Share on Social Media

அனைத்துப் பழங்களிலும் அத்தியாவசிய வைட்டமின்கள் மற்றும் தாதுக்கள் நிறைந்து இருக்கும். பழங்கள் நம் ஒட்டுமொத்த உடல் ஆரோக்கியத்திற்கு சிறந்தவையாக பார்க்கப்படுகிறது. நாம் பழங்களை உண்ணும் போது, பழங்களை வெட்டி சாப்பிடுவோம். அப்படி வெட்டும் பழங்கள் சிறிது நேரத்திலே பழுப்பு நிறமாக மாறத் துவங்கும். அப்படி பழுப்பு நிறமாக மாறிய பழங்களை நாம் விரும்ப மாட்டோம். அதனை அப்படியே குப்பைத் தொட்டியில் போட்டு விடுவோம்.

​ஏன் பழங்கள் நிறம் மாறுகிறது ?

வெட்டப்பட்ட பழங்கள் திறந்திருக்கும் போது, அவற்றில் உள்ள நொதிகள் காற்றில் உள்ள ஆக்ஸிஜனுடன் வினைபுரிந்து ஆக்ஸிஜனேற்றத்திற்கு வழிவகுக்கிறது. இதனால் தான் பழங்களின் நிறத்தில் மாறுபாடு ஏற்படுகிறது. சில சமயங்களில் அதன் சுவையிலும் வேறுபாடு ஏற்படும். இதனைத் எப்படி தவிர்ப்பது என்று தெரிந்து கொள்வோம் வாங்க.

​ஓடும் நீரில் கழுவுவது

samayam tamil Tamil News Spot

நாம் பொதுவாக நம்முடைய பழங்களை கழுவி விட்டுத் தான் சாப்பிடுவோம். ஆனால், பழங்களை தண்ணீரில் இருந்து அப்படியே வெளியில் எடுத்து வெட்டத் தொடங்குகிறோம். இதனால் தான் பழங்கள் பழுப்பு நிறமாக மாறும். இதனைத் தடுக்க எளிதான ஒரு வழி என்னவென்றால், பழங்களின் மேல் தண்ணீரை திறந்து விட்டுக் கொண்டே வெட்டுவது தான். இது காற்றின் மூலம் ஏற்படும் ஆக்ஸிஜனேற்றத்தைத் தடுக்க உதவும்.

​உப்பு நீரைப் பயன்படுத்துதல்

samayam tamil Tamil News Spot

நீங்கள் உங்கள் வீட்டுக்கு வரும் விருந்தாளிகளுக்கு ஒரு பெரிய கிண்ணத்தில் பழங்களை பரிமாற விரும்புகிறீர்கள். ஆனால், அவை பழுப்பு நிறமாக மாறி விடுமோ என்று அஞ்சுகிறீர்களா ? அப்படி என்றால் இந்த எளிய குறிப்பை பயன்படுத்திப் பாருங்கள். அது என்னவெனில், பிரெஷ்ஷாக வெட்டிய அனைத்து பழங்களையும் ஒரு கிண்ணத்தில் போட்டு அதில், உப்புச் சேர்த்து நீர் ஊற்றிக் கொள்ளுங்கள. பழத் துண்டுகளையும் சுமார் 2 நிமிடங்கள் அந்த நீரிலேயே ஊற வைத்து விட்டு, பின் அந்த தண்ணீரை வடிகட்டிக் கொள்ளுங்கள். பின், அந்தப் பழங்களை சாதாரண நீரில் கழுவி பரிமாறுங்கள்.

அதேபோல், வெட்டிய பழத் துண்டுகள் மீது சிறிது உப்பை தெளித்து மூடி வைத்துக் கொள்ளுங்கள். நீங்கள் அவற்றை சாப்பிட விரும்பும் போது, தண்ணீரில் கழுவி விட்டு பின் சாப்பிட்டு மகிழுங்கள்.

​தேன் கலந்த நீரில் கழுவுவது

samayam tamil Tamil News Spot

பெரும்பாலான நேரங்களில் நாம் பழங்களை வெட்டி சேமித்து வைக்கும்போதோ அல்லது மதிய உணவிற்கு எடுத்துச் செல்லும்போதோ அவை பழுப்பு நிறமாக மாறி விடும். அதனைத் தவிர்க்க தண்ணீருடன் சிறிது தேன் சேர்த்து நன்கு கலக்கவும். அந்தத் தண்ணீரில் வெட்டியா அனைத்துப் பழ துண்டுகளையும் போட்டு, சுமார் 30-ல் இருந்து 40 விநாடிகள் வரை ஊற வையுங்கள். பின் அந்த தண்ணீரை வடிகட்டி விடுங்கள். இது போன்று செய்வது பல மணிநேரங்களுக்குப் பிறகும் உங்களின் பழத் துண்டுகளை புதியதாக வைத்திருக்க உதவும்.

​சிட்ரஸ் சாறுகள்

samayam tamil Tamil News Spot

சிட்ரஸ் சாறுகள் பழங்கள் பழுப்பு நிறமாக மாறுவதைத் தடுக்க உதவும். இதற்காக நீங்கள் எலுமிச்சை பழச்சாறு அல்லது ஆரஞ்சுப் பழச் சாறு பயன்படுத்தலாம். வெட்டிய பழ துண்டுகளின் மேல் எலுமிச்சை சாறு அல்லது ஆரஞ்சு சாற்றை ஊற்றினால் போதும். இதனால் நீங்கள் பழத்தின் சுவை மாறிவிடும் என்று நினைத்தால், சாப்பிடுவதற்கு முன்பு அவற்றை தண்ணீரில் ஒரு முறை அலசி விட்டு பின்பு சாப்பிடுங்கள்.

​சோடாவை பயன்படுத்துவது

samayam tamil Tamil News Spot

புதிதாக வெட்டிய பழங்களை ஒரு பாத்திரத்தில் போட்டு அதன் மேல் சோடா நீரை ஊற்றி விடுங்கள். அந்தப் பழங்களை 5 நிமிடங்கள் அதிலேயே ஊற வைத்து, பின் சோடாவை வடிகட்டிக் கொள்ளுங்கள். இது பழங்களை ஒரு நாள் முழுதும் புதிதாக வைத்திருக்கச் செய்யும்.

​குளிர்ந்த நீரில் மூழ்கச் செய்வது

samayam tamil Tamil News Spot

நீங்கள் நறுக்கிய பழங்களை மூடி உள்ள கண்ணாடி பாட்டில் அல்லது பௌலில் போட்டுக் கொள்ளுங்கள். அதன் மேல் குளிர்ந்த நீரை ஊற்றி விடுங்கள். பின் பழங்கள் நிறைந்த அந்த பாட்டிலை இறுக்கமாக மூடி குளிர்சாதன பெட்டியில் வைத்து விடுங்கள். குளிர்ந்த நீர் ஆக்ஸிஜனேற்றத்தை தடுத்து பழத்தை பல மணி நேரம் புதியது போன்றும், மிருதுவாகவும் இருக்க வைக்கும்.

Thanks for the Source

Share on Social Media

Leave a Reply

Your email address will not be published. Required fields are marked *