Share on Social Media

தற்சமயம் மழைக்காலம் துவங்கிவிட்டது. பலருக்கும் ஒரு இதமான காலமாக மழைக்காலம் இருக்கும். மழைக்காலம் ஒரு புத்துணர்ச்சியூட்டும் காலமாகும். இயற்கையின் அழகை ரசிப்பதற்கும் மன அமைதியை பெறுவதற்கும் உதவும் காலமாக பருவ மழை காலம் உள்ளது. இவ்வளவு நாள் வெயிலின் வெக்கையை அனுபவித்த நமக்கு மழைக்காலம் மகிழ்ச்சியளிப்பதாக இருக்கலாம்.

​தொற்றுநோய் காலம்

இந்த சமயத்தில் தொற்று நோய்கள் ஏற்படுவதற்கான வாய்ப்புகள் அதிகம் என்பதால் நாம் வைட்டமின்கள் மற்றும் தாதுக்களை சரியான அளவில் பெற்று ஆரோக்கியமாக இருப்பது முக்கியமாகும். சளி, இருமல், காய்ச்சல் போன்ற உடல் பிரச்சனைகள் இந்த பருவ மழை காலத்தில் ஏற்படுகிறது. இதனால் நமது நோய் எதிர்ப்பு அமைப்பானது பாதிக்கப்படுகிறது. இப்படிப்பட்ட சூழ்நிலையில் எப்படி நாம் ஊட்டச்சத்துக்களை பெறுவது என நீங்கள் சிந்திக்கலாம்.

இதற்கும் இயற்கையே தீர்வு கொண்டுள்ளது. பருவக்கால பழங்கள். பருவ மழை வரும்போது தன்னுடன் பரிசு பொருட்களாக இந்த பழங்களையும் கொண்டு வருகிறது. அவை நமது ஊட்டச்சத்து பிரச்சனைகளுக்கு உதவுகின்றன. மேலும் சர்க்கரை நோய் உள்ளவர்களுக்கு சர்க்கரை அளவை நிர்வகிக்க இதில் உள்ள குறிப்பிட்ட பழங்கள் உதவுகின்றன தெரியுமா?

மழைக்காலத்தில் ஏராளமான பருவக்கால பழங்கள் கிடைக்கின்றன. இவற்றை நீரிழிவு நோயாளிகள் உட்கொள்ளும்போது அவர்களுக்கு இரத்த சர்க்கரை அளவை சீராக்கவும் அவற்றை கட்டுக்குள் வைக்கவும் இவை உதவுகின்றன. எனவே நீரிழிவு நோயாளிகள் தங்கள் உணவில் சேர்க்க வேண்டிய சில பழங்களையும் அவற்றின் பயன்களையும் நாங்கள் தொகுத்துள்ளோம்.

​இரத்த சர்க்கரை அளவு

samayam tamil Tamil News Spot

பழங்களை பற்றி பார்ப்பதற்கு முன்னர் இரத்த சர்க்கரை அளவை குறித்து சில விஷயங்களை நாம் தெரிந்துக்கொள்ள வேண்டும். உணவில் உள்ள கிளைசெமிக் இண்டெக்ஸை உடல் விரைவாக உறிஞ்சிகிறது. இதன் விளைவாக உடலில் இரத்த சர்க்கரை அளவு அதிகரிக்கிறது. உணவுகளில் இருக்கும் சர்க்கரை அளவானது ஜி.ஐ என்னும் மதிப்பை கொண்டு 1 முதல் 100 வரை எண்களில் மதிப்பிடப்படுகின்றன. குறைந்த அளவில் ஜி.ஐ கொண்ட பழங்கள் நீரிழிவு நோயாளிகளுக்கு நன்மை பயக்கிறது. ஆனால் அதிக அளவு ஜி.ஐ எண் கொண்டவை நீரிழிவு நோயாளிகளுக்கு தீங்கு விளைவிக்கின்றன.

​கிளைசெமிக் குறியீடு

samayam tamil Tamil News Spot

70 முதல் அதற்கு அதிகமான அளவில் ஜி.ஐ கொண்ட உணவுகள் இரத்த சர்க்கரையை விரைவாக உயர்த்துபவையாக உள்ளன. இவை நீரிழிவு நோயாளிகளுக்கு அதிக பாதிப்பை ஏற்படுத்தும்.

அது போல 56 முதல் 69 வரை ஜி.ஐ அளவு கொண்ட உணவுகள் மிதமான அளவில் இரத்த குளுக்கோஸ் அளவை உயர்த்துகின்றன.

55 அல்லது அதற்கு குறைவான ஜி.ஐ கொண்ட பழங்கள் உடலில் மிக மெதுவாகவே குளுக்கோஸ் அளவை உயர்த்துகிறது. இவை நீரிழிவு நோயாளிகளுக்கு நன்மை பயக்கின்றன.

