Share on Social Media


ஆரோக்கியமான தோல் மற்றும் சருமம் இரண்டுக்கும் உதவும் அத்தியாவசியமான வைட்டமின்கள் ஐந்து தான். நம் சருமமும் மற்றும் கூந்தல் பிரச்சனைகளுக்கு பெரும்பாலும் வைட்டமின் குறைபாடாக இருக்கலாம்.அப்படி சருமத்துக்கும், கூந்தலுக்கும் முக்கியமான வைட்டமின் என்னென்ன என்பதை பார்க்கலாம்.

Skin And Hair : முகம் ஜொலிக்கவும், முடி வளரவும் இந்த அஞ்சு வைட்டமின் போதுமாம்! என்னென்ன தெரியுமா?

மாசு, மன அழுத்தம், மோசமான உணவு முறை, ஜங்க் ஃபுட் போன்றவை எல்லாமே முகப்பரு, மந்தமான முடி, தோல் பிரச்சனைகளை உண்டாக்கும். சருமத்துக்கும் கூந்தலுக்கும் டோனர்கள், மாய்சுரைசர்கள் மற்றும் சீரம் பயன்படுத்தினாலும் உணவில் அனைத்து முக்கிய வைட்டமின்களின் சரியான அளவை பெறாவிட்டால் ஒரு போதும் சருமமும் முடியும் ஆரோக்கியமாக இருக்காது.

வேகன் ஹேர் டை கேள்விப்பட்டிருக்கீங்களா? முடிக்கு உடலுக்கு பக்கவிளைவில்லாது, கர்ப்பிணிக்கு கூட!

கூந்தல் நீளமாக இருப்பது உண்மையில் வைட்டமின்கள் ஆரோக்கியமாக இருப்பதால் தான். வைட்டமின்கள் சருமத்துக்கு தேவையான நுண்ணூட்டச்சத்துக்களை அளிக்கின்றன.

ஒளிரும் தோல் மற்றும் ஆரோக்கியமான கூந்தலுக்கான ரகசியம் சரியான ஊட்டச்சத்தை பெறுவதும் கூட அப்படியான முக்கிய ஐந்து வைட்டமின்கள் குறித்து பார்க்கலாம்.

​வைட்டமின் ஏ

samayam tamil Tamil News Spot

வைட்டமின் ஏ சரும நன்மைகளில் முக்கியமானவை இது வயதான தோற்றத்துக்கு எதிராக செயல்படும். முகப்பருவை எதிர்த்து போராடும். ஹைப்பர் பிக்மெண்டேஷன், நேர்த்தியான கோடுகள் மற்றும் சிவத்தல் போன்றவற்றின் மேற்பூச்சு சிகிச்சைக்கு ரெட்டினோயிக் அமிலம் பரிந்துரைக்கப்படுகிறது.

வைட்டமின் ஏ புரத தொகுப்பானது உயிரணு வேறுபாட்டுக்கு உதவுகிறது. இது எபிலிடீஸ் திசுக்களை வலுப்படுத்த உதவுகிறது. இது முன்கூட்டிய வயதை தக்க வைத்து சேதமடையும் ஃப்ரீ ரேடிக்கல்களை எதிர்க்க செய்கிறது. கொலாஜனை பாதுகாக்க செய்கிறது. சூரியனிடமிருந்து சருமத்தை பாதுகாக்கிறது.

வைட்டமின் ஏ கூந்தலுக்கு உயிரணுக்களின் வளர்ச்சியை அதிகரிக்கிறது. இது முடி வளர்ச்சியை அதிகரிக்கும் மற்றும் உலர்ந்த உச்சந்தலையை குணப்படுத்தும். இது அடர்ந்த பச்சை பழங்கள், இலை காய்கறிகள், ப்ரக்கோலி, இனிப்பு உருளைக்கிழங்கு, கீரை, கேரட், ஆப்ரிகாட், முட்டையின் மஞ்சள் கரு, விலங்குகளின் கல்லீரல் மற்றும் பாலில் உள்ளது.

