Share on Social Media


ஆண்கள் சமீபவருடங்களாக தங்கள் தோற்றத்தில் கவனம் செலுத்திவருகிறார்கள். தலைமுடி, முகம், தாடி, உடல் என்று கவனம் செலுத்துபவர்கள் மிக முக்கியமான ஒன்றான பாதம் குறித்து கவலைப்படுவதில்லை. தற்போது ஆண்களுக்கான ஸ்பா நிலையங்களில் ஆண்களுக்கும் பெடிக்யூர் மெனிக்யூர் செய்யபடுகிறது. சற்று கவனம் செலுத்தினால் ஆண்கள் வீட்டிலேயே தங்கள் பாதங்களை பராமரிக்க செய்யலாம். எளிமையான முறையில் ஆண்கள் எப்படி பாதங்களில் கவனம் செலுத்தலாம் என்பதை பார்க்கலாம்.

​தினசரி சாக்ஸை மாற்றுங்கள்

ஆண்களின் பாதங்களில் எப்போதும் காற்றுபடாமல் சாக்ஸ் இருக்க கூடும். இதனால் வியர்வை அடைந்து அந்த பகுதியில் தொற்று மற்றும் துர்நாற்றத்தை உண்டாக்க கூடும். இது சாக்ஸ் பகுதியிலும் பரவுவதால் தான் சாக்ஸ் ஒருவித துர்நாற்றத்தை உண்டாக்கும். இது ஹைப்பர்ஹைட்ரோசிஸ் என்று அழைக்கப்படுகிறது.

முடி வளர்ச்சிக்கு செம்பருத்தி மூலிகை எண்ணெய், குழந்தைகள், ஆண்களும் பயன்படுத்தலாம், தயாரிப்பு முறை!

இதை தடுக்க தினசரி சாக்ஸை மாற்றுவது நல்லது. இயன்றால் இருவேளை பயன்படுத்தலாம். இயன்றவரை கால்களில் சாக்ஸ் இல்லாமல் வைத்திருக்கலாம். இதனால் காற்றோட்டமாக இருக்கும். தொற்று, துர்நாற்றம் வருவதை குறைக்கலாம்.

உங்கள் சாக்ஸ் தேர்வு செய்யும் போது பருத்தி மற்றும் வியர்வையை உறிஞ்சும் துணியை பயன்படுத்துவது வியர்வையை உறிஞ்சு எடுக்க உதவும்.

​சோப்பு போட்டு கழுவுங்கள்

samayam tamil Tamil News Spot

தினசரி குளியலில் முகமும் உடலும் சோப்பு போட்டு குளிக்கும் ஆண்கள் பாதங்களில் கவனம் செலுத்துவதில்லை. ஆனால் குளிக்கும் போதும் வெளியிலிருந்து வீட்டுக்கு வந்த பிறகும் பாதங்களை சோப்பு போட்டு நன்றாக தண்ணீர் விட்டு கால்களை தேய்த்து கழுவ வேண்டும். குறிப்பாக காற்று புகாத காலணிகளை அணிபவர்களும் இதை கண்டிப்பாக கடைபிடிக்க வேண்டும்.

கால்களில் அழுக்குகள் சேரும் போது அங்கு சொறி அல்லது நமைச்சல் போன்றவை உண்டாகலாம். இது தீவிரமாகும் போது கால்களில் கொப்புளங்கள் உண்டாகலாம். இது தொற்றை உண்டாக்க கூடியது. அதனால் மேற்பூச்சு மருந்துகள் தேவைப்படலாம். இதை தவிர்க்க பாதங்களை சுத்தமாக கழுவி விடுவது பாதுகாப்பானது.

​நகங்களை வளர்க்காதீர்கள்

samayam tamil Tamil News Spot

சில ஆண்கள் கை விரல்களை மட்டும் சுத்தமாக வைத்து கொள்வார்கள். கால் விரல்கள் குறித்து எப்போதும் கவலை கொள்ள மாட்டார்கள். ஆனால் கால் விரல் நகங்கள் அழுக்குகள் சேரும் இடம். அதனால் நகங்களை வெட்டும் போது சோப்பு நீரில் ஊறவைத்து முனைகளை அதிகம் வெட்டாமல் நகங்களை சிறிது நீளமாக விட்டு குறுக்கு நேராக வெட்டுங்கள்.

