Share on Social Media


நாம் கொரோனா தொற்று காரணமாக பல்வேறு பிரச்சனைகளை சந்தித்து வருகிறோம். இதற்கிடையே அதிகமாகி வரும் காற்று மாசுபாடானது நமது வாழ்க்கைமுறையை மேலும் சிக்கலாக்குகிறது. அதிகமான காற்று மாசுபாடானது நமக்கு பல்வேறு ஆரோக்கிய பிரச்சனைகளை ஏற்படுத்துகின்றன. முக்கியமாக அவை நுரையீரலில் அதிகமாகத் தாக்கத்தை ஏற்படுத்துகின்றன.

​நுரையீரல் ஆரோக்கியமும் காற்று மாசுபாடும்

டெல்லி போன்ற நகரங்களில் அதிக காற்று மாசுபாடு காரணமாகப் பலரும் சுவாசம் தொடர்பான பிரச்சனைகளை அதிகமாக சந்தித்து வருகின்றனர். எனவே வரும் காலங்களில் அதிக காற்று மாசுபாடு காரணமாக ஏற்படும் சுவாச பிரச்சனைகளை தவிர்க்க நாம் நமது நுரையீரலை வலுப்படுத்த வேண்டியது முக்கியமாகும்.

ஊட்டச்சத்து நிபுணர்கள் இதைப்பற்றி கூறும்போது இதற்கு சில உணவுகள் உதவுவதாக கூறுகின்றனர். எனவே நுரையீரலைப் பலப்படுத்த உதவும் உணவுகளை இப்போது பார்க்கலாம்.

​வண்ணக் காய்கறிகள்

samayam tamil Tamil News Spot

சிவப்பு, மஞ்சள், ஆரஞ்சு நிற உணவுகளில் அதிகமாக கரோட்டினாய்டுகள் உள்ளன. எனவே உங்கள் உணவு தட்டுகளில் இந்த நிறங்களில் உள்ள உணவுகள் இருப்பதை உறுதிப்படுத்திக் கொள்ளுங்கள். இவை சிவப்பு, மஞ்சள், ஆரஞ்சு நிறத்தில் உள்ள தாவரங்களில் கிடைக்கின்றன. இவை ஆக்ஸிஜனேற்றியாக செயல்படுகின்றன.

என்னென்ன பொருள்களை பயன்படுத்தி வாய் கொப்பளிக்கலாம்… எதெல்லாம் ஹோம்மேட் மவுத்வாஷா யூஸ் பண்ணலாம்…

​மஞ்சள்

samayam tamil Tamil News Spot

மஞ்சள் பல்வேறு மருத்துவ குணங்களைக் கொண்ட இந்தியாவின் பாரம்பரிய உணவுப்பொருளாகும். மேலும் இது அதிகமான அழற்சி எதிர்ப்பு பண்புகளைக் கொண்டுள்ளது. எனவே தினசரி உணவுகளில் சிறிதளவு மஞ்சள் சேர்த்துக்கொள்ளவும். அதிக நன்மைகளைப் பெற கருப்பு மிளகுடன் மஞ்சளை சேர்த்து உண்ணலாம்.

முகம் அடிக்கடி வீங்கிப் போகுதா?… இந்த நோய்கள்ல ஏதாவது ஒன்னோட அறிகுறியாவும் இருக்கலாம்…

​பீட்ரூட்

samayam tamil Tamil News Spot

பீட்ரூட் ஒரு இனிப்பான காய்கறியாகும். இதில் நைட்ரேட், வைட்டமின் சி, கரோட்டினாய்டுகள், மெக்னீசியம் போன்றவை உள்ளதால் இது பல்வேறு நன்மைகளை அளிக்கிறது. இதில் உள்ள நைட்ரேட் இரத்த நாளங்களைத் தளர்த்தவும், ஆக்ஸிஜன் உறிஞ்சுதலை மேம்படுத்தவும் உதவுகிறது.

பனி காலம் தொடங்கிடுச்சு… குதிகால் வெடிப்பு அதிகமாகாம தடுப்பது எப்படி?

