Share on Social Media


ஹைலைட்ஸ்:

  • இணையத்தில் வைரலான பூம் பூம் மாட்டுக்காரர் வீடியோ.
  • ஜிவி பிரகாஷ் இசையில் வாசிக்கும் வாய்ப்பை பெற்ற பூம் பூம் மாட்டுக்காரர்.
  • ஜிவி பிரகாஷின் பேச்சுலர் திரைப்படம் விரைவில் ரிலீஸ்.

சில நாட்களுக்கு முன்னர் இணையதளங்களில் பூம்பூம் மாட்டுக்காரர் ஒருவர் இனிமையான இசை வாசித்து கொண்டே, தெருவில் நடந்த ஒருவரின் வீடியோ அனைவரையும் கவர்ந்தது. இந்த வீடியோவை பார்த்த பிரபல இசையமைப்பாளர் ஜிவி பிரகாஷ் இந்த நபரை பற்றி தெரிந்தவர், அவரை பற்றி தெரிவிக்குமாறு கேட்டிருந்தார். இந்நிலையில் அவரின் முகவரியை கண்டு பிடித்துள்ள ஜிவி பிரகாஷ், தன்னுடைய இசையில் வாசிக்க அவருக்கு வாய்ப்பு கொடுக்க உள்ளதாக தெரிவித்துள்ளார்.

கடந்த சில நாட்களுக்கு முன்பு பூம் பூம் மாட்டுக்காரர் ஒருவர் நாதஸ்வரம் வாசித்தப்படி யாசகம் கேட்கும் வீடியோ ஒன்று இணையத்தில் வைரலானது. அந்த வீடியோவை தனது ட்விட்டர் பக்கத்தில் ஷேர் செய்த இசையமைப்பாளர் ஜிவி பிரகாஷ், இவரை கண்டுபிடிக்க யாராவது உதவினால் அவருக்கு நான் வாய்ப்பு கொடுப்பேன் என்றும் அவருடைய இசை மிகவும் உன்னதமாக இருப்பதாகவும் தெரிவித்திருந்தார்

இந்த நிலையில் சிலர் அந்த பூம்பூம் மாட்டுக்காரர் பற்றிய விவரங்களை தற்போது கண்டுபிடித்துள்ளனர். அவருடைய பெயர் நாராயணன் என்றும் அவர் பெங்களூரில் இருப்பதாகவும் கூறிய அவர்கள், அவருடைய தொலைபேசி எண்ணையும் ஜிவி பிரகாஷ் அவர்களுக்கு பகிர்ந்தனர்.

பாலியல் குற்றவாளியை தூக்கில் போடுங்கள்: பிஎஸ்பிபி விவகாரம் குறித்து நடிகர் விஷால் ஆவேசம்!
இந்நிலையில் நெட்டிசனின் அந்த பதிவை பார்த்த ஜிவி பிரகாஷ், அருமை.. நன்றி.. என் குழுவினர் அவருடன் பேசுவார்கள். அவருடன் வரும் மாதங்களில் விரைவில் ரெக்கார்டிங் செய்ய முடியும் என்று நம்புகிறேன் என பதிவிட்டுள்ளார். இதனை பார்த்த ரசிகர்கள், ஜிவி பிரகாஷின் இந்த செயலுக்கு பாராட்டுக்கள் தெரிவித்து வருகின்றனர்.

இசையமைப்பாளராக இருந்த வந்த ஜிவி பிரகாஷ், டார்லிங் திரைப்படம் மூலமாக ஹீரோவாக எண்ட்ரி கொடுத்தார். கையில் அரை டஜன் படங்கள் வைத்துள்ள ஜிவி பிரகாஷ் நடிப்பில் அடுத்ததாக பேச்சுலர் திரைப்படம் வெளியாக உள்ளது. இந்நிலையில் ஏழ்மையில் உள்ள திறமைசாலி ஒருவருக்கு ஜிவி பிரகாஷ் வாய்ப்பு கொடுத்த்துள்ள நிகழ்வு, அனைவரிடமும் பாராட்டுக்களை பெற்றுள்ளது.



Source link

Share on Social Media

Leave a Reply

Your email address will not be published. Required fields are marked *