Share on Social Media


ஹைலைட்ஸ்:

  • மலம் கழிக்கும்போது, மலக்குடல் பகுதியில் மேலும் அழுத்தம் ஏற்படுவதால் பைல்ஸ் பிரச்சனை மேலும் மோசமடைகிறது.
  • சில சந்தர்ப்பங்களில், நிலை கடுமையாக இருக்கும்போது, இரத்தப்போக்கு ஏற்படும் வாய்ப்புகள் அதிகம்.
  • மூல நோயால் அவதிப்படுகிறவர்கள் அதற்கு நிவாரணம் பெற என்ன மாதிரியான உணவுகளை எடுத்துக் கொள்ள வேண்டும் என்று தெரிந்து கொள்வோம்.

முள்ளங்கி ஜூஸ் ஒரு நாளைக்கு இரண்டு முறை குடிப்பது பைல்ஸ் பிரச்சனைக்கு ஒரு பொதுவான தீர்வு ஆகும். தொடக்கத்தில் 1/4 டம்ளர் என தொடங்கி, படிப்படியாக அதை அரை டம்ளர் ஒரு டம்ளர், என கொஞ்சம், கொஞ்சமாக அதிகரிக்கவும்.

மூன்று அல்லது நான்கு உலர்ந்த அத்திப் பழங்களை முதல் நாள் இரவில் தண்ணீரில் ஊற வைக்க வேண்டும். அத்திப்பழம் ஊறவைத்த தண்ணீருடன் சேர்த்து ஒரு நாளைக்கு இரண்டு முறை என சாப்பிடுங்கள்.

மாதுளம்பழத்தின் தோலை எடுத்து தண்ணீரில் கொதிக்க வைக்கவும். இந்த தண்ணீரை வெதுவெதுப்பாகவோ அல்லது குளிர வைத்தோ, ஒரு நாளைக்கு இரண்டு முறை வடிகட்டி குடிக்கவும்.

பைல்ஸ் பிரச்சனையால் ஏற்படும் வலியைக் குறைக்க, கல் உப்பு, இஞ்சி மற்றும் மிளகுத்தூள் சேர்க்கப்பட்ட மோர் குடிக்கவும். இதை ஒரு நாளைக்கு இரண்டு முறை குடிக்கவும்.

பைல்ஸ் பிரச்னையால் ஏற்படும் இரத்தப்போக்கிலிருந்து நிவாரணம் பெற, ஒரு டீஸ்பூன் பாசிப்பருப்பைப் பொடி செய்து, அரை கப் ஆட்டுப்பாலில் சிறிது சர்க்கரை சேர்த்துக் கலந்து குடிக்கலாம். இதை காலையில் வெறும் வயிற்றில் குடிக்க வேண்டும்.

உலர்ந்த மாம்பழக் கொட்டைகளைப் பொடி செய்து கொள்ளுங்கள். இரண்டு டீஸ்பூன் இந்த பொடியுடன் சிறிது தேன் கலந்து தினமும் இருவேளை சாப்பிடவும்.

ஒரு டீஸ்பூன் இஞ்சி, எலுமிச்சை சாறு, புதினா இலைகள் மற்றும் தேன் சேர்த்து நன்கு கலந்து கொள்ளவும். இதை ஒரு நாளைக்கு இரண்டு முதல் மூன்று முறை சாப்பிடுங்கள்.

மூல நோயால் ஏற்படும் வலியைக் குறைக்க, ஒரு கப் பாலில் நன்கு பழுத்த வாழைப்பழத்தைக் கலக்கவும். இந்த கலவையை ஒரு நாளைக்கு மூன்று முதல் நான்கு முறை சாப்பிடுங்கள்.

சிறிய துண்டு பாகற்காயை நன்கு அரைத்து’அதன் சாறினை எடுத்துக் கொள்ளவும். இதை சிறிது மோருடன் கலந்து தினமும் காலையில் குடிக்க வேண்டும்.

மஞ்சள், கிருமி நாசினிகள் மற்றும் குணப்படுத்தும் பல பண்புகளைக் கொண்டுள்ளது. எனவே, மஞ்சள் கிழங்கை அரைத்து ஒரு டீஸ்பூன் சாப்பிடுங்கள்.

தேங்காயை பாதிக்கப்பட்ட பகுதிகளில் தடவினால், அரிப்பு நீங்கும்.

சீரகத்தை அரைத்துப் பொடி செய்து கொள்ளவும். இந்த பொடியை ஒரு டம்ளர் தண்ணீரில் ஒரு டீஸ்பூன் சேர்த்து ஒரு நாளைக்கு ஒரு முறை என குடிக்கவும்.

பச்சை வெங்காயத்தில் இரண்டு தேக்கரண்டி தேன் கலக்கவும். இதை ஒரு நாளைக்கு இரண்டு முறை சாப்பிடுங்கள்.

ஒரு கைப்பிடியளவு எள் எடுத்து, அதை 500 மில்லி தண்ணீரில், மூன்றில் ஒரு பங்காகக் குறையும் வரை கொதிக்க வைக்கவும். இதை பேஸ்ட் செய்து ஒரு டீஸ்பூன் வெண்ணெய் சேர்க்கவும். இதை ஒரு நாளைக்கு ஒரு முறை சாப்பிட வேண்டும்.

குறிப்பு: இந்த வைத்தியங்களை மேற்கொள்வதற்கு முன் உங்கள் மருத்துவரை அணுகி ஒரு முறை ஆலோசனை பெறவும்.



Source link

Share on Social Media

Leave a Reply

Your email address will not be published. Required fields are marked *