​பூண்டு

samayam tamil Tamil News Spot

நுரையீரல் ஆரோக்கியத்திற்காக நமது உணவுகளில் பூண்டு சேர்க்கலாம். இது சுவையை அதிகரிக்கிறது. மேலும் அதிகமாக அழற்சி எதிர்ப்பு பண்புகளைக் கொண்டுள்ளது. ஆனால் பூண்டின் வாசனையானது பலருக்குப் பிடிப்பதில்லை. இதனால் அவர்கள் பூண்டை வெறுக்கின்றனர். ஆனால் இது மருத்துவ குணமிக்க உணவாகும்.

​வெல்லம்

samayam tamil Tamil News Spot

வெள்ளை சர்க்கரையைத்தான் அதிகமாக நாம் இனிப்பு தேவைக்குப் பயன்படுத்துகிறோம். அதற்கு மாற்றாக நாம் வெல்லத்தைப் பயன்படுத்தலாம். வெல்லம் ஒரு இயற்கையான இனிப்பு உணவாகும். இது இயற்கையாகவே சுத்திகரிப்பு பண்புகளைக் கொண்டுள்ளதால் அதிக மாசுபாடான சூழலில் வாழும் மக்களுக்கு நன்மை பயக்கக்கூடியதாய் உள்ளது.

இந்த வாழ்க்கை முறை மாற்றங்களை பின்பற்றினாலே போதும் பக்கவாதம் வராம தடுத்திடலாம்…

​அதிமதுரம்

samayam tamil Tamil News Spot

இந்திய ஆயுர்வேத மூலிகைகளில் ஒன்றான அதிமதுரம் நுரையீரலுக்கு நன்மை பயக்கும் மூலிகையாக உள்ளது. இது ஆஸ்துமா பிரச்சனைகளைக் குறைப்பதற்கு உதவுகிறது. சளி, இருமல் பிரச்சனைகளை சரி செய்கிறது. மேலும் மூச்சுக்குழாய் அழற்சி, சுவாச பிரச்சனைகளை சரி செய்ய உதவும் மூலிகையாக அதிமதுரம் உள்ளது.

​இஞ்சி

samayam tamil Tamil News Spot

இந்திய உணவுகளில் முக்கியமான உணவுப் பொருளாக இஞ்சி உள்ளது. இது அதிகமான அழற்சி எதிர்ப்பு பண்புகளைக் கொண்டுள்ளதால், நுரையீரல் தொடர்பாக ஏற்படும் அழற்சி பிரச்சனைகளை சரிசெய்வதற்கு உதவுகின்றன.

இந்த உணவுகள் அனைத்தும் அதிக காற்று மாசுபாட்டை சந்திப்பவர்கள் தங்கள் நுரையீரலை வலுப்படுத்திக்கொள்ள உதவும் உணவுகளாக உள்ளன. அதே சமயம் நுரையீரலைப் பாதிக்கும் சில உணவுகளும் உள்ளன. அதிகமாக மாசுபாடு இருக்கும் சமயங்களில் இந்த உணவுகளை நிராகரிப்பது நல்லது.

இப்படி ரத்த கொப்பளம் வந்தா உடனே என்ன செய்யணும்? எளிமையான வீட்டு வைத்தியங்கள் இதோ…

​தவிர்க்க வேண்டிய உணவுகள்

samayam tamil Tamil News Spot

காற்று மாசுபாட்டை அதிகமாக சந்திப்பவர்கள் வறுத்த உணவுகளைத் தவிர்ப்பது நல்லது. வறுத்த உணவில் ஆரோக்கியமற்ற கொழுப்புகள் உள்ளன, அவை உங்கள் நுரையீரலில் அசௌகரியத்தை ஏற்படுத்துவதற்கான வாய்ப்புகள் உள்ளன.

அதிகமாக சோடா உள்ள உணவுகள் மற்றும் இனிப்பு உள்ள உணவுகளைத் தவிர்க்கவும். இவை மூச்சு தொடர்பான பிரச்சனைகளை அதிகரிப்பதற்கான வாய்ப்புகள் உள்ளன.

பீர் போன்ற பானங்களைக் காற்று மாசுபாடு இருக்கும்போது குடிக்க வேண்டாம். அது நுரையீரலில் வீக்கத்தை ஏற்படுத்தும்.



Source link

Share on Social Media

Leave a Reply

Your email address will not be published. Required fields are marked *