Share on Social Media


ஹைலைட்ஸ்:

  • மீண்டும் முழு ஊரடங்கு
  • மின்னல் வேகத்தில் பரவும் ஒமைக்ரானால் அரசு முடிவு?

கிறிஸ்துமஸ் பண்டிகைக்கு முன்பு, முழு ஊரடங்கை அமல்படுத்தும் திட்டம் எதுவும் இல்லை என்று அரசு அறிவித்துள்ளது.

தென் ஆப்பிரிக்க நாட்டில் கண்டறியப்பட்ட கொரோனா வைரஸ் தொற்றின் அடுத்த அவதாரமான ஒமைக்ரான் வைரஸ் தொற்று, இஸ்ரேல், இந்தியா, அமெரிக்கா, பிரிட்டன், பிரான்ஸ், ஆஸ்திரியா, ஜெர்மனி, நெதர்லாந்து உள்ளிட்ட நாடுகளுக்கு பரவி உள்ளது. இந்த வைரஸ் தொற்று, டெல்டா வகை கொரோனா தொற்றுகளை விட மிகவும் ஆபத்தானது என்றும், ஏற்கனவே கொரோனா வைரஸ் தொற்றால் பாதிக்கப்பட்டவர்களை குறிவைத்து ஒமைக்ரான் தாக்குவதாகவும் மருத்துவ நிபுணர்கள் எச்சரிக்கை விடுத்துள்ளனர்.

ஐரோப்பிய நாடான ஜெர்மனியில், கடந்த சில நாட்களாக, கொரோனா வைரஸ் தொற்றால் பாதிக்கப்படுவோரின் எண்ணிக்கை அதிகரித்து வருகிறது. மேலும் ஒமைக்ரான் வைரஸ் பாதிப்பும் உயர்ந்து வருகிறது. இதன் காரணமாக மீண்டும் முழு ஊரடங்கை அமல்படுத்த அரசு ஆலோசித்து வருவதாக தகவல் வெளியாகி உள்ளது.
மீண்டும் முழு ஊரடங்கு – கட்டுக்கடங்காத ஒமைக்ரானால் அரசு முடிவு?
இந்நிலையில், இது தொடர்பாக ஜெர்மனி சுகாதாரத் துறை அமைச்சர் கார்ல் லாட்டர்பாக் செய்தியாளர்களிடம் தெரிவித்ததாவது:
கிறிஸ்துமஸ் பண்டிகைக்கு முன்பு முழு ஊரடங்கை அமல்படுத்துவதற்கான திட்டம் எதுவும் இல்லை. ஆனால் கண்டிப்பாக கொரோனா வைரஸ் தொற்றின் ஐந்தாம் அலை உருவாகும். காரணம், ஒமைக்ரான் வைரஸ் தொற்றால் பாதிக்கப்படுவோரின் எண்ணிக்கை கணிசமாக உள்ளது. இந்த அலையை இனி முழுமையாக நிறுத்த முடியாது.

பண்டிகை காலத்திற்கு பிறகு கடுமையான ஊரடங்கு கட்டுப்பாடுகள் இருக்காது என நினைக்கிறேன். கொரோனா தடுப்பூசி போட்டுக் கொள்வதன் மூலமே நோய்ப் பரவலைக் கட்டுப்படுத்த முடியும்.
இவ்வாறு அவர் கூறினார்.
நெதர்லாந்து நாட்டில், கொரோனா பரவலைக் கட்டுப்படுத்த, வரும் ஜனவரி மாதம் 14 ஆம் தேதி வரை முழு ஊரடங்கு அமல்படுத்தப்பட்டு உள்ளது குறிப்பிடத்தக்கது.



Source link

Share on Social Media

Leave a Reply

Your email address will not be published. Required fields are marked *