Share on Social Media


ஹைலைட்ஸ்:

  • மீண்டும் முழு ஊரடங்கு
  • அதிகரிக்கும் கொரோனாவால் அரசு முடிவு?

கொரோனா தினசரி பாதிப்பு அதிகரித்து வருவதை அடுத்து மீண்டும் முழு ஊரடங்கு அமல்படுத்தப்படுமா என்ற கேள்விக்கு அரசு திடீர் விளக்கம் அளித்துள்ளது.

தென் ஆப்பிரிக்க நாட்டில் கண்டறியப்பட்ட கொரோனா வைரஸ் தொற்றின் அடுத்த அவதாரமான ஒமைக்ரான் வைரஸ் தொற்று, இஸ்ரேல், இந்தியா, அமெரிக்கா, பிரிட்டன், பிரான்ஸ், ஆஸ்திரியா, ஜெர்மனி, நெதர்லாந்து உள்ளிட்ட நாடுகளுக்கு பரவி உள்ளது. இந்த வைரஸ் தொற்று, டெல்டா வகை கொரோனா தொற்றுகளை விட மிகவும் ஆபத்தானது என்றும், ஏற்கனவே கொரோனா வைரஸ் தொற்றால் பாதிக்கப்பட்டவர்களை குறிவைத்து ஒமைக்ரான் தாக்குவதாகவும் மருத்துவ நிபுணர்கள் எச்சரிக்கை விடுத்துள்ளனர்.

ஐரோப்பிய நாடுகளில், ஒமைக்ரான் வைரஸ் தொற்று புதிய தலைவலியை ஏற்படுத்தி உள்ளது. பிரான்ஸ், பிரிட்டன், நெதர்லாந்து, ஜெர்மனி, ஆஸ்திரியா உள்ளிட்ட ஐரோப்பிய நாடுகளில் ஒமைக்ரான் பரவல் கட்டுக்கடங்காமல் பரவி வருகிறது. இதன் காரணமாக நெதர்லாந்து நாட்டில் முழு ஊரடங்கு அமல்படுத்தப்படடு உள்ளது.
அச்சுறுத்தும் ஒமைக்ரான் – அமெரிக்காவில் முதல் உயிரிழப்பு!
இந்நிலையில், பிரான்ஸ் நாட்டில், கடந்த சில நாட்களாக, கொரோனா வைரஸ் தொற்றால் பாதிக்கப்படுவோரின் எண்ணிக்கை அதிகரித்து வருகிறது. கடந்த 24 மணி நேரத்தில், 72 ஆயிரத்து 832 பேருக்கு கொரோனா பாதிப்பு உறுதி செய்யப்பட்டு உள்ளது. மேலும், 229 பேர் கொரோனாவுக்கு பலியாகி உள்ளனர். இதை அடுத்து தினசரி கொரோனா பாதிப்பு அதிகரிப்பதால், நாட்டில் மீண்டும் முழு ஊரடங்கு அமல்படுத்தப்படுமா என சந்தேகம் எழுந்தது.
tamil samayam Tamil News Spotபிலிப்பைன்ஸை பிச்சி எடுத்த ‘ராய்’ புயல் – 375 பேர் உயிரிழப்பு!
இது தொடர்பாக பிரான்ஸ் அரசின் செய்தித் தொடர்பாளர் கேப்ரியல் அட்டல் கூறியதாவது:
நெதர்லாந்து போன்ற நாடுகளில் முன்னெச்சரிக்கை நடவடிக்கைகள் எடுத்தாலும் பிரான்ஸ் நாட்டில் அது போன்ற கட்டுப்பாடுகள் தற்போதைக்கு தேவை இல்லை. கிறிஸ்துமஸ் மற்றும் புத்தாண்டு பண்டிகைகளை முன்னிட்டு ஏற்கனவே கட்டுப்பாடுகள் விதிக்கப்பட்டு உள்ளன. அதை பொது மக்கள் கட்டாயம் கடைபிடிக்க வேண்டும். ஒமைக்ரான் பரவல் குறித்து அரசு தீவிரமாக கண்காணித்து வருகிறது. ஒருவேளை ஒமைக்ரான் வைரஸ் தொற்றின் தாக்கம் அதிகரித்தால் அதைக் கட்டுப்படுத்துவது குறித்து ஆலோசித்து முடிவு எடுக்கப்படும்.
இவ்வாறு அவர் கூறினார்.



Source link

Share on Social Media

Leave a Reply

Your email address will not be published.