அதிர்ஷ்டவசமாக மழைக்காலத்தில் கிடைக்கும் பழங்கள் 55 அல்லது அதற்கு குறைவான ஜி.ஐ நம்பரை கொண்டுள்ளது. எனவே இது நீரிழிவு நோயாளிகளுக்கு இரத்த சர்க்கரை அளவை நிர்வகிக்க உதவுகிறது. அந்த பழங்களை பற்றி இப்போது பார்ப்போம்

​பேரிக்காய் பழம்:

samayam tamil Tamil News Spot

இந்த மழைக்காலத்தில் ஆடி பெருக்கு விழாவிற்கு பெயர் பெற்ற பழம் பேரிக்காய். பேரிக்காய் பல்வேறு ஆரோக்கிய நன்மைகளை கொண்டுள்ளது. இது அதிக நார்ச்சத்து நிறைந்த பழமாகும். எனவே உடலில் செரிமான அமைப்பிற்கு இது நன்மை பயக்கிறது.

மேலும் எடையை குறைப்பதற்கு இது உதவுகிறது. எனவே நீரிழிவு நோயாளிகளுக்கு இது மறைமுகமாக உதவுகிறது. ஏனெனில் உடல் பருமன் என்பது நீரிழிவு நோய்க்கான மறைமுகமான காரணமாக உள்ளது. நேரடியாகவும் இது நீரிழிவு நோயாளிகளுக்கு நன்மை பயக்கின்றது. ஏனெனில் இது 40 க்கும் குறைவான அளவில் ஜி.ஐ எண்ணை கொண்டுள்ளது.

பீச்

samayam tamil Tamil News Spot

பீச் மஞ்சள் நிறத்தில் இருக்கும் ஒரு வகை பழமாகும். இது ஒரு தனித்துவமான சுவையை கொண்ட பழமாகும். இதன் சுவை காரணமாகவே பிரபலமான பழமாக இது உள்ளது. மேலும் இது ஆரோக்கியமான பழமாகும். சர்க்கரை நோயாளிகளுக்கு உகந்த பழமாக இது உள்ளது. ஏனெனில் இது 42க்கும் குறைவான அளவில் ஜி.ஐ எண்ணை கொண்டுள்ளது. மேலும் இவற்றில் கலோரிகளும் குறைவாக இருப்பதால் உடல் எடை குறைப்பிற்கும் இது உதவுகிறது.

​பிளம்ஸ்

samayam tamil Tamil News Spot

மிகவும் விரும்பப்படும் பருவக்கால உணவுகளில் பிளம்ஸ் முக்கிய பழமாகும். இது பார்ப்பதற்கு தக்காளியை போன்ற தோற்றத்தையும் சிறிது புளிப்புடன் சேர்ந்த இனிப்பு சுவையையும் கொண்டுள்ளது. மேலும் உயர் ரத்த சர்க்கரை உள்ளவர்கள் கூட இதை சாப்பிடலாம். ஏனெனில் இது 40 க்கும் குறைவான அளவில் ஜி.ஐ எண்ணை கொண்டுள்ளது. மேலும் இதில் பயனுள்ள வைட்டமின்கள் மற்றும் தாதுக்கள் உள்ளன.

​ஆப்பிள்கள்

samayam tamil Tamil News Spot

பருவ மழை காலம் மட்டுமின்றி ஆண்டு முழுவதும் சாப்பிடக்கூடிய ஒரு பழமாக ஆப்பிள் உள்ளது. ஆப்பிள் எப்போதும் கிடைக்கும். மேலும் அனைவருக்கும் பிடித்த பிரபலமான பழமாக இது உள்ளது. நம் உறவினர்கள் இல்லத்திற்கு சென்றால் கூட பலர் ஆப்பிள் வாங்கி செல்வதை வாடிக்கையாக கொண்டுள்ளனர். ஆப்பிள் இயற்கையாகவே நல்ல சுவை கொண்ட பழமாகும்.

சர்க்கரை நோயாளிகள் இனிப்பாக எதையாவது உண்ண விரும்பினால் அவர்களுக்கு ஆப்பிள் உதவலாம் ஏனெனில் இது மிகவும் குறைவாக 39 ஜிஐ எண்ணை கொண்டுள்ளது. இதனால் இது நீரிழிவு நோயாளிகளுக்கு தீங்கு விளைவிக்காது. மேலும் சர்க்கரை நோய் இல்லாதவர்களுக்கும் இது நன்மை பயக்கிறது.

​செர்ரி

samayam tamil Tamil News Spot

கோடை மற்றும் மழைக்காலங்களில் பரவலாக பல உணவுகளுக்கு பயன்படுத்தப்படும் பழமாக செர்ரி உள்ளது. இதில் பொட்டாசியம் மற்றும் ஆண்டி ஆக்ஸிடண்ட்கள் நிறைந்திருப்பதால் இது நீரிழிவு நோயாளிகளுக்கு நன்மை பயக்கிறது. மேலும் இப்போது நாம் பார்த்த பழங்களிலேயே மிக குறைவாக இது 20 க்கும் குறைந்த அளவில் ஜி.ஐ மதிப்பெண்களை கொண்டுள்ளது. எனவே இது நீரிழிவு நோயாளிகளுக்கு பாதுக்காப்பான பழமாகும்.

எனவே மேலே குறிப்பிட்ட பழங்களை நீரிழிவு நோயாளிகள் பயன்படுத்தி இந்த பருவ மழை காலத்தில் தங்கள் இரத்த சர்க்கரை அளவை சமநிலைப்படுத்தலாம்

Thanks for the Source

Share on Social Media

Leave a Reply

Your email address will not be published. Required fields are marked *