Share on Social Media

மசாலா பொருட்களுக்கு புகழ் பெற்ற நாடுதான் இந்தியா. இங்கு ஒவ்வொரு வீட்டு சமையல் அறையிலும் பல்வேறு வகையான மசாலா பொருட்களை நாம் பார்க்க முடியும். அப்படி மக்கள் அடிப்படையாகப் பயன்படுத்தும் ஒரு மசாலாதான் கரம் மசாலா தூள். கரம் மசாலா தூளானது பல்வேறு மசாலா பொருட்களின் கலவையாக இருக்கிறது. இதனால் இது சைவம் அசைவம் என அனைத்து உணவுகளிலும் பயன்படுத்தப்படுகிறது.

​கரம் மசாலா

கிராம்பு, இலவங்கபட்டை, சீரகம், ஏலக்காய், பிரியாணி இலை மற்றும் கருப்பு மிளகு இவற்றின் கலவையாக கரம் மசாலா உள்ளது. இந்திய உணவுகளில் சுவையையும் வாசனையையும் அதிகரிக்க முக்கிய பொருளாக கரம் மசாலா உள்ளது. ஆனால் உணவில் சுவையை சேர்ப்பதை தாண்டி இன்னும் பல விஷயங்களை கரம் மசாலா செய்கிறது. கரம் மசாலா பல தாதுக்களின் நன்மைகளை கொண்டுள்ளது. இது நமது உடல் ஆரோக்கியத்திற்கு பல வழிகளில் நன்மை பயக்கிறது.

​செரிமானத்தை மேம்படுத்துகிறது

samayam tamil Tamil News Spot

செரிமானத்தை மேம்படுத்துவதில் கரம் மசாலா தூள் பல நன்மைகளை செய்கிறது. இது செரிமானத்தை எளிதாக்குகிறது. இந்த மசாலா வயிற்றில் இரைப்பையின் செயல்பாடுகளை மேம்படுத்துகிறது. மேலும் குடல் இயக்கத்திற்கு உதவுகிறது. செரிமானம் தொடர்பான பிரச்சனைகள், அசிடிட்டி, வீக்கம், அஜீரணம் போன்ற பிரச்சனைகளை சரி செய்கிறது.

​வளர்சிதை மாற்றத்தை அதிகரிக்கிறது

samayam tamil Tamil News Spot

கரம் மசாலா பல்வேறு மசாலா பொருட்களின் கலவையாகும். இதனால் இவை வளர்சிதை மாற்றத்தை அதிகரிக்க உதவும் பைட்டோ நியூட்ரியன்களை கொண்டுள்ளன. எடையை குறைக்க நினைப்பவர்களுக்கும் இந்த மசாலா உதவுகிறது. அதிக வளர்சிதை மாற்றம் காரணமாக உடலானது தேவைக்கு அதிகமான கலோரிகளை எரிக்கிறது. எனவே ஒரு நபர் அதிக வளர்சிதை மாற்ற விகிதத்தை கொண்டிருக்கிறார் எனில் அவர் அதிகமான கலோரிகளை எடுத்துக்கொண்டாலும் அவர் உடல் எடை அதிகரிக்காது. எனவே உணவில் கரம் மசாலாவை சேர்ப்பதன் மூலம் கலோரிகளை அதிகமாக எரிக்க முடியும்.

​இதய ஆரோக்கியத்திற்கு நன்மை பயக்கிறது

samayam tamil Tamil News Spot

இதய ஆரோக்கியத்தை மேம்படுத்த கூடிய ஒரு மசாலா பொருளை தேடிக்கொண்டு இருக்கிறீர்கள் எனில் நீங்கள் கரம் மசாலா மீது கவனம் செலுத்தலாம். கரம் மசாலாவில் ஏலக்காயின் நன்மை உள்ளது. இது உங்கள் இதயத்திற்கு நன்மை பயக்க கூடியது என்று அறியப்படுகிறது.