​வைட்டமின் பி

samayam tamil Tamil News Spot

தயமின் பி 1, ரைபோஃப்ளேவின் பி2, நியாசின் பி 3, பாந்தோத்தேனிக் அமிலம் பி 5, பி6, பயோட்டின் பி 7, ஃபோலேட் பி 9, மற்றும் பி 12. இந்த பி குழுமம் ஆரோக்கியமான சருமத்தையும் முடியையும் பராமரிக்க உதவுகிறது.

நியாசின் அல்லது வைட்டமின் பி3 சரும நன்மைகளை கொண்டுள்ளது. சருமத்தில் ஈரப்பதத்தை சேர்ப்பது தோல் வறட்சியை குறைக்கிறது. சருமத்தின் தோல் அழற்சியை குணப்படுத்துகிறது. வைட்டமின் பி 2 உயிரணுக்களின் வளர்ச்சியை விரைவுப்படுத்துகிறது. இது முடியின் இயற்கையான வளர்ச்சிக்கு அவசியம்.

வைட்டமின் பி 5 ஊட்டச்சத்தை அளிக்கிறது . இது சருமத்தை மென்மையாக வைத்திருக்கிறது. பயோட்டின் கூந்தல் உடைவதை தடுக்க உதவுகிறது. பயொட்டின் குறைபாடு முடி உதிரதலை ஊக்குவிக்கும். பயோட்டின் நிறைவாக இருந்தால் முடிக்கு பிரகாசத்தையும் சருமத்துக்கு ஆரோக்கியத்தையும் அளிக்கிறது.

முட்டை, கோழி, விலங்குகளின் மார்பகம், கல்லீரல், பால், தயிர், பருப்பு, விதை, பீன்ஸ், பட்டாணி வேர்க்கடலை , காளான், அவகேடோ, காலிஃப்ளவர், முழு தானியங்கள், அரிசி, ஈஸ்ட் மற்றும் வாழைப்பழம்.

​வைட்டமின் சி

samayam tamil Tamil News Spot

வைட்டமின் சி மற்றொரு வலுவான இயற்கை ஆக்ஸிஜனேற்றியாகும். இது நம் உடலுக்குள் உருவாக முடியாது. அதை தவறாமல் எடுத்துகொள்ள வேண்டும்.

இது ஃப்ரீரேடிக்கல்களுக்கு எதிராக சருமத்தை பாதுகாக்கிறது. வயதான தோற்றத்தை குறைக்கிறது. சருமம் கடுமையான சேதங்களிலிருந்து காப்பாற்றப்படுகிறது. இது கொலாஜன் உருவாவதற்கு உதவுகிறது.

சருமத்தில் சுருக்கங்கள், கோடுகள், தொய்வு போன்ற நிலைகளை தடுக்கிறது. வைட்டமின் சி சருமத்தின் ஆக்ஸிஜனேற்ற பண்புகளை அதிகரிக்கிறது. உடல் முழுவதும் இரத்த ஓட்டத்தை ஊக்குவிக்கிறது.

சென்சிடிவ் சருமமா இருக்கிறவங்க போட வேண்டிய ஃபேஸ் பேக் என்ன ? என்ன நன்மை கிடைக்கும்?

முடி வளர்ச்சியின் நுண்னறைகளை தூண்டுவதன் மூலம் முடி வளர்ச்சியை விரைவாக்குகிறது. முடி இழைகளை வலிமையாக்குகிறது. முடி உதிர்தலை தடுக்கிறது. சருமத்தில் ஆரோக்கியமான இரத்த நாளங்களை பராமரிக்க உதவுகிறது. முடி நிறத்தை பிரகாசமாக வைத்திருக்கிறது.

