Share on Social Media



கூந்தல் வளர்ச்சி சீராக இருக்க சரியான பராமரிப்பு, ஊட்டச்சத்துமிக்க உணவுகள் இரண்டும் மிகவும் அவசியம். இதனால் ஆரோக்கியமான கூந்தல் வளர்ச்சி கொண்டிருந்தாலும் பொடுகு, முடி உதிர்வு, நுனி பிளவு, உச்சந்தலை வறட்சி, வெடிப்பு போன்ற பிரச்சனைகள் கூந்தலின் வளர்ச்சியை பாதிக்க செய்கின்றன. கூந்தலின் ஒட்டு மொத்த பிரச்சனையும் தடுத்து கூந்தலை நீளமாக வளர்க்க உதவும் எளிமையான கூந்தல் வளர்ச்சி எண்ணெய் குறித்து பார்க்கலாம்.

​கூந்தல் எண்ணெய்

தேவை

தேங்காயெண்ணெய் – 200 மில்லி

ஆலிவ் எண்ணெய் – 100 மில்லி

பாதாம் எண்ணெய் – 50 மில்லி

விளக்கெண்ணெய் – 30 மில்லி

செம்பருத்தி பூக்களின் இதழ்கள் – அரை கைப்பிடி

நெல்லிக்காய் சாறு – 30 மில்லி

வேப்பிலை – ஒரு கைப்பிடி அளவு

எண்ணெய் கூந்தலோ, வறண்ட கூந்தலோ இந்த அஞ்சுல ஒரு பேக் போடுங்க, முடி பளபளன்னு இருக்கும்!

அனைத்து எண்ணெய்களையும் கலந்து விடவும். வேப்பிலை நசுக்கி சாறு எடுக்கவும். நெல்லிக்காய் சாறு எடுக்கவும். எண்ணெயை கொதிக்க வைத்து அதில் வேப்பிலை சாறு, நெல்லிக்காய் சாறு இரண்டையும் கலந்து கொதிக்க விடவும். ஈரம் போக வெடிப்பு சத்தம் அடங்கியதும் இறக்கி செம்பருத்தி பூக்களின் இதழ்கள் சூடோடு சேர்க்கவும்.

இவை குளிர வைத்து இறக்கி கண்ணாடி பாட்டிலில் ஊற்றி பயன்படுத்தவும். இந்த கூந்தலில் பயன்படுத்தும் எல்லா பொருள்களும் கூந்தலுக்கு என்ன நன்மைகள் செய்கிறது என்பதை பார்க்கலாம்.

​தேங்காயெண்ணெய்

samayam tamil Tamil News Spot

தேங்காயெண்ணெய் கொழுப்பு அமிலங்கள் நிறைந்துள்ளது. இது கூந்த்லை ஹைட்ரேட் செய்ய உதவும் என்று ஆய்வுகள் தெரிவிக்கிறது. தேங்காயெண்ணெய் சூரிய ஒளியிலிருந்து கூந்தலுக்கு பாதுகாப்பு அளிக்கிறது. வறட்சி இல்லாமல் கூந்தலை வைத்திருக்க செய்கிறது.

இதில் இருக்கும் கொழுப்பு அமிலங்கள் மற்றும் வைட்டமின்கள் கூந்தலுக்கு ஆழமாக சென்று மயிர்க்கால்களை ஈரப்பதமாக்கி ஹைட்ரேட் செய்கின்றன. இதில் இருக்கும் பூஞ்சை எதிர்ப்பு பண்புகள் பொடுகை வேரோடு அழிக்கிறது. நரைமுடியை தடுக்க செய்கிறது. கூந்தலுக்கு வேண்டிய புரோட்டினை அளிக்கிறது.

​ஆலிவ் எண்ணெய்

samayam tamil Tamil News Spot

ஆலிவ் எண்ணெயில் வைட்டமின் ஈ உள்ளது. இது கூந்தல் வளர்ச்சிக்கு முக்கிய ஊட்டச்சத்து. ஆலிவ் எண்ணெய் கொழுப்பு அமிலங்களை கொண்டது. இது கூந்தலின் வேர் வரை சென்று கூந்தலின் வளர்ச்சியை ஊக்கப்படுத்துகிறது. ஆலிவ் எண்ணெயில் இருக்கும் ஒலியாக் அமிலம் முடிக்கு ஈரப்பதத்தை ஊக்குவித்து பளபளப்பை அதிகரிக்கிறது.