மேலும் இந்த மசாலாவை உணவில் சேர்ப்பது மூலம் உங்கள் இரத்த அழுத்த அளவை சீராக்க முடியும். மேலும் இது உங்கள் இதய ஆரோக்கியத்தையும் மேம்படுத்த உதவுகிறது.

​புற்றுநோய் அபாயத்தை குறைக்கிறது

samayam tamil Tamil News Spot

சில உடல் நல பிரச்சனைகளை தடுப்பதில் நமது உணவே முக்கிய பங்களிக்கிறது. புற்றுநோய் போன்ற கொடிய நோய்களை தடுக்க கூட கரம் மசாலா உதவுகிறது. மேலும் கரம் மசாலா பல்வேறு ஊட்டச்சத்துக்களை கொண்டுள்ளன. எனவே அவை உடலில் புற்றுநோய் கட்டிகள் ஏற்படுவதற்கான வாய்ப்புகளை குறைக்கின்றன.

​கரம் மசாலா செய்வது எப்படி?

samayam tamil Tamil News Spot

அதிகமான மக்கள் கரம் மசாலாவை கடைகளில் வாங்குகிறார்கள். இந்தியாவில் கடைகளில் எளிதில் கிடைக்க கூடிய பொருளாகவே கரம் மசாலா உள்ளது. ஆனால் சிலர் வீட்டிலேயே கரம் மசாலா கலவையை செய்கின்றனர். உண்மையில் கரம் மசாலாவை எளிதாக வீட்டில் செய்ய முடியும். நீங்கள் மசாலா பொருட்களின் விரும்பி என்றால் இதை வீட்டிலேயே செய்யலாம்.

தேவையான பொருட்கள்

  • ஏலக்காய்
  • கருப்பு மிளகு
  • இலவங்கப்பட்டை
  • சீரகம்
  • பிரியாணி இலைகள்

இந்த பொருட்கள் இல்லாமல் உங்கள் விருப்பத்தை பொறுத்து சுவைக்காக பெருஞ்சீரகம் போன்ற பொருட்களை சேர்க்கலாம்.

செய்முறை

முதலில் ஒரு கடாயில் மேலே குறிப்பிட்ட அனைத்து மசாலா பொருட்களையும் போட்டு அவை உலரும் வகையில் நன்கு வறுத்தெடுக்கவும். பிறகு அவற்றை ஆற விடவும்.

பிறகு இந்த மசாலா கலவையை மிக்ஸிக்கு மாற்றி அதை பொடியாக அரைக்கவும். இந்த அரைத்த பொடியை காற்று புகாத கொள்கலனில் சேமித்து வைக்கவும்.

​கரம் மசாலாவை எவ்வாறு உணவில் சேர்ப்பது?

samayam tamil Tamil News Spot

கரம் மசாலா பல்வேறு மசாலா பொருட்களின் கலவையாகும். அதனால் எந்த வகையான உணவுகளில் வேண்டுமானாலும் இதை பயன்படுத்தலாம். அதாவது சைவம் மற்றும் அசைவம் என இரண்டிலுமே கரம் மசாலாவை பயன்படுத்த முடியும். இது உங்கள் உணவுகளுக்கு உணவகங்களில் கிடைப்பது போன்ற சுவையை அளிக்கிறது.

கரம் மசாலா பல ஆரோக்கிய நன்மைகளை கொண்டிருந்தாலும் அதிகமாக கரம் மசாலாவை எடுத்துக்கொள்வது உடலுக்கு தீமைகளை ஏற்படுத்தும் என்பதால் கரம் மசாலாவை அதிகமாக பயன்படுத்த வேண்டாம். மேலும் நீங்கள் ஏற்கனவே ஏதேனும் உடல் பிரச்சனையில் இருந்தால் உங்கள் உணவு முறையை மாற்றுவதற்கு முன்பு மருத்துவரிடம் ஆலோசனை பெறவும்.

Thanks for the Source

Share on Social Media

Leave a Reply

Your email address will not be published. Required fields are marked *