெண்கள் வெளியில் பார்ப்பதற்கு அவர்களுக்காக மட்டுமே முழு நேரத்தையும் அவர்கள் செலவிடுவது போன்ற தோற்றம் இருக்கும். ஆனால் அது உண்மையில்லை. நன்றாக உற்று கவனித்தால் அவர்கள் நாள் முழுக்க தங்களைச் சுற்றியுள்ளவர்களுக்காக மட்டுமே யோசிக்கிறார்கள். அது அலுவலகமாகவோ அல்லது வீட்டில் உள்ளவர்களாகவோ யாராகவும் இருக்கலாம். அதனால் அவர்களுடைய மன அழுத்தம் நாளுக்கு நாள் அதிகமாகிக் கொண்டே தான் போகிறது. இதற்கு என்ன தான் செய்ய வேண்டும்? உண்மையில் உங்களுக்கு என்று நேரம் ஒதுக்க வேண்டும். நீங்கள் நல்ல மன ஆரோக்கியத்துடனும் உடல் ஆரோக்கியத்துடனும் இருந்தால் தான் உங்க குடும்பத்திலும் உங்க வேலையிலும் ஒரு சூப்பர் வுமனாக ஜொலிக்க முடியும். இதோ அதற்கான சில டிப்ஸ்கள்.

​வேலைக்குப் போகும் பெண்கள்

இன்றைய நவீன சூழலில் ஆண் பெண் இருவரும் வேலைக்கு போகும் சூழல் நிலவி வருகிறது. அதிலும் பெண்கள் வேலைக்கு போகும் போது வீட்டு மற்றும் அலுவலக சூழ்நிலை இரண்டையும் சமாளிக்க வேண்டிய நிர்ப்பந்தம் உள்ளது. இதனாலேயே நிறைய பெண்கள் மன அழுத்தத்திற்கு ஆளாகின்றனர். மேலும் வேலைக்கு போகும் அவசரத்தில் அவர்கள் ஒரு ஆரோக்கியமான உணவையும் எடுத்துக் கொள்ள முடிவதில்லை. தங்கள் உடல் நிலையை பராமரிக்கவும் உடற்பயிற்சி செய்யவும் அவர்களுக்கு போதுமான நேரம் கிடைப்பதில்லை.

​உடல், மன ஆரோக்கியம் பேண

samayam tamil Tamil News Spot

வேலையில் “சூப்பர் வுமன்” ஆக திகழும் ஒவ்வொரு பெண்ணும் தங்கள் ஆரோக்கியத்தில் பின்தங்கி இருக்கிறார்கள். எனவே அவர்களுக்கு மன தளவிலும் உடலளவிலும் சில ஆரோக்கிய டிப்ஸ்கள் அவசியம். வேலைக்கு போகும் பெண்கள் ஒரு பக்கம் குடும்பத்தின் தேவைகளையும் குழந்தைகளின் தேவைகளையும் மறுபக்கம் அலுவலக வேலைகளையும் நிறைவேற்றிக் கொண்டே இருக்கிறார்கள். இதற்கிடையில் அவர்களைப் பற்றி நினைப்பது ஆபூர்வமான ஒன்றாக இருக்கிறது.

ஆனால் பெண்கள் தங்கள் ஆரோக்கியத்திற்கும் முதலில் முன்னுரிமை அளிக்க வேண்டியது அவசியம். அதற்காகத்தான் வேலைக்கு போகும் பெண்களுக்காக நாங்கள் சில டிப்ஸ்களை இங்கே வழங்கி உள்ளோம்.

​உங்களுக்கென்று நேரம் ஒதுக்குங்கள்:

samayam tamil Tamil News Spot

உங்க வேலை மற்றும் குடும்பம் போன்ற பிஸியான வரிசையில் இருந்து உங்களுக்கென்று சிறிது நேரம் ஒதுக்குங்கள். உங்களுக்கு மகிழ்ச்சி அளிக்கக் கூடிய செயலில் ஈடுபடலாம். உதாரணமாக ஒரு மணி நேரம் தியானம், மியூசிக் கேட்பது, ஓய்வெடுப்பது, ஓவியம் தீட்டுதல் போன்ற எந்தவொரு விஷயங்களையும் நீங்கள் செய்யலாம்.

​மன்னிப்பு கேட்பதை நிறுத்துங்கள் :

samayam tamil Tamil News Spot

உங்களுடைய அலுவலக மேலாளராக இருக்கட்டும், உங்க குடும்பத்தினர், நண்பர்கள் இப்படி யாராக இருந்தாலும் அவர்கள் எதிர்பார்ப்பை நீங்கள் பூர்த்தி செய்யாது குறித்து குற்றம் உணர்ச்சியில் மூழ்காதீர்கள். அதற்காக மன்னிப்பு கேட்காதீர்கள். உங்களால் முடிந்த காரியங்களை நீங்கள் நன்றாகவே செய்து வருகிறீர்கள்.

​ஆரோக்கியத்திற்கு முன்னுரிமை அளித்தல் :

samayam tamil Tamil News Spot

உங்களுடைய சொந்த ஆரோக்கியத்திற்கு முன்னுரிமை அளிப்பது மிகவும் அவசியம். அதை குறைத்து மதிப்பிட வேண்டாம். நீங்கள் சோர்வாக இருக்கும் போது ஓய்வெடுங்கள். உங்க உடல்நலத்தை கவனித்துக் கொள்ளுங்கள்.

நீங்கள் ஒரு சூப்பர் விமனாக இருப்பதோடு மட்டுமல்லாமல் ஒரு ஆரோக்கியமான பெண்ணாக இருக்கவும் முயற்சி செய்யுங்கள். உங்கள் மகிழ்ச்சியான நேரத்தை கண்டறிந்து அதில் உங்க நேரத்தை செலவிடுங்கள்.



Source link

Share on Social Media

Leave a Reply

Your email address will not be published. Required fields are marked *