Share on Social Media


கண் எரிச்சல், கண் சிவந்து போதல், கண்களில் அரிப்பு போன்ற பிரச்சனைகள் தொடர்ந்து இருந்தால் நீங்கள் கண் உலர் நோய்க்குறியால் பாதிக்கப்படலாம். முதியவர்கள் மற்றும் நடுத்தர வயதினரிடையே இந்த பிரச்சனை பொதுவானது தான் என்றாலும், தற்போதைய சுற்றுச்சூழல் மற்றும் வாழ்க்கை முறை காரணிகளால் இளம் வயதினர் மட்டுமின்றி குழந்தைகளைக் கூட இந்த கண் உலர் நோய்க்குறி பாதிக்கிறது.

கண் உலர் நோய்க்குறி எதனால் ஏற்படுகிறது?

கண்ணில் உள்ள கண்ணீர் சுரப்பிகளில் கண்ணீர் போதுமான அளவு உற்பத்தி ஆகாதது மற்றும் வேகமாக ஆவி ஆவதால் இந்த கண் உலர் நோய்க்குறி ஏற்படுகிறது.

இது கண்களில் அசௌகரியம் மற்றும் வலியை ஏற்படுத்தும். இந்த கண் உலர் நோய்க்குறி யாருக்கு ஏற்படும் என்றால், குளிரூட்டப்பட்ட இடங்களில் வசிப்பவர்கள், கணினித் திரையை அதிக நேரம் பார்ப்பவர்கள், மோசமான வெளிச்சம் அல்லது அதிக வெளிச்சம் போன்றவற்றால் கண்களில் ஈரப்பதம் இருக்காது.

இந்த கண் உலர் நோய்க்குறி ஏற்படலாம். இவை மட்டுமின்றி, ஒரு சில மருத்துவக் காரணங்களான ஹார்மோன் ஏற்றத்தாழ்வு, அலர்ஜி மற்றும் முதுமை போன்றவை கூட கண்னின் வறட்சிக்கு காரணமாக அமையும்.

இந்த பிரச்னை நீண்ட நாட்கள் இருந்தால் அது உங்கள் கண்களில் வலியை ஏற்படுத்துவதோடு, உங்களின் வாழ்க்கைத் தரம் மற்றும் பார்வைத் திறனையும் பாதிக்கும்.

​நீரேற்றமாக இருங்கள்

samayam tamil Tamil News Spot

கண்னின் மேற்பரப்பு பகுதி சரியாக செயல்பட வேண்டுமெனில் அந்தப் பகுதியில் உடலில் தகுந்த அளவு நீரேற்றம் இருக்க வேண்டும். கண்களைச் சுத்தப்படுத்தவும், பாதுகாக்கவும் தேவையான திரவங்களை வெளியிடும் லாக்ரிமல் சுரப்பி சரியாக செயல்பட வேண்டுமெனில் நீரேற்றமாக இருப்பது மிகவும் அவசியம்.

தேவையான அளவு தண்ணீரைக் குடிப்பதன் மூலம் தான் கண்களால் கண்ணீர் மற்றும் எண்ணெய்களை உற்பத்தி செய்ய முடியும். நீரிழப்பு ஏற்படும்போது கண்ணின் மேற்பரப்பும் பாதிக்கும்.

​பழங்கள்

samayam tamil Tamil News Spot

இதன் விளைவாக கண்கள் வறண்டு போவது மற்றும் எரிச்சல் ஏற்படும். உடலில் நீரிழப்பு ஏற்படுத்தும் பானங்களான காபி, ஆல்கஹால் மற்றும் பிற காபின் பானங்களை அதிக அளவில் எடுத்துக் கொள்ளாமல் மிதமாக எடுத்துக் கொள்வது நீரிழப்பு ஏற்படுவதை தடுக்கும்.

தர்பூசணி, பீச், வெள்ளரிக்காய், ஸ்ட்ராபெர்ரி போன்ற நீர்ச்சத்து நிறைந்த பழங்களை அதிக அளவில் எடுத்துக் கொள்ளலாம். இது கண்கள் வறட்சியாவதை தடுக்கும்.

