Share on Social Media


உலகம் முழுவதும் பல்வேறு நாடுகளுக்கு ஒமைக்ரான் வைரஸ் பரவிவிட்டது. குறிப்பாக ஐரோப்பிய நாடுகளில் ஒமைக்ரான் வேகமாக பரவி வருகிறது. இதுகுறித்து ஏற்கெனவே ஐரோப்பிய ஆணையத்தின் தலைவர் எச்சரிக்கை விடுத்துள்ளார்.

இந்நிலையில் ஒமைக்ரான் வைரஸால் ஜெர்மனியில் மிகப்பெரிய ஐந்தாம் அலை தொடங்கியுள்ளதாக அந்நாட்டின் சுகாதாரத் துறை அமைச்சர் கார்ல் லாடெர்பேச் தெரிவித்துள்ளார். மேலும், இதற்கு முன் இல்லாத அளவுக்கு மிகப்பெரிய சவாலை ஜெர்மனி சந்தித்து வருவதாகவும் அவர் தெரிவித்துள்ளார்.

ஜெர்மனியில் கொரோனாவால் உயிரிழப்போரின் எண்ணிக்கை தொடர்ந்து அதிகரித்து வருகிறது. இதையடுத்து, விளையாட்டரங்கங்களில் பொதுமக்கள் கூடுவதற்கு ஜெர்மனி அரசு தடை விதித்துள்ளது. மேலும் பல்வேறு கட்டுப்பாடுகள் அமல்படுத்தப்பட்டுள்ளன.

அடுத்த 11 நாட்களுக்கு யாரும் சிரிக்கக் கூடாது; ஏன் இப்படியொரு உத்தரவு தெரியுமா?
ஒமைக்ரான் பரவலை தடுக்க ஜெர்மனி, ஹங்கேரி, ஸ்பெயின், கிரீஸ் உள்ளிட்ட ஐரோப்பிய நாடுகள் குழந்தைகளுக்கும் தடுப்பூசி போடத் தொடங்கிவிட்டன. மேலும், ஆஸ்திரியா நாட்டில் ஊரடங்கு அமல்படுத்தப்பட்டுள்ளது.

அடுத்த ஆண்டுக்குள் ஐரோப்பாவிலேயே ஒமைக்ரான் வைரஸ் ஆதிக்கம் செலுத்தும் கொரோனா வகையாக இருக்கும் என ஐரோப்பிய ஆணையத்தின் தலைவர் உர்சுலா வான் டெர் லெயன் தெரிவித்துள்ளார். எனவே, அடுத்த அலையை கட்டுப்படுத்த மக்கள் அனைவரும் மாஸ்க் அணிந்துகொள்ள வேண்டுமென சுகாதார வல்லுநர்கள் கேட்டுக்கொண்டுள்ளது.



Source link

Share on Social Media

Leave a Reply

Your email address will not be published.