கால் விரல்களில் நகங்கள் இருக்க கூடாது என்பது போன்றே முனைகளைல் அதிகமாக வெட்டுவது தொற்று அல்லது பலவீனமடைய செய்யும். நகங்கள் அதிக ஈரமாக இருக்கும் போது வெட்ட வேண்டாம். சற்று உலரவிட்டு அவற்றை வெட்டுவது அவசியம். ஈரமாக இருக்கும் போது அது நகங்களை விரல்களோடு வேகமாக கிழிக்க செய்யலாம்.

​இரவில் கால்களை சுத்தம் செய்யுங்கள்

samayam tamil Tamil News Spot

தினமும் இரவு படுக்கைக்கு செல்வதற்கு முன்பு பாதங்களை நன்றாக கழுவி விடுங்கள். உங்களுக்கு நேரம் இருந்தால் வெதுவெதுப்பான நீரில் பாதங்களை சிறிது நேரம் வைத்திருந்து ( தேவையெனில் அதில் எலுமிச்சை. கல் உப்பு சேர்க்கலாம்) பிறகு சுத்தமான துணியால் பாதங்களை சுத்தமாக துடைத்து விடவும்.

பாதங்களில் விரல்கள், விரல் இடுக்குகள், கால்களை சுத்தமாக துடைத்து உலர்ந்ததும் லோஷன் குறைந்தது தேங்காய் எண்ணெய் தடவி வந்தால் போதும். பாதம் எப்போதும் சுத்தமாகவும் பளிச்சென்றும் தோன்றும்.

​வெடிப்புகள் வராமல் தடுத்திடுங்கள்

samayam tamil Tamil News Spot

தீங்கற்ற பாத பராமரிப்பு என்பது பெண்களை போன்று ஆண்களுக்கும் பொருந்தும். ஆண்களின் கால்களில் வரும் வெடிப்புகள் பெரும்பாலும் பித்தத்தால் வரக்கூடியதே. இதனால் நீரிழிவு போன்ற பிரச்சனைகளை எதிர்கொள்ளும் போது சரியான பாத பராமரிப்பு இன்றி பாதங்களில் புண்கள், கொப்புளங்களையும் சந்திக்கலாம்.

வெடிப்புகளை அலட்சியம் செய்யும் போது அது மேலும் தீவிர பாதிப்பை உண்டாக்கலாம். இவை பாத அழகை கெடுப்பதோடு ஆரோக்கியத்தையும் சேதப்படுத்த கூடும்.

ஆண்கள் தலைமுடி : சொட்டையை தடுக்கும் பாரம்பரிய வைத்தியம், நிச்சயம் பலன் உண்டு!

முகத்துக்கு ஸ்க்ரப் செய்வது போன்று பாதங்களில் இருக்கும் அழுக்கையும் அவ்வபோது வெளியேற்றினாலே பாதங்கள் அழகாக இருக்கும். பியூமிஸ் கல்லை கொண்டு பாதங்களை சுத்தம் செய்வதை வழக்கப்படுத்தி கொள்ளுங்கள். பாதங்களில் ஆணி தொற்று ஏதேனும் இருந்தால் தாமதிக்காமல் மருத்துவரை அணுகினால் சிகிச்சை பெற்றுவிடலாம்.

பாதங்களை எப்போதும் சுத்தமாக காற்றோட்டமாக வைத்திருந்தால் தொற்று நெருங்காது. இனி ஆண்கள் தங்கள் பாதங்களிலும் கவனம் செலுத்துவதன் மூலம் பாத அழகு மட்டுமல்ல ஆரோக்கியமும் காக்கலாம்.

Thanks for the Source

Share on Social Media

Leave a Reply

Your email address will not be published. Required fields are marked *