​ஒமேகா3 கொழுப்பு அமிலங்கள்

3-

ஒமேகா 3 கொழுப்பு அமிலங்கள் நிறைந்த உணவுகளை உணவில் சேர்த்துக் கொள்வதன் மூலம், உங்கள் கண்களின் எண்ணெய்ப் படலம் மற்றும் அதன் உயவுத் தன்மையை மேம்படுத்தலாம்.

அத்தியாவசியமான கொழுப்பு அமிலங்களை போதுமான அளவு உட்கொள்வது கண் உலர் நோயால் பாதிக்கப்படும் அபாயத்தைக் குறைக்கும் என ஆய்வுகள் கூறுகின்றன.

ஒமேகா 3 நிறைந்த உணவுகளான ஆளி விதை, முட்டை, சியா விதைகள், சால்மன் மீன், அக்ரூட் பருப்புகள் போன்றவற்றை உங்களின் உணவில் சேர்த்துக் கொள்ளலாம்.

கண் சிமிட்டுவது

samayam tamil Tamil News Spot

அடிக்கடி கண் சிமிட்டுவதன் மூலம் வறண்ட கண்களை தவிர்க்க முடியும். எப்படி எனில், கண் சிமிட்டுவதில் ஈடுபடுவதன் மூலம் கண்களை ஈரப்படுத்தவும், கண்களில் உள்ள நீர் ஆவியாவதைக் குறைக்கவும் முடியும்.

ஒருவர் நிமிடத்திற்கு 15-லிருந்து 30 முறை கண்களை சிமிட்ட வேண்டும். கணினி திரை மற்றும் டிஜிட்டல் சார்ந்த வேலைகளில் உள்ளவர்கள் கண் சிமிட்டுவது என்பது குறைவாகத் தான் இருக்கும்.

ஒவ்வொரு 20 நிமிடங்களுக்கு ஒரு முறை 20 வினாடிகள் கண்களுக்கு ஓய்வு அளிக்க வேண்டும். அதேபோல், டிஜிட்டல் திரை போன்றவற்றால் ஏற்படும் கண் அழுத்தத்தை சமாளிக்க அதற்குரிய கண்ணாடிகளை அணிந்து கொள்ளவும்.

​வெதுவெதுப்பான நீரில் ஒத்தடம் கொடுங்கள்

samayam tamil Tamil News Spot

தினமும் நீங்கள் கண்னின் இமைகள் மற்றும் சுற்றியுள்ள பகுதியை பேபி ஷாம்பு அல்லது சோப்பு கொண்டு சுத்தம் செய்யுங்கள்.

ஒரு சுத்தமான துணியை வெதுவெதுப்பான நீரில் நனைத்து அதனை கண்களின் மேல் வைத்து ஒத்தடம் கொடுங்கள். அப்படி செய்வதன் மூலம் அதில் உள்ள வெப்பம் கண்ணின் சுரப்பிகளில் அடைத்து இருக்கும் எண்ணெய்களை தளர்த்தவும், வீக்கம் மாற்றும் எரிச்சல் போன்றவற்றைக் குறைக்கவும் முடியும்.

சன்கிளாஸ் மறக்காதீர்கள்

samayam tamil Tamil News Spot

நீங்கள் எப்போதும் வெளியே கிளம்பும்போது கண்களை தூசி, புகை மற்றும் மாசுகளில் இருந்து பாதுகாக்க சன்கிளாஸ் அணிந்து செல்வதை வழக்கமாக்கிக் கொள்ளுங்கள்.

தூசி மற்றும் புகை போன்றவற்றால் கண்கள் வறண்டு போகும். அதுமட்டுமின்றி, சன்கிளாஸ் அணிவதால் சூரியனின் தீங்கு விளைவிக்கும் புற ஊதாக் கதிர்களின் ஒளியில் இருந்து நீங்கள் தப்பிக்கலாம்.

மேலும், கிளாஸ் அணிந்து கொள்வதன் மூலம் கார்னியா, லென்ஸ் மற்றும் விழித்திரை சேதப்படும் அபாயம் குறையும்.



Source link

Share on Social Media

Leave a Reply

Your email address will not be published.