சிட்ரஸ் பழங்கள், பச்சை இலை காய்கறிகள்ம் கீரைகள், சிவப்பு மிளகாய், குடைமிளகாய், காலிஃப்ளவர், கிவி பழங்கள், கருப்பட்டி, லிச்சி, முளைகட்டிய உணவு, க்ரேப் ஃப்ரூட், பப்பாளி, கொய்யா, மற்றும் மாங்காய்.

​வைட்டமின் டி

samayam tamil Tamil News Spot

வைட்டமின் டி உடலுக்கு செய்யக்கூடிய நன்மைகள் அறிவோம். இது எலும்பு ஆரோக்கியத்தை பராமரிக்க உதவும். இது மிக முக்கியமான வைட்டமின்களில் ஒன்று. இது சருமம் மற்றும் முடியின் பராமரிப்புக்கு இந்த வைட்டமின் தேவை.

இந்த ஊட்டச்சத்து குறைபாடு ரிக்கெட்ஸ், நீரிழிவு நோய், இதய நோய் மற்றும் புற்றுநோய் உள்ளிட்ட பல மருத்துவ நிலைமைகளுக்கு வழிவகுக்கும். உடல் இயற்கையாகவே வைட்டமின் டி ஐ சூரியனிடமிருந்து எடுத்து கொள்கிறது.

தடிப்புகள், ஒவ்வாமை, முகப்பரு, அடோபிக் டெர்மடிடிஸ் போன்ற பிரச்சனைகளை கட்டுக்குள் வைக்கிறது. வைட்டமின் டி குறைபாடு பெண்களின் முடி உதிர்தலுடன் இணைக்கப்பட்டுள்ளது. இந்த முக்கிய ஊட்டச்சத்து மயிர்க்கால்கள் மற்றும் முடி வளர்ச்சியை ஊக்குவிக்கிறது.

இது முழு தானீயங்கள், காளான், மீன், கல்லீரல் எண்ணெய், முட்டையின் மஞ்சள் கரு, சூரிய ஒளி மற்றும் ஆரஞ்சு சாறு போன்றவற்றில் உள்ளது.

​வைட்டமின் ஈ

samayam tamil Tamil News Spot

சரும பராமரிப்பில் வைட்டமின் ஈ உடன் செறிவூட்டப்பட்ட தயாரிப்புகள் அதிகம் உண்டு. உலர்ந்த வறண்ட சருமம் இருந்தால், வைட்டமின் ஈ உடன் ஈரப்பதமூட்டும் க்ரீம் பரிந்துரைக்கப்படுகிறது. ஆரோக்கியமான தோல் மற்றும் நீண்ட கூந்தலுக்கு இன்றியமையாத வைட்டமின் ஆகும்.

ஆரோக்கியமான தோல் மற்றும் அழகான முடிக்கும் இந்த வைட்டமின் ஈ உதவுகிறது. கொலாஜன் உற்பத்தியை தூண்டிவிடுகிறது. வைட்டமின் ஈ சிறந்த ஆக்ஸிஜனேற்றியாகும். இது வயதான அறிகுறிகளையும் எதிர்க்கும் தன்மை கொண்டது.

ஆண்கள் சருமம்: முகத்துல வயசு தெரியாம இளமையா இருக்க இந்த 10 விஷயத்தை ஃபாலோ பண்ணுங்க!

உச்சந்தலையில் இரத்த ஓட்டத்தை தூண்டுவதன் மூலம் முடி வளர்ச்சியை ஊக்குவிக்கிறது. இது சருமத்தையும் கூந்தலையும் ஈரப்பதமாக வைத்திருக்கிறது.

தானியங்கள், ரொட்டி, இலை, பச்சை காய்கறிகள், விதைகள், கொட்டைகள், சோய், அஸ்பாகரஸ், கனோலா எண்ணெய் மற்றும் சூரியகாந்தி எண்ணெய்.

Thanks for the Source

Share on Social Media

Leave a Reply

Your email address will not be published. Required fields are marked *