Share on Social Media


ஹைலைட்ஸ்:

  • சர்வதேச அளவிலான சிறந்த ஆசிரியருக்கான பரிசுப் போட்டி
  • 50 சிறந்த போட்டியாளர்கள் பட்டியலில் இரண்டு இந்திய ஆசிரியர்கள் இடம் பிடிப்பு

சர்வதேச அளவிலான சிறந்த ஆசிரியருக்கான பரிசுப் போட்டியில், 50 சிறந்த போட்டியாளர்கள் பட்டியலில் இரண்டு இந்திய ஆசிரியர்கள் இடம் பெற்று உள்ளனர்.

ஐரோப்பிய நாடான பிரிட்டன் தலைநகர் லண்டனைச் சேர்ந்த வர்கி அறக்கட்டளையும், யுனெஸ்கோவும் இணைந்து சர்வதேச ஆசிரியர் பரிசை ஆண்டு தோறும் அளித்து வருகின்றன. இதில் வெற்றி பெறும் ஆசிரியருக்கு 7.50 கோடி ரூபாய் பரிசு தொகையுடன் விருதும் வழங்கப்படுகிறது.

கடந்த ஆண்டுக்கான சர்வதேச ஆசிரியர் பரிசை, மஹாராஷ்டிர மாநிலத்தைச் சேர்ந்த ரஞ்சித் சின்ஹ் திசால் என்பவர் வென்றார். இந்த ஆண்டுக்கான அறிவிப்பு வெளியானதும் 121 நாடுகளில் இருந்து 8 ஆயிரம் ஆசிரியர்கள் பரிசுக்கு பரிந்துரைக்கப்பட்டு உள்ளனர். இதில் இருந்து 50 சிறந்த ஆசிரியர்கள் பட்டியல் வெளியிடப்பட்டது.
போதையில் ஆர்மி போலீசாரிடம் தகராறு செய்த இளம்பெண் – வைரலாகும் வீடியோ!
அதில், பீஹார் மாநிலத்தின் பாகல்பூரைச் சேர்ந்த கணித ஆசிரியர் சத்யம் மிஷ்ரா மற்றும் தெலங்கானா மாநிலத்தின் ஐதராபாத்தைச் சேர்ந்த ஆங்கிலம் மற்றும் கணித ஆசிரியர் மேக்னா முசுனுரி ஆகியோர் இடம் பெற்று உள்ளனர்.

வீடற்ற ஆதிதிராவிட மக்களுக்கு இலவச வீட்டு மனை பட்டா : கயல்விழி

இது தவிர சர்வதேச மாணவருக்கான பரிசு போட்டியில் டெல்லி, குஜராத், ஜார்க்கண்ட் மற்றும் ஹரியானா மாநிலங்களைச் சேர்ந்த நான்கு மாணவர்கள் ‘டாப் – 50’ பட்டியலில் இடம் பெற்று உள்ளனர். சிறந்த ஆசிரியர் மற்றும் மாணவர்களுக்கான ‘டாப் – 10’ பட்டியல் அடுத்த மாதம் வெளியிடப்படும். அதில் இருந்து சிறந்த ஆசிரியர், மாணவர் தேர்ந்தெடுக்கப்பட்டு, ஐரோப்பிய நாடான பிரான்ஸ் தலைநகர் பாரிசில் நடைபெறும் நிகழ்ச்சியில் பரிசு அளிக்கப்படும்.



Source link

Share on Social Media

Leave a Reply

Your email address will not be published. Required fields are marked *