​பாதாம் எண்ணெய்

samayam tamil Tamil News Spot

பாதாம் எண்ணெயில் வைட்டமின் இ நிறைந்துள்ளது. இது கூந்தலை ஈரப்பதமாக வைத்திருக்க செய்கிறது. இது பொடுகை கட்டுப்படுத்தி கூந்தல் வளர்ச்சிக்கு உதவுகிறது. சற்று விலை உயர்ந்த எண்ணெயான இது கூந்தலுக்கு ஊட்டமும் பளபளப்பும் அளிக்கிறது.

​விளக்கெண்ணெய்

samayam tamil Tamil News Spot

விளக்கெண்ணெய் கூந்தலுக்கு அற்புதம் செய்யகூடியது. கூந்தல் உஷ்ணத்தால் ஏற்படும் பிரச்சனைக்கு நல்ல தீர்வாக இது இருக்கும். முடி உதிர்வை கட்டுப்படுத்தும் தன்மை கொண்டது. இதில் பிஜிடி 2 அதிகம் உள்ளது. ஆய்வுகளின் படி விளக்கெண்ணெய் முடி இழப்பை தடுக்க உதவுகிறது. இதனால் கூந்தல் வளர்ச்சி ஆரோக்கியமாக அதிகரிக்கிறது.

நெல்லிக்கனி

samayam tamil Tamil News Spot

மயிர்க்கால்களுக்கு நெல்லிக்கனி டானிக் ஆகும். இது தலைமுடியில் கொலாஜன் அளவை அதிகமாக்கி முடி வளர்ச்சியை ஊக்குவிக்கிறது. நெல்லிக்காய் சாறு முன்கூட்டிய நரையை தடுக்க உதவுகிறது.

மங்கலான சோர்வான கூந்தலை பளபளக்க வைக்கும் ஆற்றல் நெல்லிக்கனிக்கு உண்டு. நெல்லிக்காயை ஹேர் டையிலும் சேர்க்கலாம். கூந்தல் தைலம் அனைத்திலும் சேர்க்கலாம்.

​செம்பருத்தி பூக்கள்

samayam tamil Tamil News Spot

செம்பருத்தி பூக்கள் கூந்தலை பட்டுபோல் வைக்க கூடியவை. முடியை மென்மையாக வைத்திருக்கும். பளபளப்பான கூந்தலுக்கு ஷாம்புக்கு மாற்றாக செம்பருத்தியே போதுமானது என்று சொல்லும் அளவுக்கு கூந்தலுக்கு முக்கியமானது. இது கூந்தலை அடர்த்தியாக உறுதியாக செழிப்பாக வளர்க்க உதவுகிறது. உச்சந்தலையை சுத்தமாக வைத்து கூந்தலின் வளர்ச்சிக்கு வெகுவாக உதவும்.

​வேப்பிலை

samayam tamil Tamil News Spot

வேப்பிலை கிருமித்தொற்றை நீக்கும் அற்புதமான மூலிகை. கூந்தல் வளர்ச்சியில் தடையை உண்டாக்கும் உச்சந்தலை தொற்று, பொடுகு, பேன் போன்றவற்றை வெளியேற்றி கூந்தலை சுத்தமாக வைத்திருக்கும். முடி வளர்ச்சி ஆரோக்கியமாக இருக்கும். வேப்பிலைக்கு மாற்றாக வேப்ப எண்ணெய் பயன்படுத்தலாம்.

பொடுகு, நரைமுடி, முடி உதிர்வுக்கு கரிசலாங்கண்ணியை எப்படி பயன்படுத்துவது? நிபுணர் சொல்லும் குறிப்பு!

கூந்தலுக்கு இந்த எண்ணெயை தொடர்ந்து பயன்படுத்தி வந்தால் கூந்தல் பிரச்சனைகள் படிப்படியாக சரியாகி கூந்தல் வளர்ச்சி அதிகரிக்கும். இயற்கையான பக்கவிளைவு இல்லாத இந்த கூந்தல் தைலம் உண்மையில் கூந்தல் வளர்ச்சிக்கு சிறந்த ஹேர் டானிக் தான்.



Source link

Share on Social Media

Leave a Reply

Your email address will not be published. Required fields are marked *