Share on Social Media



ஒவ்வொரு பருவகால மாற்றத்தின் போதும் உடலில் இருக்கும் நொய் எதிர்ப்பு மண்டலத்தை வலுப்படுத்துவது அவசியமானதாகவே இருக்கிறது. பாரம்பரியமாகவே ஆயுர்வேதமும் வரும் முன் காப்போம் என்பது போன்று எளிமையான வீட்டு வைத்தியங்களை பின்பற்றுகிறது. தற்போது மழைக்காலத்தில் அதிகம் சந்திக்கும் தொற்றுகளை எதிர்கொள்ள ஆயுர்வேதம் பரிந்துரைக்கும் லேகியம் குறித்து பார்க்கலாம்.

​ஆயுர்வேதத்தில் மிளகு லேகியம்

பாரம்பரியமாக ஜலதோஷம் போன்ற தொற்றுக்கு உதவக்கூடிய மிளகு லேகியம் தயாரிக்கும் முறை குறித்து ஆயுர்வேத மருத்துவ நிபுணர் டாக்டர். G.K.தாராஜெயஸ்ரீ BAMS தரும் குறிப்புகளை பார்க்கலாம்.

வலி மிகுந்த ஒழுங்கற்ற மாதவிடாய்க்கு ஆயுர்வேத மருத்துவர் தரும் குறிப்புகள், தவிர்க்காம ஃபாலோ பண்ணுங்க!

மிளகு லேகியம் என்பது பாரம்பரியமான ஆயுர்வேத மருந்து. இது ஜலதோஷம் மற்றும் காலநிலை மாற்ற நோய்த்தொற்றுகளுக்கு எளிய வீட்டு வைத்தியமாக இருக்கும்.

மிளகு லேகியம் தயாரிக்கும் முறை

samayam tamil Tamil News Spot

தேவை

மிளகு – கால் டம்ளர்

கருப்பட்டி- இனிப்புகேற்ப

பால் – 1 டம்ளர்

இஞ்சி – தோல் உரித்து சாறு எடுத்தது – 3 டீஸ்பூன்

நெய் – 6 டீஸ்பூன்

மிளகை பாலில் சேர்த்து ஊறவிடவும். குறைந்தது 8 மணி நேரம் வரை ஊறவேண்டும். பிறகு பால் சேர்த்து மிளகை மைய அரைக்கவும். கருப்பட்டியை இலேசாக தண்ணீர் விட்டு பாகு போல் காய்ச்சவும். அதனுடன் மைய அரைத்த பாலுடன் சேர்த்த மிளகை கலந்து கை விடாமல் கிளறவும்.

பிறகு இஞ்சி சாறு சேர்த்து அடுப்பை மிதமான தீயில் வைத்து கிளறி எடுக்கவும். இவை அல்வா பதம் வரும் வரை வைத்து கிளறவும். அடிகனமான பாத்திரமாக இருந்தால் அடிபிடிக்காமல் வரும். சுருள வரும் போது நெய்யை ஊற்றி இறக்கி ஈரமில்லாத பாட்டிலில் அடைத்து வைக்கவும். மிளகு லேகியம் தயார்.

​எப்படி எடுத்துகொள்ள வேண்டும்

samayam tamil Tamil News Spot

இதை குழந்தைகளுக்கு பட்டாணி அளவிலும் வளர்ந்த பிள்ளைகளுக்கு சுண்டக்காய் அளவிலும் பெரியவர்களுக்கு அரை நெல்லிக்காய் அளவும் கொடுக்கலாம். குளிர்காலத்திலும் மழைக்காலத்திலும் தினமும் ஒரு உருண்டை சாப்பிடலாம்.

மிளகின் காரம் இருந்தாலும் நெய் சேர்ப்பதால் காரம் மட்டுப்படும் என்றாலும் மிளகின் வாசம் இருக்கும். அதோடு கருப்பட்டி சேர்த்தாலும் மிளகின் காரச்சுவையும் சுவை மொட்டுகள் உணரும். காய்ச்சல், சளி, ஜலதோஷம், இருமல் நேரங்களில் நாளைக்கு இரண்டு சாப்பிடலாம்.

​பலன்கள் என்ன

samayam tamil Tamil News Spot

மிளகின் சுவை காரம், கருப்பட்டி இனிப்பு, இஞ்சி காரம் என எல்லாமாய் சேர்ந்து தும்மல் மற்றும் இருமலுக்கு சிறந்த தடுப்பு மருந்தாக இருக்கும். பாரம்பரியமாகவே பருவகால மாற்றத்தில் உண்டாகும் தொற்றை தடுக்க இவை பயன்படுத்தப்படுகிறது.

சளி, இருமலுக்கு தேன் எலுமிச்சை நல்லது. யாருக்கு இந்த வைத்தியம் செய்யலாம், எப்படி செய்யலாம்!

தினமும் ஒரு சிறு உருண்டை எடுத்துகொள்வதன் மூலம் குளிர்கால மற்றும் மழைக்கால ஜலதோஷத்தை தடுக்கும். அதே நேரம் சளி, காய்ச்சலுக்கு மாற்று மருந்தாக இவை செயல்படாது என்பதையும் அறிந்துகொள்ளுங்கள்.



Source link

Share on Social Media

Leave a Reply

Your email address will not be published. Required fields are marked *