Share on Social Media


ஹைலைட்ஸ்:

  • மீண்டும் முழு ஊரடங்கு
  • கட்டுக்கடங்காத கொரோனாவால் அரசு உத்தரவு!

புதிய வகை கொரோனா வைரஸ் அச்சம் காரணமாக, தடுப்பூசி போடாதவர்களுக்கு மட்டும் முழு ஊரடங்கை அறிவித்து அரசு அதிரடியாக உத்தரவிட்டு உள்ளது.

கடந்த 2019 ஆம் ஆண்டு டிசம்பர் மாத இறுதியில், சீனாவின் வூகான் நகரில் பரவிய கொரோனா வைரஸ், இந்தியா, அமெரிக்கா, இத்தாலி, பிரிட்டன், பிரான்ஸ், ஸ்பெயின் உள்ளிட்ட நாடுகளில் பரவி கடுமையான பாதிப்புகளை ஏற்படுத்தி விட்டது. தற்போது கொரோனா வைரஸ் தொற்றுக்கு தடுப்பூசிகள் கண்டுபிடிக்கப்பட்டு பொது மக்களுக்கு செலுத்தப்பட்டு வருகிறது. கொரோனா வைரஸ் தொற்றும் பல்வேறு வகைகளில் உருமாற்றம் அடைந்து சுகாதாரத் துறையினரையும் கதிகலங்க வைத்து விட்டது.

இந்நிலையில், ஐரோப்பா நாடான ஜெர்மனியில், கடந்த சில நாட்களாக கொரோனா வைரஸ் தொற்றால் பாதிக்கப்படுவோரின் எண்ணிக்கை அதிகரித்து வருகிறது. தினசரி கொரோனா பாதிப்பு, 60 ஆயிரத்தை தாண்டி உள்ளது. ஏற்கனவே கொரோனா தொற்றின் மூன்று அலைகளால் கடுமையாக பாதிப்புகளை சந்தித்த ஜெர்மனி, கொரோனா நான்காம் அலையை கட்டுப்படுத்த பல்வேறு முன்னெச்சரிக்கை நடவடிக்கைகளை எடுத்துள்ளது.
டிச. 31 வரை 144 தடை உத்தரவு: ‘ஒமைக்ரான்’ அச்சுறுத்தலால் அரசு அதிரடி!
இதன் ஒரு பகுதியாக, கொரோனா தடுப்பூசி போட்டுக் கொள்ளாத நபர்களுக்கு மட்டும் முழு ஊரடங்கு உத்தரவு பிறப்பிக்கப்பட்டு உள்ளது. இவர்கள் அத்தியாவசியமின்றி வெளியே வர தடை விதிக்கப்பட்டுள்ளது. மருத்துவ சேவை, அத்தியாவசிய கடைகளுக்கு மட்டுமே தடுப்பூசி போட்டுக் கொள்ளாத நபர்கள் செல்ல வேண்டும் என ஜெர்மனி அரசு அறிவித்துள்ளது.

இது குறித்து பேசிய ஜெர்மனி அதிபர் ஏஞ்சலா மெர்கல், தற்போது நிலைமை மிகவும் மோசமாக உள்ளது என்றும், எனவே நோய்ப் பரவலைக் கட்டுப்படுத்த மேலும் பல நடவடிக்கைகளை எடுக்க வேண்டிய சூழ்நிலை ஏற்பட்டுள்ளது என்றும், இது போன்ற கட்டுப்பாடுகள் மூலம் கொரோனா தொற்றின் நான்காவது அலையை தடுக்க முடியும் என்றும் தெரிவித்தார்.



Source link

Share on Social Media

Leave a Reply

Your email address will not be published. Required fields are marked *